ئارۆ هەینی (جەمە)، کەشەوانێ و ئەندامێ گروپوو (شاخەوانی ئەنجومەنی سەوزی چیای مەریوان)، کە بەنیازێ بێنێ بشانە شارو بانەی، جە جادەو میانو (مەریوان/ سەقز)ینە مینوبوسەکەشان دووچارو ڤیەرو هامۆشیێ بییەن و هۆروێڵیان. جە ڤیەرەکەنە ٤ کەشەوانێ و ئەندامێ گرووپەکەی دەمودەست گیانشان جەدەستدان و کە نامەکێشان بە ئی جۆرەنێ:

شوعلە قادری، کە یەک جار پاڵەوانەو ئێرانی و جارێویچ پاڵەوانەو پارێزگاو سنەی بیێنە جە کەشەوانیەنە.
ئارشام عەزیزی
داود باخیش
کاوەی خوسرەوزادە

هامکات جە ڤیەرەکەنە، ١١ کەشەوانێ و ئەندامێ گروپوو (شاخەوانی ئەنجومەنی سەوزی چیای مەریوان)ی بریندارێ بیێنێ کە برینێ ئاندێویشان سەختێنێ و پەی چارەسەری ڕەوانێ چارەسەرگاکانو سنە و مەریوانی کریێنێ.