جەیلان ئاسڵانە ئەندامەی وەڵینەو ئەنجومەنو شارەوانی ئەرخەنێ، بە تۆمەتەو "ئەندامبیەی جە ڕێکوستەینە" و "پاشێلکەردەی یاساو ۋێنیشاندای و چالاکییەکا" و بە مەڵامەتوو بەشداریکەردەیش جە بەیاننامێوەنە سەبارەت بە مانگېرتەی لەیلا گۆڤەنۍ هامسەرۆکۊو کۆنگرەو گلېرگەی دیموکراتیکی و چالاکییەکاو پارتەکەیش دادگاییە مکریۆ. دادگایی کەردەی جەیلان ئاسڵانۍ جە دادگاو تاوانەکا ئامەدینە لواڕاوە.

جەیلان ئاسڵانە جە لایەنو وەزارەتو دلېینەیۆ جە ئەرکەکەیش دورە وزیاوە. جەیلانە جە ئەرەنیشتەی دادگاینە ئاماڎۍ نەبۍ، بەڵام پارێزنەرەکەش، سەدا زەنگین ئاماڎە بۍ. داواکاری گرڎیی جە دادگاییەکەنە تۆمەتەکۍ وەڵتەرێش واوەی کەردێوە و داواو سەپنای سزێش سەرو جەیلان ئاسڵانێرە کەرد.

دماتەر لوجنەو دادگای قەرارو ۋێش ئەرەیاۋنا و سزاو ٧ ساڵا و ٦مانگا زینانیش سەرو جەیلان ئاسڵانێرە سەپنا.