هێزەکاو ڕەنج و ئاشتی و دیموکراسی ئیستەنبوڵی پەی شەرمەزار کەردەی هرووژمەکا دۆڵەتو تورکی و چەتەکاش پەی سەرو حەلەبی و ۋەرنیشتوو کوردەسانی جە مېڎانوو شیشخانەینە کوۍ بیێوە. چڼین کەسۍ و دلێشانە پەرلەمانتاراو دەم پارتی تەوقە دریۍ. پۆلیس هرووژمش کەرڎ سەرو ئا جەماوەرەی جە جبەرو تەوقەکێوە بە درووشمۆو "بژیۋۆ مڎرامانوو ۋەرنیشتی" ناڕەزایی بەربڕێنۍ، جە ئاکامەنە ٥٠ کەسێشا بە ئەشکەنجەدای باڵبەسۍ کەردۍ.

سەرەڕاو فشاری و دەسسەرەرەگێرتەی، جەماوەر بە درووشمۊو "بژیۋۆ مڎرامانوو ۋەرنیشتی" و "بە مڎرامان سەرۍ گنمۍ" و "فشار ئێمە نمەمردنۆ" دژو هرووژمو دۆڵەتوو تورکی و چەتەکا پەی سەرو حەلەبی و ۋەرنیشتوو کوردەسانی ڕاپیمایشا کەرڎ.