جە چالاکییەکەنە کوردۍ و ئەنتەرناسیۆنالیستەکۍ جە چڼین شارۍ ئۊروپایۆ بەشدارۍ بێنۍ، بە مەرامو بەشداربیەی جە ڕاپیمای و گلېرۊبیەو ستراسبۆرگی چالاکییەکەشا جە ١٠و شوباتیوە دەسشپنەکەرڎەن.

چالاکا سەرسەعب ۋەردەمو وێستگەو قیتارو ئۆفینگبوورگینە کوۍ بیێوە و بەرەو مېیانو شارو ئۆفینگبوورگی ڕاپیمایشا دەسپنەکەرڎ.

چالاکا تەمامو ڕۊکەینە ١٩ کیلۆمەترۍ ڕاشا بڕیە. قەرارا جە سەعاتەکا وێرەگاینە جە مېیانوو گلېرگەو کوردی دیموکراتیکینە جە شارو لاهرینە سیمینارێوە بە نامونیشانو "ئەوەکۊشای ئەنتەرناسیۆناڵ"ی ئەنجام بڎریۆ.

ڕۊو پەنجەمو چالاکییەکەی جە ١٤و شوباتی سەعات ٠٨:٠٠ جە مېڎانوو گۆڵف پارک فرایبۆرگ دیتنباخینە دەسپنە مکەرۆ. چالاکا بە شلۊقتەرین جاڎەکا شارو فرایبۆرگی نزیکەو ٨ کیلۆمەترا بە پێ ملا. جە دما دمایی ڕووەکەینە بەرنامێوە چېرو نامۍ "ۋەنایۆ ڕابەرایەتی"نە جە مېیانوو گلېرگەو دیموکراتیکی کوردینە جە فرایبۆرگ ملۆڕاوە.

ڕۊو ششەمی دما ڕۊو چالاکیەکەین، سەعات ٠٧:٠٠ بە پاس بەرەو ستراسبۆرگ گناڕا. چالاکا جە شۊنەو ڕاپیماو مېیانینە جە ستراسبۆرگ کوۍ باوە و چالاکییەکەی دمایی پنەمارا.