جەنگاوەراو هەبەدەهەی شڕنەخنە چالاکیێوەشا کەرد
جەنگاوەراو هایاتی جانی هەبەدەهەی ئیستەنبوڵنە سەروو دیوارەکاوە دروشمێشا نویستێس و شڕنەخیچنە چالاکییشا کەرد.
جەنگاوەراو هایاتی جانیی هەبەدەهەی بارەو چالاکییەکەیشاوە واتشا:
" ١٣ تەمووزی سەعات ٢٣:٠٠ گەڕەکەو کارشیاکوو سلۊپیی شڕنەخینە چوار لێوە داما وەنەو سەیارەکاو پۊلیسی. بۊنەو چالاکییەکەیۊ دوژمن تووشوو شڵەژیای و تەرسۍ بی، پەوکای سەیارۍ زرەپۊشێش ڕوانەو گەڕەکەکۍ کەردۍ. پەی ماوەو چندین دەیەقا زرەپۊشەکۍ تەقەشا چواردەورەرە کەرد. جەنگاوەرەکێما بەسڵامەتی چا یاگێنە دوورۍ کەوتێوە.
١٥ تەمووزینە جە ئەسەنیورتوو ئیستەنبوڵینە پەی خێرامای و بەرزئرمانای مدرامانوو ڕۊچی مەردەی چالاکیێوە نویستەی دروشما و پڕوپاگەندەیمان کەرد".
س.ز
