هرووژمەکۍ ئی دماییەو سوپاو ئەرەگیرو تورکی و چەتەکاش بەنامێ سوپاو میللی سوریای، ٥٢ هاموڵاتیێ مەدەنیێ کوشیێ و لاو کەمیۆ ٢٨  هاموڵاتی مەدەنیێ زامڎارۍ بیێ. هەرپاسە بەسەڎان هەزار کەسێ جە سەرنیشتوو و وەرکەوتوو سوریای ئاوارێ بیێ. ڕاوەبەرەو ڕێکوزیاو مافو مرۆڤو سوریای، ئەڤین جوما، سەبارەت پا مەسەلێ واتش: "کۆمکوژی و تاڵانکەردەی جە مەنتیقە ئەرەگیریاکانە بەردەواما."

بەپاو ئامارەو هرووژمەکا ١٥ڕۆی پەی سەرو سەرنیشتوو و وەرکەوتوو سوریای، ٥٢ هاموڵاتیێ گەشمەردێ بیێ و لاو کەمیۆ ٢٨ هاموڵاتیێ تەرێچ زامڎارێ بیێ. وردەکارییەکێ پی جۆرەنێ:

جە ٢٧و نۆوەمبەرینە مسەفا بەرەکات تەمەن ١٧ ساڵ جە بۆمبوارانو شارو منبجینە زامڎار بیی.

جە ٢٨ و مانگێنە، جە بۆمبوارانو دەگاو خرناتاینە جە کانتۆنو عەفرین-شەهبای، دەلیل فەوازی ئیبرۆ ٢٨ساڵ، زامڎار بیی.

٣٠ی مانگێنە جوان محەمەد عەلیەی تەمەن ٢٦ ساڵانە جە عەفرینەنە زامڎارە بییە.

٣٠ی مانگێنە جە دەگای گۆرۍ مەنتیقەو شێراوای بە مەڵامەتو بۆمب واران کەردەی زاۆڵێوە زامڎار بیی.

١و کانونو یوەمینە دەگاکۍ شارو حەڵەبی بۆمبواران کریۍ جە ئەنجامەنە ٤کەسێ زامڎارێ بیێ کە ٢ کەسێشا زاڕۆڵێنێ نامێشا: خدر محەلی ٢ ساڵان، زەینەب مورادە ٣ ساڵە، محەلی محەلی ٤٤ ساڵ، کەنجۆ ڕەمۆ٤١ ساڵ.

جەهەمان ڕۆنە جە ڕاو قامیشلۆینە – بەمەڵامەتو بۆمبواران کەردەو ترۆمبێلێوە حەسەکەنە. عەزیز شێخۆی تەمەن ٢٠ ساڵ گەشمەرڏە بیی.

جە ٢ۍ کانونو یوەمینە، بنەیانێوە کورد کە جە شەهباوە بەرەو حەڵەب ڕانە بۆمبواران کریێ. سەر ئەنجامەنە جەماڵ مورسل و حەسەنی کوڕش تەمەن ٢٥ ساڵ گەشمەرڏە بیی و هامژینەو و کناچەکێ جەماڵیچ بە قورسی زامڎارێ بیێ.

جە ٢ۍ کانونو یووەمینە، ئەحمەد حسۆ و هامژینەکێش جە ڕاو تل ڕفعەتینە پەی عەفرینی، هجوم کریا سەرشا. ئەحمەد حسۆ گەشمەرڏە بیی، هامژینەکێش بە قورسی زامڎارە بییە.

جە ٤و کانونو یوەمینە بەمەڵامەتو بۆمبوارانو فڕۆکەیۆ جە شارو دێریکی ئەنەس محەممەد و عەبدوڵا ئەحمەد گەشمەرڏێ بیێ و٢ کەسێ تەرێچ زامڎارێ بیێ.

جە ٥و کانونو دووەمی بە مەڵامەتو هجومو هاوەنێ پەی سەرو دەگاکا تل تۆرینی و فاراتی جە وەرنیشتو منبجی، نەدیمە ئەل حسێن ئەل حەمودیە ٤٥ ساڵە گەشمەردێ بیێ، هەرپاسە سەیدا ئەل فەرەج ٤٥ ساڵ بە قورسی زامڎار بیی.

جە ٥و ئۆکتۆبەری، جە هجوم بەردەی پەی سەرو لادەگاکا عەرەبی حەسەن جە منبج سارا حاج حەسێن تەمەن ٣٠ ساڵە زامدارە بییە. زەهرا عەلی ئەلجەبانە تەمەن ٢٣ ساڵە و ئەحمەدی براش جە هجوم پەی سەرو لادەگاو ئەلبو زاخێ گەشمەرڏێ بیێ.

جە ٧و کانونو دوەمی دەگاو جب مەخزۆمی جە کانتۆنو منبجینە بۆمبواران کریێ. سەر ئەنجامەنە فاتمە ئەل محەممەدە ٢٣ ساڵە و جەبلەت ئەل حەمرای تەمەن ٤٨ساڵە زامڎارێ بیێ.

جە ٩و کانونو دووەمی جە هرووژمێوە فڕۆکەی بێفرۆکەوانینە پەی سەرو دەگاکا ئەل موستارەحای جە وەرنیشتوو شارو عەین عیسای  ١٢هاموڵاتیێ مەدەنیێ کە فرەیشا ژەنێ و زاڕۆڵێ بێنێ، کۆمکوژێ کریێ. نامێ کوشیێکا پێسەن؛ ئیبراهیم ئەل ئیدۆ، ڕوقیە محەمەد، کەوسەر ئەل ئیدۆ، لۆما ئەل ئیدۆ، عەبدولقادر ئەل ئیدۆ، محەممەد مستەفا ئەل ئیدۆ، تورکیە ئەل ئیدۆ، فەوزیە ئەل ئیدۆ، نەدا مستەفا ئەل ئیدۆ، فیتێم حەبێش ئەل ئیدۆ.

جە ٩ و کانونو دوەمینە، جە هرووژموو درۆنی پەی سەرو دەگاو خەرافانی منبجی، ١٠هامووڵاتیۍ مەدەنیێ کۆمکوژێ کریێ.

جە ٩و کانونو دوەمینە، دەگاکۍ مهەرمەلای و هەرمەلی جە زرگانێ جەلایەنو درۆنیوە بۆمب واران کریێ. کەسێوە گەشمەرڏە بیی، ٢ کەسێش زامڎارێ بیێ.

جە ٩و کانونو دوەمینە جە مەنتیقەو  شۆرا وەرنیشتی و شۆرا وەرکەوتی سەرو ڕاو زرگان – دربێسی تڕۆمبێلی مەدەنی بۆمب واران کریا. سەر ئەنجامەنە ٣ هاموڵاتیێ مەدەنی زامدارێ بیێ  و جە لادەگاکا کۆن ئەفتار ٢ زاڕۆڵێ کوشیێ.

جە ١٠و کانونو دوەمینە ، چەتەکێ SMO لوێ دلێ نەوەشخانێوە جە منبجەنە کە زامدارێ مەدەنیێش چنە چارەسەر کریێنێ، بە شێوازێ دڕندانە ٢زامدارێشا گەشمەرڏێ کەردێ.

ڕۆو ١٠و کانونو دوەمینە، سەر ئەنجام هرووژمو سەرو لادەگاکا جەعدای گۊرەینە جە پانیشتوو وەرنیشتوو کۆبانێ، ٢ کەسێ گەشمەرڏێ بییێ کە یۆشا زاڕۆڵە بێ.

جە ١٠و کانونو دوەمینە جە وەرنیشتوو عەین عیساینە، جە بۆمبوارانو لادەگاو سەفیە، خەلیل سلێمان، وەدا سلێمان، محەمەد ئەلعەبو، عەبدولکەریم ئەلعەبو، دەلال سلێمان، نادیە سلێمان، قاسم سلێمان و زاڕۆڵێوەشا بە نامێ حسام سلێمان، بەگردی ٨ کەسێ کۆمکوژێ کریێ.

جە ١٠و کانونو دوەمینە، جە هرووژم پەی سەرو منبجی ئەنداماو کۆمەڵەو ژەنا زەنوبیەی کامار ئەلسوودە، عایشە عەبدولقادرە و ئیمانە، گەشمەرڏێ بیێ.

جە ١١و کانونو دوەمینە، ئا ئەمبولانسەی کەزامدارەکا پەی کۆبانێ بەرێ سەرو ڕاو سیرین- بەنداوو تشرینی بۆمبواران کریا.

سەرەنجامەنە سایەقو ئەمبولانسەکەی و زامدارێ گەشمەرڏۍ بیی و پەرستارێوە چنی زامدارێ بە قورسی زامڎار بیۍ.

هەرپاسە سەرەنجامو هرووژمو سەرو دەگاکا تل جوماینە کەسێوە زامڎار بیی.

بە مەڵامەتوو بۆمب وارانوو تڕۆمبێلێ جە ڕاو قەرەقۆزاخینە کە ١١کەسێش چنە بێنێ. کەسێوە بەنامێ زاهیدە کوسیۍ ٦٠ساڵۍ گەشمەرڎۍ بیە، زاڕۆڵێوەیچش زامڎاربیی.

بەمەڵامەتوو سەردایۆ ١١ کەسێ گیانشا جەدەسدا

ڕاوەبەرەو کۆمەڵەو مافو مرۆڤو سوریای، ئەڤین جوما، ویرش ئاردۊ کە بەسەڎان هەزار کەسێ ناچارێ بیێنێ جە شەهبا و تل تەمرۆ کۆچ بکەرا و واتش: "هرووژمێ سیستماتیک دژ بە گەلەکەیما ملۆ ڕاوە، بەمەبەسو فاڕایشاوە پەی یاگێوە ئارامی جە شەهباوە گەلەکەما ناچار مکریۆ کۆچ بکەرا. ڕانە ١١کەسێ مەردێ کە زاڕۆڵێشا چنە بێنێ، بەسەڎان هەزار کەسێ جە گەلەکەیما بێ یانە و حاڵ دەربەدەرۍ کریێ."

کۆمکوژی، تاڵانی و دزی

ئەڤین جوما ئاماژەش پانەیە کەرد، هرووژمەکۍ سەرو منبجی کە دەسشاپنەکەرد ئیسە جە شارەکا تەرینە وەڵابییەنۆ و ئەرەیاوناش: "ئیسە منبج جەلایەنو دۆڵەتو تورکیۆ ئەرەگیرکریان، مافو مرۆڤی پاشێل کریۆ، هەرپاسە تاڵانی، دزی و کۆمکوژی ڕووەمڎۆ. هەرپاسە ڕوانە هرووژم پەی سەرو مەنتیقەکەی ئینا زیابییەینە، دۆڵەتو تورکی و چەتەکێش دڕندەیی ئەنجام مڎا و کەسانۍ مەدەنیێ بە مەرام گێرانە."