جەنازەو گەشمەردە نیزامەدین سلێمانی بەخاکی ئسپارییا: وەرمەکاش مارمێ دی
جەنازەو ئەنداموو هێزەکاو ئاسایشوو دلێ، گەشمەردە نیزامەدین سلێمانی بەخاک ئسپارییا، براو گەشمەردەی واتش: "ئێمە کۆشیایشا بەردەوام کەرمێ، تا ئامانج و هومێدەکێشا بەیا دی".
ئەنداماو ڕێکوزیا و مەجلیس و هێزەکاو ئاسایشوو دلێ و سەدان ئەرەنیشتێ قامیشلۆی و مەنتێقەکەی بەشداریی مەراسیموو بەخاکئسپارای جەنازەو ئەنداموو هێزەکاو ئاسایشوو دلێ، نیزامەدین سلێمانی بێنێ.
قەبرسانوو گەشمەردە دەلیل سارۆخانی، ئەنداموو مەجلیسوو گەشمەردا و تاتەو گەشمەردە هەبوون کێفۆ عوسمانی قسێش کەردێ، سەرەوەشی جە بنەیانەو گەشمەردەی و تەماموو گەشمەردا کەرد، عوسمان واتش: "گەشمەردێ بەها و ڕەگەزەکاو گلێرگەکەیمانێ. چندێو باسشا کەرمێ بکەین نمەتاومێ مافشا بدەیمێ. چەنەما موازیۆ کۆشیای بەردەوام کەرمێ و کۆشیایما گەورەتەر کەرمێ".
عوسمان واتش ئەوەڵوو شۆڕشوو ١٩ تەمووزیوە، گەلەکەما قارەمانانە دژوو دوژمنی و پیلانگێڵنی و هجوومەکا مدرامانش کەردەن، سایێ هێزەکاو ئاسایشوو دلێوە هەرێمەکە پارێزییان.
فەرماندە جە مەجلیسی سەروازیی قامیشلۆی، نەزیر سۆفی وەعدش ئەوەخوای کەردۆ بە درێژەدای بە ڕاو گەشمەردا تا بەدیئامای ئامانجەکاشا.
براو گەشمەردە نیزامەدینی، محەمەد سلێمان واتش: "گەشمەردێ مەمرا و ڕاما ڕۆشنە کەراوە. درێژە بە کۆشیایشا مدەیمێ و تا ئامانج و هومێدەکاشا بارمێ دی".
دماتەر جە مەجلیسوو بنەیانەو گەشمەردانە ڕێڤین شێخموس شناسنامەو گەشمەردەیش واناوە و تەسلیموو بنەیانەکەیش کەرد، دمایی خەڵک جەنازەو گەشمەردەیشا بەخاک ئسپارا.
حەر ئارۆ مەراسیوو سەرەوەشیی وەردەموو یانەو گەشمەردەینە ملۆ ڕاوە.
