کۆنسەو دیموکراتیکی کوردا فەڕەنسای (جەدەکە-فە) سەبارەت بە هرووژم و ئەرەگیریەکا سەرو سەرنیشتی و ۋەرکۆتوو سووریای ئەرەیاۋنێوە نویسیاش وەڵا کەرڎۆ و جە دژو هرووژمە قڕکەرەکا دۆڵەتو تورکی ئەرەگیری سەرو ۋەرنیشتی داواو چالاکیی دەمودەسیش کەرڎ.

جەدەکە-فە جە ئەرەیاۋناکەینە واتش: "دۆڵەتو تورکی قڕکەری پاگیرا سەرو قڕکەردەی کوردا و چارەسەر نەکەردەی. دۆڵەتو تورکی کە بە ڕێبازی پیلانگێڵنانە گەرەکشا گەلوو کوردی و ڕای گرڎی بەتایبەتی چی دماییەنە چەواشە بکەرۆ. جە لێوە بە شێوێوە دژمنانە قەیوم جە شارەوانییەکانە منیۆرە کە گەلوو سەرنیشتو کوردەسانی بە ئیراڎەو ۋێشا هۆرشا چنیەن، جە لێوەتەرۆ جە ڕاو ئا چەتاوە جە هەرێمەکەنە ڕێکش وستێنۍ و چنی سەروازەکا بنەش پنەوستێنۍ، هرووژم مکەرا سەرو ۋەرنیشتوو کوردەسانی (کە ڕۆشنایی چەمۍ گەلوو کوردین).

ۋەرنیشت هێڵۊو سوورەو گەلوو کوردینە. ۋەرنیشت هیواو ژیۋای تازەین کە ئەرەکۊشای ٥٠ ساڵەی چنەشەنە گەشەش کەردەن، سەرو بنەماو پارادایمو ئازادی ژەنا فاڕان پەی ژیۋای. ڕا بە هیچ هێزێوە نمەڎەیمۍ مەرامی گڵیاو ۋێش سەرو ۋەرنیشتی پێکبارۆ.

پی بۆنۆ بانگەواز جە تەمامو مەجلیسی، کۆمۆن، و دۆسەکاما جە فەڕەنسانە مکەرمی بە ڕۆحو مدرامانو کۆبانێ جە دژو سیاسەتەکا قڕکەردەی دۊڵەتو تورکی ئەرەگیری مجیارە مێڎانەکا و خاوەنداریی جە ژیوای تازەی و پارادیمو ئازادی ژەنا بکەرا. ڕۆ ڕۆو شەرەفیا، ڕۆ ڕۆو خاوەنداریکەردەین جە شەرەفی".