جە قەنارەدای چوار زینانییا کوردی جە ڕوێنە ؛ جە مانگێوەنە ١٤٤ کەسۍ جە ئێرانەنە جە قەنارە دریێنۍ
جە زینانو ئیلامی چوار کەسێ یەک ڕۆنە جەقەنارەدریێنێ، بە پاو ئامارێوە تەنیا جە مانگەی ویەردێنە ١٤٤ کەسێ جە زینانەکا ئێرانینە جەقەنارەی دریێنێ.
بە پاو هەواڵو تۆڕەو مافەکا مرۆڤو کوردەسانی رۆو یەرە شەممەی چوار زینانیێ کوردۍ جە زینانو شارو ئیلامینە جە وەرکەوتو کوردەسانی جەقەنارەدریێنێ.
ئاماژە پانەیە دریان، کە ئا چوارکەسە جە چوار دۆسیێ جیاجیانە تۆمەتبارێ بیێنێ بە تاوانەو کوشتەی.
جەلێوە تەرۆ رێکوزیاو مافەکا مرۆڤو ئێرانی وەڵاش کەردۆ، کە مانگەو نۆوەمبەرینە ١٤٤ کەسێ جەزینانەکا ئا وڵاتەینە جەقەنارەدریێنێ، کە چا ژمارەیە، ١٣ کەسێشا کوردێنێ، ١٢ کەسێشا ئەفغانیێنێ و لاو کەمیۆ ٩ کەسێشا کوردێ بیێنێ.
جە مانگەو نۆوەمبەرینە ١٦٦ کەسێ جە زینانەکا ئێرانینە جە قەنارەدریێنێ، پی جۊرە تەنیا جە ماوەو دووێ مانگا ویەردەینە ٣١٠ کەسێ جەئێرانەنە جە قەنارەدریێنه.
