جەمەو ئیسلامی کوردەسانی ٣٥ هەزار یۆروێش پېسە هامکاری پەی ئا کەسا گلێر کەردۆ کە بە مەڵامەتوو جەنگیۆ جە ۋەرنیشتەنە ئاوارۍ بیێنۍ و ئا میقدارە هامکاریەشە رادەسو رۆو سوری کوردەسانی کەرد.
هەڵمەتەو گلێرکەردەیۆ هامکاری جەمەو ئیسلامی کوردەسانی (جیک) بە مەبەسو گلێرکەردەیۆ هامکاری پەی ئا کەسا کە بە مەڵامەتوو هرووژمەکا دۆڵەتو تورکی و چەتەکاش پەی سەرو سەرنیشتی و ۋەرکۊتوو سوریای ئاوارۍ بیۍ، بەردەواما.
دماو نماو جومعەی جە مزگیەکا چێرو چەترەو جیکینە جە فەرەنسا جە چوارچێوەو هەڵمەتەکێنە ٣٥ هەزار یۆروۍ پەی ئاوارەکا ۋەرنیشتی گلێرکریاوە و رادەسو ۋەرپەرسا رۆو سوری کوردەسانی کریا.
هامکارییەکە کە جە مزگی شێخ سەعیدینە جە پاریس گلێرکریابێوە، جە لایەنو سەرۆکو جیکی شەوکەت چاکری و ڕاوەبەرا جیکیوە رادەسو ۋەرپەرسا ڕۆو سوورو کوردەسانی کریا.
مەلا شەوکەت چاکر جە وتێوەنە بە ئاماژەدای پانەی کە جە کەشو سەردو زمسانینە هەزاران ئاوارۍ جە ۋەرنیشتەنە پەنەوازشا بە هامکاری هەن، داواش جە گرڎ لێوە کەرد بە پاو تواناو ۋێشا پەشتیوان جە واڵە و براکاشا جە ۋەرنیشتەنە بکەرا و دەسو هامکارییشا پەی درێژبکەرا و واتش: "کەمپینەکەشا بەردەواما و پەنەوازا گرڎ کەسۍ چنەشەنە بەشدارۍ با".
جە ئەڵمانیا و وڵاتا تەرینە چا مزگیانە کە سەر بە جیکینۍ هەڵمەتەو گلێرکەردەیۆ هامکاری پەی ئاراوەکا ۋەرنیشتی بەردەواما.
