سەعات٠٩:٠٠ سەرسەعبوو ئارۊ یەکشەممەی، شاروو لۊزانوو وەڵاتوو سویسراینە، دووەمین ڕۊو هەرمانەکاو کۊنفڕانسوو١٠٠ ساڵەو لۊزانی دەسش پەنە کەرد.
درێژەو کۊنفڕانسەکەینە، پانێلێوە بە نامۍ "بارودۊخوو ژەنا و کۊشیای ژەنا" ڕێک وزیا. جە پانێلەکەنە، هەریۊ جە مننەوەر عەزیزئۊغڵو، پڕۊفیسۊر زانکۊو برێمەنوو ئەڵمانیاینە و نەرمین عوسمانە، وەزیرەی وەڵینەو پانێلەکە لاو ژاڵانە هەورامانۍ و سەحەر ئایدە میرێوە لوا ڕاوە.
هەر دووە پانێلیستەکۍ بە زاستی و ئەکادیمییانە باسشا جە کاریگەرییەکاو پەیماننامەو لۊزانی سەروو ژەنەو کوردیوە کەرد و پێوەس پانەیچ کێشە و ئارێشەکاو وەرڎەموو ژەنان و چەنییەتیی چارەسەرکەرڎەیشا بەفراوانی باس کریا.
هاموەخت ئاماژە دریا بە نەهامەتییەکاو ژەناو کوردی سایۍ ئەرەگیراو کورڎسانیوە.
بڕیارا پانێلەکۍ تا سەعات ١١:٠٠ی وەڵێنیمەڕۊی بەرڎەوام بۊ و دماتەر بە پانێلێوە بە نامۍ "بارودۊخوو گەلای تەروو کورڎسانی" درێژە بە کۊنفڕانسەکەی دریۊ.
چا پانێلێچنە، ئایدن ئاسڵان، نویسەرە و کۊڵیارە، نایری نوورەدین مامۊساو پەروەرڎەی پێسە پانێلیستۍ بەشدارۍ با.
دمابەدماو ئانەیچ پانێلەو "١٠٠ ساڵ کوشیای وەراوەروو پەیمانەو لۊزانێوە" هەنە و هەر یۊ جە پڕۊفیسۊر نایف ڕەزوان، مامۊساو کۊلێژوو یاسۍ جە زانکۊو ڤیەنناو نەمسای و د. ئازاد حاجی ئاغایی. کۊڵیار، زانکۊو پۊڵۊنیای، ئارێز عەبدوڵڵا، نویسەر و ئەنداموو سەرکرڎایەتیی یەنەکە د. هەڤاڵ ئەبوبەکر، نویسەر و پارێزگاروو سلێمانیی پێسە پانێلیستی بەشدارۍ با و قسەوباس سەروو بابەتەکەی کەرا.

س.ز