ناوەنڎو ئەرەیاۋنا و هێزەکا سوریای دیموکراتیک (قەسەدە)ی سەبارەڎ بە بابەتەکەی ئەرەیاۋنېۋەش ۋەڵاکەرڎۊ:

جە ئەرەیاۋناکەنە ئامان: "یەکینەکۍ دژەتیرۆر (یات)ی کە سەر بە قەسەدەینۍ جە ١٩و تەمووزینە بە هامکاری و پەشتیوانی هێزەکا دژە تیرۆرو پانیشتوو کورڎسانی (سی تی جی) و هامپەیمانی میان نەتەوەیی دژ بە داعشی جە مەنتیقەو دەشیشی شەدادی دژ بە شانېۋە تیرۆریستی داعشی ئۆپراسیۆنێۋە تایبەتیش ئەنجامدان و شانەکەشا بێکاریگەر کەرڎەن.

شانەکە چا کەسا پێکئامابۍ کە دەسشا جە کرڎەوە تیرۊریسیەکانە و حۊڵو تێکدای ئارامی و سەقامگیری هەڕێمو دێرەزۆرینە و بە ئامانج گرتەی هامۋڵاتیانە بیەن.

جە ئاکامو ئۆپراسیۆنەکەینە ٢ ئەنڎامۍ شانەکەی کوشیۍ، چەتېۋەیچ بە زینڎەیی گیریا. حەرپاسە دەس سەرو ئی چەک و کەلوپەلانە گیریان: ٢ تفەنگۍ کڵاشینکۆف (ئەی کەی-٤٧)ۍ، دۋۍ تەلەفۊنۍ، دەمانچېۋە، نارنجۆکێۋە، ٣ مەخزەنۍ دەمانچەی، رەختێۋە و تفەنگۍ راوۍ".

هـ. ش