جه‌ده‌كه-سه پۍ به‌شداریکەرڎەی جە ڕاپیمای لۆزانی بانگه‌وازېش ئەرەیاۋنا
گلېرگەی دیموكراتیكی كورڎی جە سویسرا (جه‌ده‌كه-سه)، پۍ به‌شڎاریكەرڎەی چا ڕاپیماینە کە قەرارا بۊنەو 100ه‌مین ساڵڕۊو په‌یماننامه‌و لۆزانیۊ ئه‌نجام بڎریۊ، بانگه‌وازېش ئەرەیاۋنا.
جە ئەرەیاۋنېۋەنە، گلېرگەی دیموكراتیكی كورڎی جە سویسرا (جه‌ده‌كه-سه) ۋەڵاش کەرڎۊ، "ماوه‌و دۋۍ مانگان بە مەڵامەتو په‌یماننامه‌و لۆزانیۊ چالاكی و مه‌راسیمۍ جۊر بە جۊرۍ ئه‌نجامۍ مڎریا. کورڎسانیۍ و دۆسەکېشا جە ساڵڕۆو په‌یماننامه‌و لۆزانینە، كه جە ڕۊو ٢٤ و ته‌مووزو ساڵەو ١٩٢٣ ئیمزاکریا، چنی ئه‌نجامدای كۆنفڕانسێۋە پۍ ماوه‌و دۋۍ ڕۋا جە شارو لۆزانی، ڕاپیمای و گلېرۊبیەیچ ئه‌نجام مڎا.
گلېرگەی دیموكراتیكی كورڎی جە سویسرا (جه‌ده‌كه-سه)، ئاماژه‌ش پانەیچ دان، ڕۊو شه‌ممه‌ی ٢٢ ته‌مووزی سەعاڎ ١١:٣٠ دەیەقۍ، کورڎسانیۍ جە لېۋارو بەحرو له‌مانینە یۊگېرا و حەتا كۆشكەو رومینەی، كه په‌یماننامه‌كەش چنە ئیمزا کریان، ڕاپیمای کەرا. چایچ گلېرۊبیەیۍ ئه‌نجام مڎا.
دیوانو هامسه‌رۆكایه‌تی جه‌ده‌كه-سه‌ی، داواش جە گرڎوو کورڎسانیا به‌تایبه‌تی كورڎ و دۆساشا کەرڎەن، ڕۊو ٢٢ ۍ ته‌مووزی به‌شڎاری ڕاپیمای و گلېرۊبیەکەی کەرا. تەئکیدیچش کەرڎەنۊ، ئا بۍ قه‌واره‌ییەی قبوڵ مەکەرا و بەمەڵامەتو ساڵڕۊو په‌یماننامه‌و لۆزانیۊ ئا كۆنفڕانسه‌یە ئه‌نجام مڎا و ڕۊو ٢٢ ۍ ته‌مووزو ٢٠٢٣ۍ ئا كۆنفڕانسه و ڕاپیمایۍ جه‌ماوه‌ری ساز کەرا.
ئاماژه‌ش پانەیچ کەرڎەن، چا كۆنفرانسه‌نە، جە حەر چوار پارچه‌و کورڎسانیۊ، ٥٧ پارتۍ و ئەرەمەرزیۍ و نوێنه‌رۍ ڕېکوزیاکا به‌شڎاری کەرا.
جە دمایچەنە جه‌ده‌كه-سه ئی داۋېشە کەرڎە، "بەیدۍ پېۋەرە جە ٢٢ ۍ ته‌مووزینە، جە ئەڎابیەو سەڎېۋە تازەی بارمۍ ئاراوه".
هـ . ش
