جە ئەبو قەلقەلینە تانکێوە دلێنەبریا و دەیان ئەرەگیرۍ کوشیۍ
جەنگەوانا ئەنجومەنو سەروازی منبجی ئەرەیاۋناش جە ناوچەو ئەبو قەلقەلینە زریپۆشو جۆرو BMB و تانکێوە دلێنەبریۍ. ئەرەیاۋېیا چا جەنگەنە دەیان چەتۍ سوپاو تورکی ئەرەگیری کوشیێنۍ.
مېیانو ئەرەیاۋنای ئەنجومەنو سەروازی منبجی دەربارەو مڎرامانەکاشا جە دژو هرووژمە ئەرەگیریەکا دۆڵەتو تورکی و چەتەکاش ئەرەیاۋنێوەش ۋەڵاکەرڎۆ ئی زانیاریێشە وستۍ ڕووە:
"هێزەکاو ئەنجومەنو سەروازی منبجی کە جوابو هرووژمە ئەرەگیریەکا دۆڵەتو تورکی و چەتەکاش جە قۆڵو دەگایەکا ئاشتانەی و مستەحایانی جە پانیشتوو شارو منبجینە داوە، هرووژمەکەشا ماڕا و چەتەکۍ بڕەمۍ.
هێزەکێما جە قۆڵو ناوچەو ئەبو قەلقەلی جوابو هرووژمو چەتەکاش داوە. جە دەوروبەرو دەگاو علوشی زریپۆشێوە BMB و تانکێوەشا تەقنێوە. چا جەنگەنە دەیان چەتۍ کوشیۍ و زامڎارۍ کریۍ.
جە پانیشت و ۋەرکۊتوو منبجینە جەنگەکە بەردەواما. دۆڵەتو تورکی ئەرەگیری بە فڕۆکەی بێفڕۆکەوانو جەنگی و تۆپۍ هەرێمەکەی بۆمبواران مکەرۆ."
