نوێنەرایەتی دەسەو نەتەوەیی بێتنەهرەینی (موب) سویرانە، چالاکیێوە یاڎکەردەیۊیش پۍ یەرۍ گەشمەرڎا هێزەکاو ئاسایشوو سوریانی (سۆتۆرۆ)ی جە شاروو تورگی سویسراینە ڕێکوست.

سەرەتاو یاڎکەردەیۊکەی جە ناوەنڎوو چاندی هونەرینە، بە دەیەقێوە ڕێزگرتەی جە گەشمەرڎا دەسشپنە کەرد.

جە دەسپێک و یاڎکەینە پۍ ئەندامە گەشمەرڎەکا سۆتۆرۆی 'جەمیل هاننا، شەربەل نەعیم، موزەفەرمحمەد' بە زۋانی سوریانی نەشیدە ۋنریاوە. دماتەر پاپەز میکایل عەزیز پۍ کار و کۊشیای گەشمەرڎا دوعاش کەردە.

دماتەر ۋەرپەرس و هەرمانوو کاروو دلێینەو یۆبیەی سوریانی ئەوروپای (یەسۆ) لۆکاس سارگور پەیاموو موبیش ۋەناوە و جە پەیایەمەکەنە ئانەش ئەرەیاۋنا؛ جە ساڵەو ٢٠١٤یۆ دەوڵەتوو ئەرەگیروو تورکی بە ۋێش و چەتەکاشۆ هجووم و سەروو سەرنیشت و ۋەرکەوتوو سوریای کەرۆ، کە بیەن بە مەڵامەتوو چنڎین کۊکوشییا.

هجوومەکا دەوڵەتوو تورکی مردندۍ

جە پەیامەکەنە ئاماژە پانەی کریان، ئەنداماو ئەنجومەنوو سەروازی سوریانی بە شێوێوە قارەمانانە گژیۍ و ماچۆ: "مدرامان پۍ پارێزناو گەلەکەیما جە گرڎ یاگێنە یەکلایی بیەنۆ، جە عەفرین حەتا دێرەزور، ڕەقە حەتا دێرک، سەریکانی حەتا منبج جە گرڎ یاگێنە پۍ ئەرەمەرزناو سیستمێوە دەیموکراتیکی کۊشیانە. بە هەمان ڕۆحیەتیچ گەلەکەیما پارێزنا. پێسە دەسەو نەتەوەی بەیتنەهرەینی داوا جە گرڎوو هێزە جەهانیەکا کەرمۍ پۍ مردنای و ڕا گێرتەی جە کۊکوشیەکا تورکیای هەڵوێسشا بۆ. حەرپاسە داوا کەرمۍ ڕاوەبەری خۆسەریی سەرنیشت و ۋەرکەوتوو سوریای بە شێوێوە ڕسمی بشناسیۆ. دژوو هجومی و فاڕای دیموگرافیای جە تەرەفوو دەوڵەتوو تورکیوە ڕاو جا گیریۊنە ۋەر. ئینەیچ بۆ بە ئاساییشێوە عال پۍ گەلی."

حەر جە پەیامەکەنە پەیاموو ئانەی دریا؛ پۍ بەدەسئاردەی ئامانجوو چاندی، وەڵینگەی، گلێرگەی و گەشمەرڎا، درێژە بە کۊشیای مڎا.