دماو ئانەی ڕۆو پەنج شەممەی وەڵینی کرڎەوێوە تیرۆریستیینە وەرڎەموو چاشتخانیوە سلێمانیینە گەشمەرڎە کریا، ئارۆ جەنازەو د.عەبدولقادر سەبری تۆپراک ورگیریاوە، تا ڕوانەو ماواو وێش، بەدلیسوو سەرنیشتوو کورڎسانی کریۆوە.
گەشمەرڎە دکتۆر عەبدولقادر سەبری تۆپراک، کە دمانیمەڕۆو ڕۆو 29-2-2024 جە کرڎەوێوە تیرۆریستیینە گەشمەرڎە کریا، چا ڕووەوە تا ئیساتێ پزیشکوو دادوو سلێمانیینە مەنەبێوە و دمانیمەڕۆو ئارۆی تەسلیموو بنەیانەکەیش کریاوە و مەراسیمێوەنە ڕوانەو زێدوو وێش کریاوە مەنتێقەو بەدلیسوو سەرنیشتوو کورڎسانینە.
دکتۆر عەبدولقادر سەبری تۆپراک، خەڵکوو بەدلیسوو سەرنیشتوو کورڎسانین، ئەنداموو هەدەپەی بییەن و بۆنەو کێشەی سیاسییوە ماوەو ١٢ ساڵا بێ ڕووەش نیێبێ شاروو سلێمانی پانیشتوو کورڎسانی.
د. سەبری تۆپراک خەسەخانێوە ئەهلیینە هەرمانە کەرێ، چندین جارێ میتی تورکی هەڕەشێش وەنە کەرڎەبێ، دماجار 29_2_2024ینە وەرڎەموو چاشتخانەو وەسا حەسەنینە شاروو سلێمانیینە دریا وەروو تەقەی و گەشمەرڎە بی.
قەرارا هامڕا و کەسوکارەکێش سەبارەت پا تیرۆرەی و مەراسیموو کیانایۆ جەنازەو گەشمەرڎە د. عەبدولقادر سەبری تۆپراکی کۆنفڕانسێوە ڕۆنامەوانی بەسا.
