هونەرمەنەو کوردی هۆزان مزگینە (غوربەت ئایدنی) جە ٣٢ ەمین ساڵیادو گەشمەردەبیەیشەنە بە چالاکییەوە یادەکریاوە.

بەدلیس

هۆزان مزگینە سەرو قەبرەکێ کارشیکایای مەنتیقەو تەتوانی یادەکریاوە.

پەرلەمانتارو دەم پارتی بەدلیسی حوسەین ئۆلان، ڕێکوزیاو دەم پارتی و بەدلیسی و مەنتیقەو تەتوانی، کۆمەڵەو چاند و هونەرو سەرحەدی بەشدارێ یادەکەی بێنێ. یادەکە بە دەیەقێوە ڕێزگێرتەی پەی یادو گەشمەردا ئازادیی کوردسانی دەسش پنە کەرد و دووعا پەی گەشمەردا کریا.

ئامەد

گرووپ و مۆسیقاو ژن مای پەی یادو هۆزان مزگینێ جە شانۆ وشارو ئامەدی مەنتیقەو پەیاسی کۆنسێرتێوەش ئەنجام دا. هامسەرۆکا شارەوانی ئامەدی، هامسەرۆکەو شارەوانی شاری تازەی سافیە ئاکداغە، هامسەرۆکەو شارەوانی سوری گوڵان ئۆنکۆلە، هامسەرۆکەو شارەوانی ڕێزان لەیلا ئایازە و ئەنداما مەجلیسو شارەوانی و تەڤگەرو ژەنا ئازادیی بەشدارێ یادەکەی بێنێ.

ڕاوەبەرەو کۆمەڵەو چاندی و هونەر ی و ئەدەبی ژەنا، ساڵحە ئایاتا سەرنجش وست سەرو گرنگی هۆزان مزگینێ جە ئەرەکۆشای ژەنانە و واتش: "هۆزانە پێسەو ژەنێ وەرمەکێ وێش بە دی ئاردێ".

چالاکوانەو تەژەئای مەکیە ئۆرمانجیە واتش: "هەڤاڵ مزگینە وەختێ نکۆڵی جە بیەو کوردا کریێ واتش "شمە غەڵەتێندێ" و بە مۆسیقاو و هونەرەکەش ئینەش نیشانەدا". 

"بیە بە ڕۆشنای چاند و هونەرو کوردی"

مەکیە ئەرەیاوناش هۆزانە جە سەردەمو قەدەغەکەردەی چاندو کوردی مۆسیقاو کوردیش پەرەپەنەدا و واتش: "بیە بە ڕۆشنای چاند و هونەرو کوردی. ڕابەرایەتی واتش، ئانێ کۆشش مکەرا، زەریفێ با، ئانێ زەریفێ با، وەشەویسێ با. هۆزانەمزگینە گروەختێ وەشەویسەبێ. ئێمە ئیسە ڕووبەڕوو نەمەنەی بیمێوە. وەختۍ تەماشەو ئەرەکۆشاو ئا وەختەو هۆزان مزگینێ کەرمێ، خاستەر یاومێنە چانەی پێویسا چنین ئەرەکۆشمێ. گرد وەختی شۆن کەوتێ ئەرەکۆشاو هۆزان مزگینی بیمێ".

دماتەر یادەکە بە کۆنسێرتو گرووپ و مۆسیقاو ژن مای بەردەوام بی.