بەپاو سەرچەمەکا دلۍ کانتۆنو عەفرینی ئەرەگیرکریای، چەتەکۍ "سوڵتان سلێمان شا"ی تورکمانی کە بە فەرمانەو ڕاسەوخۆو میتی تورکی هەرمانەکەرا، ١٥ هاموڵاتیۍ جە مەنتیقەو موباتاینە بڕفانا، بە بەهانۍ بازرگانیکەرڎەی بە ترشەسماقیۊ.

بەپاو سەرچەمەکا، چەتەکۍ میقدارو ١٠٠ دۆلاراشا سەرو حەر یۊ چا ئەڕفایارە سەپنان ۋەران ۋەر بە ئازاڎکەرڎەیشا، هەڵای حیچ زانیاریېۋە جەبارەو چارەنۋیسو ئەڕفیاکاوە نەزانیان.

جە مەنتیقەو جەندرېسیچەنە، چەتەکۍ "پۆلیسی سەوازی" هاموڵاتی حوسێن بەکر سلێمانی (٤٨ ساڵ)شا بە بەهانۍ بۍ بنەمای بڕفانا.

جە وەختو ئەرەگیرکەرڎەیشۊ جە ئازارو ٢٠١٨یۊ، تاوانەکۍ ئەرەگیری تورکی ۋەران ۋەر بە هاموڵاتیا عەفرینی ۋەردەواما جە کوشتەی و ئەڕفای و سەپنای باجی و سەرانەی، بە ئامانجو تەنگەتاوکەرڎەی و ناچارکەرڎەیشا بە کۆچکەرڎەی سەرو خاکو ۋېشاوە.

هـ . ش