هامسەرۊکو جەدەکە-فەی شاهین پۆلات پەی ۋنەپەرسایۆ جە کۊمکوژیەکا و پاریسی، پارېزنای وەرنیشتی، بە هېزکەرڎەو دەسو ڕابەر ئاپۆی بانگەوازش کەرد کە گرڎ کەسۍ بە شېوېوی بە هېز بەشداری جە وینیشندای و چالاکیەکانە بکەرا.
پەی یاڏکەردەیۆ هەردووە کۆمکوژییەکا ٩و کانونو دووەمو ٢٠١٣ و ٢٣و کانونو یوەمی ٢٠٢٢ی پاریسی، قەرارا جە ١١و کانونو دووەمو ٢٠٢٥ ینە وێستگەو دونۆردو پاریسینە ڕاپیمایۍ و گلێرۆبیێوە گۆرە سازکریۆنە. هامسەرۆکو جەمەو دیموکراتیکی کوردی جە فەرەنسا (جەدەکە-فە) شاهین پۆڵات پا بۆنۆ بانگەوازێوەش ئەرەیاونا:
"گەلە وڵاتپارێزنە بەقیمەتەکەما! پێسە مزاندێ ئێمە ئینایمێ ساڵڕۆو یوەمو کۆمەڵپاریسینە. جە ٩و کانونو دووەمی ٢٠١٣ جە سەرمەشقەکا قژ سوورەو جمیەرو ژەنا جەهانی سەکینە جانسزەو هەمڕایاش فیدان دۆغانە و لەیلا شایلەمەزێ کە پاریسنە جەلایەنو هێزە تاریکەکاوە و بە دەسو دۆڵەتو قووڵی تیرۆرێ کریێ شەرمەزارکریا. پا بۆنۆ ئێمە جارێوە تەر ئا کۆمکوژییە شەرمەزار مکەرمێ، کە ئا کۆمکوژیە جەلایەنو ڕابەر ئاپۆیۆ پێسەو کۆمکوژی دووەمو پاریسی پێناسەکریابێ. جە کەسایەتی هەمڕێ سەکینە جانسزینە کۆمکوژی جەوەراوەرو پارادایمو دیموکراتیک، ئیکۆلۆژیک و ئازادیپاریزنی ژەنا کریا. تا دادپەروەری چەسپیۆنە، تا ئاکاتە قەرارو بە نهێنی ئاستەیۆ سەرو ئا کۆمکوژیە هۆرگیریۆ، درێژە بە ئەرەکۆشای وێما مرەیمێ. پێسە چنین ئێمە کۆمکوژی ساڵو ١٩٣٨ما جەویر نەکەرد، بە هەمان جۆر کۆمکوژی ٩و کانونو دووەمو ٢٠١٣ جە ویرمەکەرمێ. تا بکوژو کۆمکوژیەکەی ئاشکرا مکریۆ و وەردەمو راو گرڏی جەهانی ونەپەرسایشۆ چنی کریۆ و جواب بە ڕابەرو کوردا و جمیەرەو ژەنا کوردی مراوە، بەردەوامێ بیمێ جە مڏرامانەنە.
چا یاڏەنە ئێمە جە ١١و کانونو دووەمی وێستگەو دو نۆردینە سەعات ١٠:٠٠ گلێرێ بیمێ و ڕاپیمایۍ گۆرە سازمکەرمێ. داوا جە گرڏو دۆساما و هەمڕەیاما مکەرمێ کە چی قۆناغە تاریخیەنە بە تایبەتی پەی پارێزناو وەرنیشتی، پەی پارێزگاری جە هێڵۊو ئازادیی ژەنا، پەی ونەپەرسایۆ جە بکوژا، پەی بەهێزکەردەو دەسو ڕابەریما، پەی چارەسەرو پرسو کوردی و چەسپناو قەوارەو کوردی، بە شێوۍ بەهێز بەشداری چی ڕاپیماینە بکەرا.
