جە سەرنیشتوو وەرکەوتوو سووریای گەل بە جۆش و خرۆشۆ ئامادەکاریش پەی جەژنەو ڕەمەزانی مکەرۆ. جە کۆبانێشەنە گەل دەسش بە ئامادەکارییەکا پەی جەژنەو ڕەمەزانی کەرد.
جەژنەو ڕەمەزانی پەی گەلوو موسڵمانی جەژنێوە موبارەکەنە. گرڏ ساڵێ جە لایەنو موسڵمانا جەهانیۆ موبارەکە کریۆنە. بە تایبەت جە سەرنیشت و وەرکەوتوو سووریای شەوەو جەژنێ و یوەم ڕۆو جەژنێ سەردانو قەبرسانەو گەشمەرڏا کریۆنە و مۆمە گیسیۆنە.
چی جەژنێنە منداڵانزاڕۆڵێ جە کۆڵانەکانە گێڵانە و چکلێتێ کۆ کەراوە. هەرپاسە جلی تازێ کەرانە و ملانە سەردانو بنەیانەکاشا و جەژنە پێسەو زەماوەنێوە پێشوازی ونە مکەرا و دیاری هورگێرا. جە هەمانکاتەنە هامسێ وەڵێ یانەکاشانە چکلێتێ مڏانە بە زاڕۆڵەکاشا.
گەل هەم جە ڕووەو ئەمنیۆ و هەم جە ڕووەو هامکاریی یانانە، ئامادەکاری مکەرا. گەلوو قامیشلۆی بە ئاماو جەژنەو ڕەمەزانی دڵوەشێنێ و ئامادەکارییەکێشا پەی ئاژانسیما باس کەرد.
لەوەند شێخموس کە ئینا ئامادەکاری جەژنێنە ئاماژەش پانەیدا جەژنەو ئێساڵی جە ساڵا وەڵینی وەشتەرەنە، چونکە فرە فاڕییای چی ساڵانە وەشبییەم و یۆ چانیشا وڕاو ئەسەدی بێ و واتش: "هەرپاسە پێسەو فرۆشیارێ فرە خاس ویەرا. تاونە واچونە مانگەو ڕەمەزانی بە گرڏی بە خاسی ویەرا. قیمەت و واردەکا ڕەمەزانی جە ساڵا وەڵینی خاستەر بی. هیوادارەنا گرڏو بازرگانەکا قیمەتو چیوەکاشا هەرزانتەر بکەرا و گەل گرڏ تاوانە بە دڵوەشی وێشا ئامادە بکەرا."
جە دماین و قسەکاشەنە لەوەند واتش: "جە دماینە ماچونە هیوام چانێنە ئارامی یاوۆنە گلێرگە و گرڏ کەسێ بە دڵوەشی سەرو خاکو وێش جەژن موبارەکە بکەرۆ."
یوسف محەمەد ئاماژەش پانەیەدا ئی جەژنێ فرە خاس وینمێ و واتش: "بە وڕاو ئەسەدی مۆڕاڵما فرە بەرز بییەن، فرە دڵوەشێنمێ. جە کاتو ڕژێمینە جەژنەما وەشە نەبێ. چنی وڕاو رژێمی جەژنەو ئێمە وەشە بییە. ئێمە جگە جە ئارامی هیچ چێوێ تەرما گەرەک نییا، ئێمە گەلێوە ئاشتییوازێنمێ و جەنگما گەرەک نییا. حەر پۆکری پەنەوازا پێوەر جەژنە بە دڵوەشییۆ موبارەکە بکەرمێنە."
کۆبانێ
ئەرەنیشتا کۆبانێ ئامادەکاری پەی جەژنەو ڕەمەزانی مکەرا و گەشمەرڏا کۆمکووژی بەرخ بۆتانی یاڏمکەراوە.
دایکە سەنا حەسەن محەمەد واتش: "ئی جەژنێ مکەرمێنە بە بۆنۆ سەرکۆتەیۆ. ئی جەژنێ بە تایبەت جە جەنگاوەرا و بنەیانەو گەشمەرڏا موبارەک مکەرمێ."
هاجەر عوسمان یووە بێ چا ژەنا کە بازاڕەنە ئامادەکاری پەی جەژنێ کەرێ، ئاماژەش پانەیەدا وەرو هروژمەکا دۆڵەتو تورکی و کۆمکووژییەکا جە کۆبانێ، گەل ئی جەژنێ بە خەمگینی، هەم بە هیواو ئاشتی و سەرکۆەتەی پێشوازیش ونە مکەرۆ و واوەیش کەردۆ سەرەراو قەیرانو ئابووری، ئامادەکارییەکێ پەی جەژنی بەردەوامێنێ.
جە دماین و قسەکاشەنە هاجەر عوسمانە جەژنەش جە ڕابەر ئاپۆی و، جەنگاوەرا ئازادی و بنەیانەو گەشمەرڏا موبارەک کەرد.
