هامسەرۆکو دەسەو ڕاوەبەری کەجەکەی جەمیل بایک باسش چانەیە کەرد ٢٠٢٤ پەی گەلوو کوردی بییە بە ساڵۊو ئا سەرکۆتەیا کە بە مڏرامان بەدەسئامێنێ و واتش، ساڵەو ٢٠٢٥ جە تاریخو ئەرەکۆشایمانە بۆ بە ساڵێوە یەکلاکەرەوێ.
هامسەرۆکو دەسەو ڕاوەبەری کەجەکەی جەمیل بایک جە بەشی دماینو چەمپنەکەوتەکەیشەنە چنی ئاژانسو هەواڵو فوراتی دەسنیشانش کەرد، کۆنسێپتو جەنگو دۆڵەتو تورکی کە جە ساڵۆو ٢٠١٥ ینە جە دژو گەلو کوردی دەسشپنەکەرد جە ساڵەو ٢٠٢٤ ینە بە مڏرامانو گەریلای گورزێوە گۆرێش وەرکەوتە. بایک باسش چانەیەکەرد کە پەشتیوانی پەدەکەی جە دۆڵەتو تورکی جە درێژەدای بە ئەرەگیری دەورێ وەر چەمش بی و واتش، "ئەر پەشتیوانی پەدەکەی نەبیێ، دۆڵەتو تورکی نەتاوێ ٢٤ سەعاتێش جە هەرێمە ئەرەگیریاکانە مەنۆوە. چنی ئانەیش جە هەرێمەکا زاپی، مەتینا، ئاڤاشین و خواکورک گەریلا بە گۆرەتەرین مڏرامان تاریخی منویساوە".
بەشو پەنچەم و ئاخرو چەپنەکەوتە تایبەتەکەو هامسەرۆکو دەسەو ڕاوەبەری کەجەی جەمیل بایک بی جۆرەنە:
کۆنسێپتو جەنگی کە دۆڵەتو تورکی بە پەشتیوانی هێزە مییاننەتەوەییەکا، هێزە هەرێمایەتیەکا پێسە عێراقی و خیانەتو پەدەکەی جە ساڵەو ٢٠١٥ینە دەسشپنەکەرد و ٩ ساڵێن بەردەواما، تا دماو ساڵەو ٢٠٢٤ بە گرڏی یاوا چ ئاستێ؟ ئامانجەکەش چێش بێ و کۆت چ دۆخێوە؟
٤٠ ساڵێن وەراوەر بە دۆڵەتو تورکی قڕکەرو کۆلۆنیالیستی جەنگ مکەرمێ. ئەنجامو ئا ئەرەکۆشایما دیارا. گورزە جە دوژمنی قڕکەرو کۆلۆنیالیستی شنیا، لاواز کریا و شۆڕشو ئازادیی کوردەسانی هەنگام بە هەنگام گەورەبی و یاوا ئی ئاسە. جمیەرەکەما بە پارادایمو وێشۆ یاوا ئی ئاسە کە سەرمەشقایەتی پەی شۆڕشو وەرکەوتوو دلێڕاسەی بکەرۆ و کاریگەری سەرو جەهانی بنیۆرە. ئا وەڵکەوتە ئەرێنیا جە ساڵو ٢٠٢٤نە زیاتەر بی و درێژەش بێ. لێوەنە مڏرامانو تاریخو گەریلاکا ئازادی کوردەسانی، لێوەتەریشۆ ئەرەکۆشایما جە چوارچێوەو هەڵمەتو ئازادیی مییاننەتەوەیی لواڕاوە، کاریگەری گەورەش جە کوردەسان، وەرکەوتوو دلێڕاسەینە و جەهانەنە نیارە.
وەڵێ گرڏ چێوێنە مشۆم ئانە وچیۆ، کە ئەر بەمەڵامەتو پەشتیوانی پەدەکەی نەبیێ، دۆڵەتو تورکی نەتاوێ جوڵە و هەوڵێوە چا جۆرەیە بڎۆنە، سوپاو تورکی ئەرەگیری نەتاوی پا وزۆ ئا مەیانا کە ئیسە هەوڵ مرۆ پاڵپەشت بە بنکە و تەکنیکو بەرزو وێ دلێشنە مردۆ. چا مەنتیقانە ئاما و دلێشەنە جێگیر بی، پەشتی بە پاڵپەشتیی پەدەکەی بەسۆ و پا جۆرە تاوۆنە مەنۆوە. ئەر بەمەڵامەتو پەشتیوانی پەدەکەی جە سوپاو تورکی و ڕاگیرییەکا جە گەریلای نەبیێ، سوپاو تورکی نەتاوێ جە حیچ یاگێنە مەنۆوە.
دەسەڵاتدارو ئاکەپە-مەهەپەی فاشیستی بە تنوتیژی و قورسایێ زیاتەر جە جارانی، جە ٢٤و تەمووزو ٢٠٢٤نە جە چوارچێوەو پلانو چالاکی دلێنەبەردەی سەرو بنەماو پاکتاوکەردەی جمیەرەکەیما پەی قڕکەردەو کوردا کۆنسێپتێوە جەنگیش سازکەرد. سەرەڕاو هێزو سەروازی و تەکنیکی دۆڵەتی، دەرفەتو سیاسی، ئابوری، دیپلۆماتیک و جیۆپۆلیتیکیی سەرو بنەماو ئا کۆنسێپتەی وستش ئامادەباشیۆ. پەشتیوانی جە فرە هێز و دۆڵەتا بەتایبەتی ناتۆ ی هورگێرت. هەرپاسە ئا هێڵە نۆکەرە خائینەشیش شۆنەو وێش وست. سیستمی ئابوری، سەروازی و سیاسی ئیسەو تورکیای پەی ئاردە دی ئا ئامانجەی سەرجەنۆ دیزاینش کەردۆ. جە سیستمو پەرلەمانتاریۆ پەڕاوە پەی سیستمو دیکتاتۆریەتو فاشیستی. پا گرڏ ئامادەکاری و پەشتیوانیاوە زیاتەر جە ٩ ساڵان سەرو بنەماو کۆنسێپتو پاکتاوکەردەی و قڕکەردەی هرووژم مکەرۆ سەرو گەلەکەیما و جمیەرەکەیما. هامکات چنی ئا هرووژمە فاشیستیا جەنگێوە تایبەتو دژواریچ لواڕاوە. جە لێوە جە ڕاو هرووژمو فاسیستی هەوڵ مڎریۆ کە گلێرگە ملکەچ و سەرکوت بکریۆ، جە لێوەتەرۆ جە ڕاو هێزۍ گۆرەی میدیایی بە گرڏ رێبازە نائەخلاقی چەپەڵ و ناڕەوایەکەیش کە دژو کوردی ڕاوەبەرش مکەرۆ شارۆوە و ڕا جە ناڕەزایی گلێرگەی بگێرۆ، جەنگێوە قورسی تایبەت سەرو گلێرگەیرە پەیڕەو مکەرۆ. جە ڕاو نەتەوەپەرسی و نەژادپەرسیوە هەوڵ مڎۆ کە بە دوژمنایەتیکەردەی کوردەکا گلێرگەی کۆنتڕۆڵ بکەرۆ. پېسە کاتیچ ئانەش بە ئامانج گێرتەبۍ کە چنی بە ئەنجامیاونای قڕکەردەی کوردا پایۍ وزۆنە دلۍ دووەم سەدەو کۆماری. بەڵام دەسەڵاتداری ئاکەپە-مەهەپەی نەیاوۍ پا ئەنجامیە، نەتاواش پلانەکاش جابەجێ بکەرۆ. جە پایزو ٢٠٢٣ێوە گەریلا دەسوەڵێوستەیش گێرت دەس، گورزەی قورسەش جە سوپاو تورکی ئەرەگیری شانا و ئا پرۆسە بە درێژایی ساڵۊو ٢٠٢٤ بەردەوام بۍ. ئا دەسوەڵێوستەیە جە کەشۆ فاڕیاوە پەی دلۍ شاری و بە چالاکی توساشی یاوا بە بەرزتەرین ئاست. دەسوەڵێوستەیۍ کە گەریلا جە جەنگەنە بەدەسشئاورد،جە هۊرچنیەکا ٣١و ئاداریچەنە گەل و هێزەکاو دیموکراسی جە مېڎانی سیاسینە گێرتشا دەس. جە هۊرچنیەی دلێینەنە بەرەو فاشیستی ئاکەپە-مەهەپەی مەڕیا. ئانە دماو گورزە سەختەکا گەریلای بۍ دووەم گورزەی گۊرۍ کە ۋنەو دوژمن دریا. پا جۆرە ساڵۆو ٢٠٢٤ بیە پا ساڵۍ کە گورزە جە دەسەڵاتی و مەژگی فاشیستی دریا، جە هەرەکەتی و هێزی وزیا. پېسە ئەنجامیچ دەسەڵاتداری فاشیست بە مەڕیای و وڕای هیواکاش دەسش بە دووەم سەدەو کۆماری کەرد و پرسو کوردیچ بە شێوێوە قەوەت چارەسەری سەپنۆنە. دەسەڵاتداری فاشیست جە ئاستێوە چامنەنە شکسش ئارڎەن کە جە دەمو دەوڵەت باخچەلیوە ناچار بی دڎان پانەیرە بنیۆ کە بێچارەسەری مەنەن و داواش ۋنەو رابەر ئاپۆی کەرد چارەسەری سازنۆنە.
جە ئیساتێنە دۆڵەتو تورکی پېسەنە کەشتیێوە کە ڕاو ۋێش گومە کەرڎێنە. ۋەرو ئانەی نەتاواش بە راڕەوو ۋێشەرە بلۆ، جە هەمان کاتەنە دەسش جە سیاسەتی و مەخزی قڕکەرو ۋێش هۊرنەگێرتەن، هەوڵ مڎۆ بە شێوۍ بێ ڕاڕەو بەرەو وەڵۍ بلۆ. دماو ئانەی درکش بە ناکۆکی بەینو لایەنەکا عێراقی کەرد و درکش پابەیە کەرد کە ئانە مەبۆ بە مایۍ وەشبیەی بۆشایی، راسەوخۆ بڕۍ قەولێشدۍ و کاریگەریش کەرڎ سەرو حکومەتو سودانی و ئا رێککۆتەیەشە ئیمزا کەرڎ کە مزانیۆ. دماو ئانەی جە سوریایچەنە ئاژێوە تازە ئاما ئاراوە، کۊت دلۍ هەمان هەڵسوکەوتی و مامەڵەیۆ. هەوڵش دا دۆخی تازە پېسە دەرفەتێوە بەکار بارۆ، پلانەو قڕکەردەی کوردا ڕاوەبەر بکەرۆ، سەرو ئا بنەمایۍ ۋەرنیشتی ئەرەگیر بکەرۆ، شۆڕشی پاکتاو بکەرۆ. پا جۆرە هەوڵ مڎۆ دەرفەتەکە پەی ئامانجە قڕکارییەکاش بەکارش بارۆ.
جە نەورۆزو ٢٠٢٤ ینە پېسە 'مزانی دریا کە گەریلا بیەن بە خاوەن سیستەمو وەرگری ئاسمانی. ئی سیستەمە تەکنیکییە هیچ کاریگەریش سەرو لوایڕاوەو جەنگەکەی بیەن؟ گەریلاکاو ئازادی کوردەسانی چێشا کەرڎ کە پلانەو هرووژمی وشکانی و ئاسمانییە ئەرەگیریەکا دۆڵەتو تورکیایشا پووچۍ کەردێوە؟ دەورو چالاکییە فیداییەکا چی مڎرامانەنە، بەتایبەتی چالاکییەکاو توساشی چنی هۆر مسەنگندۍ؟
گەریلا بەردەوام تەکنیش بەکاربەردەن. بەکاربەردەی تەکنەلۆجیای جە لایەنو گەریلایۆ ئاژێوە تازە نیا. بەڵام هێزی سەرەکی گەریلای نیا تەکنیکەنە، بەڵکم ئینا ڕۆحو فیدایی بیەی و هونەرو تاکتیکینە. گەریلا گۊرەتەرین هێزو ۋێش چی سەرچەمۆ هۆرگێرۆ. ڕابەر ئاپۆ ماچۆ: "گۊرەتەرین تەکنیک خودو مرۆڤی ۋێشا'. بە پاو ئی سەرنجەیە گەریلا ڕۆح، میتۆد و تاکتیکو ۋێش قوڵتەر کەرد و خوڵقنای وەڵێکۊتەیەکاش بە بنەما گرتەن. بێگومان گەریلا گرنگی بە تەکنیکیچ مڎۆ و چنەئامایی تەکنیکیش چا بارۆ فرە وەڵێکۊتەن. تەکنیک جە جەنگەنە زیاتەر بەکارمۍ. گەریلایچ چانەی ئاگاڎارا و تەکنیکو ۋێش بەرهەم ئاوردەن. دەرفەتێوە تەکنیکی نائاسایی جە دەسو دژمنینە بە تەکنیکێوە ئینا دەسو گەریلاینە کاریگەریەکەش فاڕیۆ. چونکی گەریلا بە ڕۆحێوە بەرزو فیدایی بیەی و تاکتیکیوە ئەرەکۊشای مکەرۆ. هەر پۊکەی ئا تەکنیکەی ئینا ۋەردەسو گەریلاینە کاریگەریش هەن و دژمنی ناچار مکەرۆ. ئەگینا دژمن تەکنۆلۆجیا و کەرەسەی وەڵێکۊتەتەرش هەن. بەڵام دژمن تەنیا بە تەکنیک جەنگ مکەرۆ. بەڵام گەریلا بە ڕۆحو فیداییی بیەی و میتۆد و تاکتیکێوە بەرزۆ ئەرەکۊشۆ. ئەڵبەتە ئیساتۍ تواناو تەکنیکی ۋێش زیاتەر پەرە پنەدان و کاریگەری ۋێش نیشانەدان.
چالاکی توساش چالاکیێوە بێ کەموکوڵین. بە هەر جۊرۍ تەماشەش بکەری ئاستێوە بەرزا ئاستێوە فرە وەڵێکۊتانەن جە ڕوو ڕۆح، تاکتیک و هێزو گورز ۋنە شانایۆ. پېیمەرەکۍ فیدایی بیەی، شۆڕشگێڵنی و تاکتیکیش یاونان بە ئاستێوە بەرز. ژیۋای و ئەرەکۊشای بە پاو پېیمەرەکا شۆڕشگێڵنی و ڕۆحو فیدایی بیەی چی هەڤاڵامانە ئانەش نیشانەدان و ئینەیچ پەی ئێمە فرە گرنگا و جە هەمان کاتەنە نیشانەشدا گەریلا خاوەن چ هێزێوەن، گەریلا تەنیا کەشەنە نییا بەڵکم جە هەرکۊ گەرەکش بۆ متاوۆ چالاکیی گۆرە ئەنجام بڎۆ، گەریلا نیشانەشدا ئینا گرڎ شۆنێنە. متاوۆ گرڎ شۆنێنە هەنگامە بنیۆ و گورزەی قورس ۋنەو دژمنی بڎۆ.
هەپەگە بە بەردەوامی ئامارەکاو جەنگی پەی رای گرڎی بە وردی ئاشکرا مکەرۆ. گەریلاکاو هەپەگەی و یەژا ستاری کە بە درێژایی ساڵی جە مەڕەکا جەنگیوە هەتا تاکتیکو هرووژمی هەماهەنگی فرێوە تاکتیکی جیاوازێشا بەکاربەردۍ و پێگەو گەریلای گێڵیاری، جە زاپ، مەتینا، ئاڤاشین و خاکورکەنە چ ئاستێوە ئەرەکۊشاینە بۍ؟ ئانۍ ماچا 'فرەش نەمەنەن قفڵێشا بکەرمۍ' ئیساتۍ جە هەرێمەکەنە ئینۍ چ ئاژێوەنە؟
جە زاپ، مەتینا، ئاڤاشین و خاکورکەنە گۊرەتەرین مڎرامان جە تاریخو گەریلاینە لوواڕاوە و بەردەواما. بە ڕێزو حورمەتۆ گرڎو ئا هەڤاڵاما کە چا مڎرامانەنە گەشمەرڎۍ بیۍ یاڎۍ مارووە. هەرپاسە سڵامو ۋێم ئاراسەو گرڎو شۆڕشگێڵنا و فەرماندەکاو یەژا ستاری و هەپەگەی مکەرو کە جە مەڕەکا و سەنگەرەکاو جەنگینە ئەرەکۊشای مکەرا. گەریلا تاکتیکێوە تازەو جەنگیش وەشکەرڎەن کە جە ما بەینو مېڎانو جەنگی و مەڕەکانە بەردەوام ئینا هەماهەنگینە و سەلەمنانش کە سەرکۊتەن. دژمن ۋەردەمو ئی تاکتیکە چەمەڕا نەکریاینە مەڕیان. سەرەڕاو وەڵێکۊتەی تەکنۆلۆجیای و هێزی ئاسمانی و بۊمبوارانی قورس و بەکارئاوردەی چەکی قەڎەغەکریای، کە ئینا دەسشەنە نەتاواشا مڎرامانوو گەریلای بماڕا و وەڵێگنا.
واتش ئێمە 'قفڵێما کەردێنۍ' جە حەقەتینەنە سوپاو ئەرەگیرو تورکی قەد نەتاوانش ئا دەسوەڵێوستەیە جە بەرەکاو جەنگینە بەدەسبارۆ. سەرمەشقی جەنگی سەرەمڕە دەسو گەریلاینە بیەن. ئەر پەشتیوانی و هامکارییەکۍ پەدەکەی نەبیێنۍ، سوپاو تورکی نەتاوۍ ٢٤ سەعاتۍ چۍ مەنۆوە. بەڵکم تەنیا بە پەشتیوانی پەدەکەی متاوۆ چا ناوچانە مەنۆوە. ئینە یووەم جار نیا جەنگ چا ناوچانە ڕووە بڎۆ. چاوەڵتەریچ سوپاو تورکی بە پەشتیوانی پەدەکەی ئێنۍ پەی ئا ناوچا و مەنێوە. ئیساتێچ بە پاڵپەشتی پەدەکەی چۍ مەنەنۆ. پۊکەی هیچ جە ئاژەکەی نەفاڕیان. بەڵام دۆڵەتو تورکی بە واتەی 'قفڵێما کەردێنۍ' هەوڵو شارتەیۆ شکسو ۋێش مڎۆ. ئانەی حەقەتینە ئانەن کە کرێڵو قفڵو کەشی ئینا دەسو گەریلاینە. ئانە سوپاو ئەرەگیرو تورکینە کە جە زاپ، مەتینا، ئاڤاشین و خاکورکەنە قفڵ بیەن. بەڵکم گەریلا گرڎ شۊنێنە هەن و بەردەواما جە چالاکییەکاش.
جە مڎرامانەنە دەورو هێزەکاو ماکی و هێزەکاو ۋێپارێزنای چێشا؟ دەورو جوانا کوردەسانی جە مڎرامان و ۋێپارێزناینە چێشا؟ چێشتا هەن پەی جوانا؟
ۋێپارێزنای بەشێوەن جە ستراتیجو ئێمە. پارادایمو ئێمە پەشتی بە ۋێپارێزنای و وێڕێکوستەی بینۆ. هەر جوابێوە جە ۋەرا ۋەرو هرووژمەکانە پەی سەرو بیەیما جوابو وەرگریکەردەی و ۋێپارێزناین. پی جۆرە گەریلا گۊرەتەرین هێزو ۋێپارێزناین. ڕەنگە هەمیشە ۋێپارێزنای بەشێوێوە سەروازی نەبۆ. بڕۍ وەختۍ وشێوە متاوۆ ۋێپارێزنای بوینۆ. بڕۍ وەختۍ مکریۆ پی مەرامۆ چالاکیێوە گۊرە ئەنجام بڎریۆ. ئانەی گرنگا هرووژمەکە پوچ بکریۆوە. ڕابەر ئاپۆ نموونەو ولۍ و دڕەیێش ئارڎۆ. ڕۊشنیچش کەردۆ کە ولی پەی پارێزنای ۋێش دڕەیی بەرمڎۆ. پەی ژیۋای و ئاسایشو گلێرگەی، ۋێپارێزنای ڕووەدایۍ ڕێکوستەین. ۋێپارێزنای بەبێ ڕێکوستەی بیەیش نییا. غەڵەتا مرۆڤ تەنیا پېسە هۆشیاری پێناسەو ۋێپارێزنای بکەرا و ۋێشا بەڕێکوستەی نەکەرا. بە دڵنیاییوە هۆشیاری ۋێپارێزنای گرنگا، بەڵام نەتەنیا هۊرگێرتەی هۆشیاریی بەڵکم کاتێ بەڕێکوستەی بی، ئاکاتە ماناڎار بۆ و ئیسفاڎەش بۆنە.
ئێمە ئینایمۍ سەردەمێوەنە کە جەنگی جەهانی یەرەم ئینا ئارانە. کوردەسان ئا شۆنێنە کە جەنگی جەهانی چنەشەنە چڕ بۆوە. پۊکەی جە گرڎ کاتێ زیاتەر پرسو ۋێپارێزنای مێنە ۋەردەمما. پېسە مزانیۆ هرووژمەکۍ دژمنی زیاڎشا کەردەن، بەردەوامێنۍ و پلانەو هرووژمی تازەی مجارە. ئانەی جە ۋەرنیشتەنە مکریۆ و هەوڵش پەی مڎریۆ، ئینا ۋەرو چەماوە. جە لێوەتەرۆ جەنگی تایبەتی گڵیاو جابەجێ مکریۆ، بەکرێگرتۍ، کۆنترۍ، تۆڕۍ مافیۍ ڕێکوزۆ و وزۊشا دلۍ گلێرگەیۆ. گرڎو ئی هرووژما تەنیا بە جەنگو گەریلای نمەتاویۆ هۊرشێویۆوە. بەڵکم پەنەوازش بە ڕێکوزیێوە بەهێزو ۋێپارێزنای هەن جە گرڎ بوارەکا ژیۋاینە. پۊکەی سەرەکی تەرین ئەرک چی پرۆسەنە ۋێپارێزناین.
بێگومان پارێزنای گلێرگەی ئەرکو جوانان. چی کاتەنە ۋەرپرسیاری جوانا کوردەسانی زیاتەرا. هەرپێسە چنی جوانۍ کوردەسانی جە ۋېیەردەنە یەکینێوە گەریلای و سوپاو گەریلایشا بەردەن وەڵۍ و دەورێوە تاریخیشا گێڵنان، ئارۊیچ مشۆم بە وەڵێوستەی ۋێپارێزنای ۋەرپرسیاری تاریخی ۋێشا جا بەجێکەرا. جوانۍ بە بەشدار بیەی جە ڕیزەکاو گەریلاینە، پەنەوازا گەریلای قەوەتتەر بکەرا و ۋێپارێزنای پەرە پنە بڎا. مشۆم جوانۍ وڵاتپارێزنو کوردەسانی پی ۋەرپرسیاریە تاریخیۆ پەنەوازا بەشدارۍ ڕیزەکاو گەریلای بانە و ۋەرپرسیاری ڕێکوستەی ۋێپارێزنای ۋێشا جابەجۍ بکەرا. سەرو ئی بنەمایۍ پەنەوازا جە گرڎو بوارەکا ژیۋاینە بەشداری ڕێکوستەی ۋێپارێزنای با پەی ئانەی جوابی پەنەواز بە هرووژمەکا دژمنی بڎریۆوە.
ئا ڕووەدایۍ جە مانگەکاو دماینو ساڵێنە ڕووەشا دا ئانەی بەروزا کە ساڵۊو ٢٠٢٥ قورس موییەرۆ. سەرو ئی بنەمایۍ تەسەورو شمە پەی ساڵۆو ٢٠٢٥ ی چێشا؟
بێگومان ساڵێوە ئەرەکۊشای فرە بەزەحمەت و گرنگەما جیائاستە. هەم مڎرامانی تاریخی گەریلای و هەم ئەرەکۊشای گەلەکەیما، هەرپاسە ئا پێشئامایۍ جە چوارچێوەو هەڵمەتەو ئازادیی جەهانینە وەڵێکۊتۍ، ساڵۊو ٢٠٢٤یشا کەردە بە ساڵەو دەرئەنجامە گرنگەکا. گۊرەتەرین دەرئەنجام ئانە بۍ کە دماو چوار ساڵا زانیاریما سەرو ڕابەر ئاپۆی هۊرگێرت. هەرپاسە جە دما دمایی ساڵۊو ٢٠٢٤ینە جە ڕابەر ئاپۆیۆ زانیاری زیاتەرما لا یاوا. ڕابەر ئاپۆ ئەرەیاۋناش کە ئاژەش خاسا و سڵامش ۋنەو گرڎ کەسی کەرڎ. ئینەیچ جۆش، هێز و مۆڕاڵێوە فرەش پنەبەخشایمۍ. ساڵەو ٢٠٢٥ پی جۆش و مۆڕاڵۆ دەس پنە مکەرمۍ.
پېسە گەلی و جمېیەرەکەیما جە گرڎ کاتۍ بەهێزتەرۍ و بەڕێکوستە تەرێنمۍ. هەرپاسە جە گرڎ کاتێ زیاتەر جە سەرکەوتەی نزیکۍ بیێنمێوە. مەترسیچ بیەیش هەن، بەڵام بە ئەرەکۊشای ڕێکوستەیما متاومۍ سەرو گرڎو ئاستەنگیەکارە زاڵۍ بیمۍ. ئێمە پەی دۆزێوە دادپەروەرانەی ئەرەکۊشمۍ. ئێمە پەی زۋان، کولتوور، شوناس و ئازادی ۋێما ئەرەکۊشمۍ. بەڵام ئێمە گەڵێوە چامنێنمۍ کە پەی ئامانجو گەلەکەیما دەیان هەزار گەشمەرڎێێما دێنۍ. هیچ چێوۍ نمەتاوۆ جە ئەرەکۊشای ڕاستگۆیانەیما گێڵنۆوە، هیچ چێوۍ نمەتاوۆ جە سەرکۊتەی گێڵنۆماوە. ئێمە قەرارما دان ئەرەکۊشایما قەوەتتەر بکەرمۍ و ساڵۊو ٢٠٢٥ بکەرمێنە بە ساڵۊو ئازادیی. سەرکۊتەیۍ کە جە ساڵۊو ٢٠٢٥ بەدەسش مارمۍ، هێز بەخش بۆنە پەی گرڎو ئا ستەم دیدا کە دژو ستەمی مڎرامانشا کەردەن. سەرو ئی بنەمایە سالەی تازۍ جە گلێرگەو مەسیحی و گەلەکەیما، دۆسا و مرۆڤایەتی مبارەک مکەر و هیواو سەرکۆتەی پەی گرڎ لێوە موازو.
