سەرو داواو خوڵقەو سەرۊکو ئەمریکای بەرئاۋەرو ئەشناسیاو کورڎی "بەھمەن قوبادی" بەشڎاری جە مەراسېمو نەورۊزو کورڎی جە کۊشکەی چەرمەینە مکەرۊ.

بەرئاۋەروسېنەماکارو ئەشناسیاو کورڎی "بەھمەن قوبادی" سەرو خوڵقەو ڕەسمی جۊبایدن و سەرۊکو ئەمریکای و "جېڵ بایدێن"ەو ھامسەرێشۆ  پێسە کەسایەتیێۋە دیارو کورڎی، جە کۊشکەی چەرمەینە بەشڎاری جە مەراسېمو نەورۊزو کورڎەوارینە مکەرۊ.

بەرئاۋەروسېنەماکارو ئەشناسیاو کورڎی "بەھمەن قوبادی" جە ڕاو پێخامێۋە ڕەسمیۋە کە جە تەرەفو ۋەرپەرساو باڵاو ئەمریکایۊ پۍ بەشڎاری جە مەراسېمو نەورۊزو کورڎەوارینە بە فەرمی خوڵقەشاکەرڎەن پۍ کۊشکەی چەرمەی، حەتا ڕۊو یەرەشەممەی ٢١/٣/٢٠٢٣ چا بۊنەنە بەشڎار بۊ.

قەرارا چی مەراسېمەنە، چنڎین ۋەرپەرسۍ باڵۍ و سەرۊکو ۋڵاتای جەھانی و کەسایەتیە نامڎارەکاو جەھانی بەشڎارۍ باو بەھمەنی قوبادیچ پێسە کەسایەتېێۋە کورڎی ئاماڎەو مەراسېمەکەی بۊ.

ھ.ش