کۊنفرانسوو کەنەکەی بە ناموونیشانوو "جە ١٠٠ەمین ساڵیادوو پەیماننامەو لۊزانینە، هەڵوێستوو گەلوو کوردستانی" ملۊ راوە. کۊنفرانسەکە جە ڕۊی دووەمنە بە پانێڵەو "دۊخوو گەلاو ئەرمەنی و ئاشووری و کلدانی" بەرڎەوام بۍ. نویسەر و کۊڵیار ئایدن ئەسڵان و پەروەرڎەکار نایری مورادیان پێسە وتارواچی بەشدارۍ بێنۍ.

نویسەری ئەرمەنی ئایدن ئەسڵان بەکوردی قسێش کەرڎۍ و واتش، ئادۍ واتیلۍ "شێر هەر شێرا، ژەنی بۊ یان پی" جە ژەنەو کوردیوە فێرۍ بیۍ. ئایدن ئەرەیاوناش، کورد و ئەرمەن سەروو هەمان خاکیوە هەنۍ و پەرسەکێچشا هامبەشەنە. ئاماژەش پانەیە کەرد، بەتایبەت جە قامیشلۊنە کورد و ئەرمەن پێوە ژیوا و واتش: "زارۊڵاو هەردووە گەلەکەی چەنەئامۍ و کۊشەرێنۍ. جە مەکتەبەکاو ئەرمەنینە چندین تەلەبۍ کورڎۍ هەنۍ. ئەرمەنییەکاو واگەی جە من خاستەر کوردیی زانا. ئەرمەن و کورد و واڵەوبرۍ یۊینۍ، جەنگەکەما هامبەشا، دوژمنەکەما هامبەشا".

ئایدن ئاماژەش پانەیە بە پەرسەو هامبەشەو گەلوو ئەرمەنی و کوردی کەرڎە و ئەرەیاوناش، دمای ئەرەمەرزنای دەوڵەتوو تورکی پەرسەکۍ سەختتەرە بیێنە.

نایری مورادیانە باسوو پەرسەو ئاشووری و کلدانیش سەرڎەموو عوسمانییەکانە کەرد. مورادیانە ئەرەیاوناش، ئی پەرسۍ بە ئەرەمەرزنای ڕژێموو کۊماری مەزنتەرە بییە. مورادیانە ئەوەخوایش کەرڎۊ، سیاسەتوو کۊکوشیی کۊماری بیێنۍ بایسوو ئانەیە ئاشووری و کلدانی و کەمینەکای تەرێچ بەجیددی کۊچ کەرا.واتیچش پەیماننامەو لۊزانی بناغەو گردوو قۊرتەکاو کوردینە دلۍ وەرکەوتوو دلێڕاسەینە.

س.ز