بە پاو هەواڵێوە تۆڕەو مافەکا مرۆڤوو کوردسانی جە درێژەو شەپۆلەی تازۍ گێرتەی چالاکا و هاموڵاتیا کوردینە، جە شارەکا شنۆ و سایین قەڵاینە چوار هاموڵاتیۍ بە نامەکا لوقمان حاجی خۆش، سالار بەیگی، عەلی شیری و ناسر مورادی جە تەرەفوو هێزە ئەمنییەکا دەوڵەتیوە گیریێنۍ.

لوقمان حاجی خۆش دماو خولقکەردەیش پەی ئیتلاعات و شنۆی گیرییان و حەریۆ جە سالار بەیگی، عەلی شیری و ناسر مورادی خەڵکوو دەگاو (قوزلوی هەوشار)ی سەر بە سایین قەڵای جە میانوو هۊرکوای هێزە ئەمنییەکانە پەی سەروو یانەکاشا گیریێنۍ.

جەسەرەتاو مانگەو ئایاریوە، بە پاو ئا ئامارا کە جە تەرەفوو رێکوزیاکا داکۆکیکاری جە مافەکا مرۆڤیۆ وەڵۍ کریێنۍ، لاو کەمیۆ ٣٢ هاموڵاتیۍ و چالاکۍ مەدەنی و کولتوریۍ جە تەرەفوو هێزەئەمنییەکا ئێرانیوە جە ۋەرکەوتوو کوردسانینە گیریێنۍ.

مەڵامەتوو بەشێوە فرەو ئا کەسا گێڵۊوە پەی رێکوستەی و بەشداریشا جە مەراسیمەکا نەورۆزوو ئێساڵینە.