دماو زەماۋنەو نەورۊزی جە مەنتېقەو قۊسەری، بە ھەزاران کەسۍ ڕاپېمایشا ئەنجامدا.

گەل ڕاگېریەکۍ پۊلېسېشا ۋیەرنۍ و بە ۋاتەیۊ دروشمەو" بژیۋۊ سەرۊک ئاپۊ" بەرەو جاڎەو نەوەشخانەو "بەرۍ" ڕاپېمایشا کەرڎ.

ترۊمبێلە زنجېریەکۍ پۊلېسی ڕاگېریشا کەرڎ، جەماوەر گۊششا بە ڕاگېریەکا نەڎاو ۋەردەوامېشا دا بە ڕاپېماکەی. پۊلېس بە گازو بېبەری و ئاوی ھجومشا کەرڎ سەرو مەردمی.

جۋانۍ بە تەۋەنی و شوشۍ ئاوی جوابو پۊلېساشا داوە، جەنگ جە ما بەینو پۊلېسی و جۋانانە جە کۊڵانەکانە مودەتۍ ۋەردەوام بۍ. جۋانۍ دژوو پۊلېسەکا پێسە ئاماژێۋە پۍ سەرکۊتەی دەسشا بەرزکەرڎۊو. بەتایبەت ئەڎێکۍ جە دژوو پۊلېسی مرڎێۋەو ڕوۋەو زنجېرپۊشەکا پۊلېسی لوۋۍ.

چالاکیەکە دماو ۋەڵاوبېەیۊ جوۋانا دمایش پنە ئامان.

ھ.ش