جەنگاوەرا ژەنێ ئەنجومەنو سەروازی سەرێکانی جە دژو هرووژمە ئەرەگیرەکا دۆڵەتو تورکی و چەتەکا سوپاو نەتەوەیی پەی سەرو بەنداوو تشرینی و سردەو قەرەقۆزاقی چالاکیی حەقسانایۆیشا کەرد. چالاکییەکەنە ئەندامێوە چەتەکا سوپاو نەتەوەیی کوشیاو و سیستەمێوە ڕادار دلێنەبریا.
ناوەندو ئەرەیاونای و چاپەمەنی یەکینەکا پارێزناو ژەنێ (یەپەژە) جە بەیاننامێوەنە ئەرەیاوناش؛ ژەنە جەنگاوەرا ئەنجومەنو سەروازی سەرێکانی دژ بە هرووژمەکا دۆڵەتو ئەرەگیرو تورک پی چالاکیشا ئەنجامدا. یەپەژە ئەرەیاوناش، جەنگاوەرێ چالاکییەکەشا پەی یاڏکەردەیۆ و حەقسانایۆ گەشمەرڏا قەرەقۆزاقی و مڏرامانو بەنداو تشرینی ئەنجامدان.
یەپەژە ئەرەیاونانش کە چی چالاکییەنە سیستەمێوە ڕادار جە بنکەو دۆڵەتو ئەرەگیرو تورکی جە دەگاو مەناخێ جە سەرێکانی بە تەمامی دلێنە بریا و جە دەگاو ئوم ئەلکێفی تل تەمرو کانتۆنو جزیرەی کە ئەرەگیرێ تورکیش ئینێ چنە چەتێوە ئەرەگیر جەلایەنو جەنگاوەرا ژەنێوە جە هرووژمێوە نیشانەماڕاینە کوشیا."
