حه‌سه‌ن ئوچماز، شایه‌تحاڵو مدرامانو ڕۊچۍ مەرڎەی ١٤و تەمووزی و هامڕاو كادره سەرمەشقەکا په‌كه‌كەی، باسش جە گیانی شۆڕشگێڵی و گیانبازی ئا سه‌رده‌مه‌یە کەرڎ و ۋاتش: "چایشاۋە فێرۍ مدرامانی و کۊشیای و هامبەشی کەرڎەی جە مەرڎەی شکۆمەنڎانەی بیەیمۍ".
ڕۊچۍ مەرڎەی ١٤و ته‌مووزی، كه یۊن جە نوقتەکا هۊرچەرخنای جمیەری ئازاڎیی کورڎسانی، به به‌شداری کادرە سەرمەشقەکا په‌كه‌كەی، كه‌مال پیر، محه‌مه‌ڎ خەیری دورموش، عەلی چیچەک و عاکیف یەڵمازی دەسش پنەکەرڎ. دماو كوده‌تا فاشیستیه‌كه‌و ١٢و ئه‌یلولو ساڵەو ١٩٨٠ی، كه جە ئاکامشەنە پەنج هه‌زار زینڎانیۍ سیاسیۍ ڕەوانەو زینڎانو ژماره ٥و ئامه‌ڎی کریۍ. ئا زینڎانه‌ی بی بە ناوه‌نڎېۋە كوشتەی و چنەشەنە خراپتەرین جۊرو ئه‌شكه‌نجه‌دای جە تاریخەنە په‌یڕه‌و كریا.
ڕۊچۍ مەرڎەی، كه دژ بە ئه‌شكه‌نجەی و پەی ۋستەی جمای جه‌ماوه‌ری جە بەرو زینڎانه‌كاوە، دەسشپنەکەرڎ. پېسە هەنگامەی یۋەمۍ، كه چنەشەنە جمیەری ئازاڎیی جە تاریخو کورڎسانینە، بی به كۆمه‌ڵایه‌تی، یاگۍ ۋېش جە زەینو خه‌ڵكینە گېرتۊ.
حه‌سه‌ن ئوچماز، شایه‌تحاڵو ئا ڕۋا، باسش جە یاڎەوەریەکا ۋېش چنی كادرە سەرمەشقەکا په‌كه‌كەی کەرڎ، كه جە ڕۊچۍ مەرڎەینە گیانشا بەخشا.
ئوچماز جە عمرو گه‌نجینە به جمیەرو ئازاڎیی كورڎسانی ئاشنا بۊ و جە مەنتیقەو سێوره‌گی سه‌ر به ڕحای به‌خێرایی ۋېش چنی خه‌باتی شۆڕشگێڵی گونجنۊ. ئوچماز كه چنی خانەواڎەکەیش ئینا دلۍ ژیایۍ ڕېکوستەینە، چا وەختەنە هامڕایی كه‌مال پیر، خەیری دورموش، عەلی چیچەک و عاکیف یەڵماز، مه‌زڵوم دۆغانی و شۆڕشگێڵا تەرو جمیەری ئازاڎیی کورڎسانیش کەرڎەن، ۋاتش: چنی گرڎوو کادرە سەرمەشقەکا هەرمانە و خه‌باتش کەرڎەن و جە كوده‌تاکەو ١٢و ئه‌یلولینە گیریان. جە زینڎانو ژماره ٥و ئامه‌ڎینە ئه‌شكه‌نجه دریان
ئوچماز كه پۍ ماوه‌و ١١ ساڵا زینڎانی کریان، پېسە باسش کەرۊ حیچ ڕۋېۋە نەبیەن كه ئه‌شكه‌نجه نەڎریۊ، شایه‌تحاڵو مدرامانو ڕۊچۍ مەرڎەی ١٤و ته‌مووزیچ بیەن.
ئۆچماز، جە ماوه‌و زینڎانی بیەیشەنە به ده‌یان جارۍ دوروزیانۊ، مانیش جە وارڎەی و ڕۊچۍ مەرڎەی گېرتەن و ئه‌شكه‌نجه دریان، ئیسەیچ چەنی چنڎین نەوەشیا ئینا ملەملانېنە.
ئوچماز تەئکیدش کەرڎۊ، پەنەوازەن ١٤و ته‌مووزی بە عالی بشناسیۊ و چنەش بیاۋمېنە، پێگه و گرنگی جمیەرو ئازاڎیی کورڎسانی فرە جیاوازا. تەئکیدش کەرڎۊ، ١٤و ته‌مووزی دژ بە سیاسه‌تو ئەسڕیەیۊ و دلېنەبەرڎەو كورڎی جە لایەنو دیكتاتۆری فاشیستی جە ژینڎانو ئامه‌ڎی، داستانو شناسنامه‌و نه‌ته‌وه‌یی و شكۆمه‌نڎیېۋە پاک و بۍ خەوشا".
هـ . ش
