گەریلاکاو ئازاڎیی کوردسانی دژوو بنکېوە سەروازی وەدات ئۆزکای سەر بە بازیدی چالاکیېوە هەماهەنگشا کەرڎ. جە چالاکییەکەنە یەکلابیەنۊ، کە دووۍ سەروازۍ تورکی ئەرەگیری بە سزا یاۋېنۍ، سەنگەرێوە، کامێرېوە چەمڎاری و رادارێوە دلېنەبریۍ.
ناوەنڎوو ئەرەیاۋنا و چاپەمەنی هەپەگەی سەبارەڎ بە چالاکی گەریلای و هجومەکا سوپاو تورکی ئەرەگیری ئی زانیاریېشە ئەرەیاۋنۍ:
"جە هەرێموو سەرحەدی؛
٢٦و تشرینی یوۋەمی سەعات ٢٢:٣٠ دەیەقۍ دژوو بنکەو سەروازی وەدات ئۆزکای سەر بە بازیدی بە تاکتیکوو گەریلای هەماهەنگی، چالاکی کریان. قۆڵوو یوۋەم و چالاکیەکەی بە تاکتیک و نیشانەماڕۍ جە ئەرەگیراشا دا کە جە تاوەرێوە چەمڎارینە حەرەسۍ بېنۍ و جە ئاکامەنە ئەەگیرېوە سزا دریا. قۆڵی دووەموو چالاکیەکەی جە سەنگەری، کامێرەی چەمڎاری و رادارېوەشا داو دلېشانە بەردۍ. هاموەخت ئەوەتەقایۍ گۊرە دلۍ بنکەکەینە ڕووەشدا بەڵام ژمارەو ئا ئەرەگیرا کە سزادریېنۍ و زامڎارۍ بیېنۍ ڕۊشن نەبیەنۊ. ئەرەگیرەکۍ سەعات و نیمۍ دماو چالاکیەکەی بە هەلیکۆپتەر کوشیاو و زامڎارەکېشا فاڕېوە. چا چالاکیەنە پەشتڕاس کریانۊ کە بە گرڎین دووۍ ئەرەگیرۍ سزادرینۍ و سەنگەرێوە، کامێروە چەمڎاری و رادارێوە دلېنەبریېنۍ.
ھەرێموو زاپی؛
٢٧و تشرینی یوۋەمی سەعات ١٦:٣٠، دەیەقۍ جە مېڎانوو مدرامانوو سیدای، بە چەکی سووک کامێرېوە چەمڎاری ئەرەگیرا کریا ئامانج و دلېنە بریا.
٢٨و تشرینی یوۋەمی سەعات ٠٦.٤٠، دەیەقۍ جە مېڎانوو مدرامانوو سیدای، بە چەکی سووک جە ئەرەگیرا دریا و ئەرەگیرېوە سزادریا.
هەرێمی شەهید دەلیلی ڕۆژئاوای زاپ؛
٢٧و تشرینی یوۋەمی سەعات ١٣:٢٠ و ١٣:٣٥ و ١٤:٣٠،دەیەقۍ بە چەکی قورس ئا ئەرەگیرۍ کە حۊڵ دېنۍ جە مېڎانوو مدرامانوو کەش و جودینە بنەوزا، کریۍ ئامانج و گورزە جە ٣ سەنگەرایچ شنیا. ئا چالاکییە جە لایەن و هێزەکا یەژا ستاریماوە کریا.
٢٧و تشرینی یوۋەمی سەعات ١٥:٠٠، جە مېڎانوو مدرامانوو کەش و جودی، ڕادارێوە سەر بە ئەرەگیرا کریا ئامانج و دلېنەبریا. ئا چالاکییە جە لایەن و هێزەکا یەژا ستاریماوە کریا.
هەرێموو مەتینای؛
٢٣و تشرینی یوۋەمی سەعات ١٤:٤٠،دەیەقۍ جە مېڎانوو مدرامانوو کەش و ئۆرتێ، بە چەکی قورس جە ئەرەگیرا دریا.
هجومەکۍ سوپاو دەوڵەتوو تورکی بە تەقەمەنی قەڎەغەکریا، گازی کیمیاۋیی و فڕۆکەی بێفڕۆکەوانی بەبۊمب چنیای؛
٢٧و تشرینی یوۋەمی ، سەنگەرەکۍ جەنگی جە مېڎانوو مدرامانوو سیدای جە ھەرێموو زاپینە جارێوە بۆردومان کریۍ.
٢٧و تشرینی یوۋەمی، سەنگەرەکۍ جەنگی جە مېڎانوو مدرامانوو کەش و چارچەلی جە هەرېموو مەتینای جارێوە بە فڕۆکەی بێفڕۆکەوان و سەنگەڕەکۍ جەنگی جە مېڎانوو مدرامانوو کەش و ئۆرتێ، ١١ جارۍ بە گازی کیمیاۋیی و تەقەمەنی قەڎەغەکریا بۆردومان کریۍ.
٢٧و تشرینی یوۋەمی ، سەنگەرەکۍ جەنگی جە مېڎانوو مدرامانوو کەش و جودی جە ھەرێموو گەشمەرڎە دەلیلوو ۋەرنیشتوو زاپی جارێوە بە تەقەمەنی و جارێوەیچ بە فڕۆکەی بێفڕۆکەوان بۆردومان کریۍ.
هجومەکۍ سوپاو تورکی ئەرەگیری؛
٢٧و تشرینی یوۋەمی ، ھەرێمەکاو گەشمەرڎە دەلیلوو ۋەرنیشتوو زاپی و مەتینای جە لایەنوو هەلیکۆپتەرە هجومکەرەکاوە بۆردومان کریۍ.
ھەرێمەکې زاپی، گەشمەرڎە دەلیلوو ۋەرنیشتوو زاپی ، مەتینا، خواکورک و بارزانی تۆپبۋاران کریۍ.
