کۆمۆنو ژەنا خۆیبوونی سەر بە جمېیەرو ژەنا کوردی جە فەرەنسانە (تەژەکە-فە)، نامەشا ئاراسەو شالیارو دادو فەرەنسای کەرد. ژەنا جە نامەکاشانە داواشا کەردە بکوژاو سەکینە جانسزۍ، فیدان دۆغانۍ، لەیلا شایلەمەزۍ کە جە ٩و کانونو دوەمو ٢٠١٣ ی و ئەمینە کارا، میر پەروەر و عەبدولرەحمان کزل کە جە ٢٣ۍ کانونو یووەمو ٢٠٢٢ جە پاریسو پایتەختو فەرەنساینە تیرۆرۍ کریۍ، پەی رای گرڎینی ئاشکرا بکریا و دادگایی بکریا.

جە نامەکەشانە پەی شالیارو دادو فەرەنسای، ژەنا باسشا چانەی کەرڎ، کە مەردەی ئەنجامدەرو کۆمکوژی یووەمو پاریسی عومەر گونای گوماناوییا، ئینە جیا چانەی چێرو نامۍ پەنهانو دۆڵەتینە دۆسیەکە وزیانەرە. هەر جە نامەکەنە سەرنج وزیان سەرو کۆمکوژی دووەمو پاریسی و ئانە وزیان ڕووە، کە "کۆمکوژی دووەمیچ بە بەهانۍ 'تەندروسیی بکەرەکەیش خاس نیا و تاوانەکۍ نەژاڎ پەرستییەنە' کۆمکوژییەکە ڕۊشن نەکریاوە.

ژەنی جە نامەکەشانە باسشا چانەی کەرڎ کە ئەرەکۊشای و مڎرامانش پەی چەسپنای دادپەروەری فراوانتەر مکەرا.