وەزارەتوو دلێو هەرێمی و عێراقی کۆنگرێوی ڕۆنامەوانییەنە ئەرەیاوناشا، یەرێ کەس بە تۆمەتوو سۆچنای بازاڕەکاو هەرێموو کوردستانی گیریێنێ و پەکەکەشا تۆمەتبار کەرد، هەرپاسە باسشا چانەیە کەرد دووێ کەسێشا سەر بە هێزە ئەمنییەکاو هەرێمینێ و لاو پەکەکەیوە ئەرەسپاریێنێ. وەراوەرنە هیزی کۆمیتەو پەیوەندییەکاو بەروو کەجەکەی ئەرەیاوناێوی نویسیانە ئی تۆمەتێشە بەدروێ وستێوە. حەر هیزی، قسەکەروو یەنەکەی، سەعدی ئەحمەد پیرە کۆنگرێوی ڕۆنامەوانیینە جوابوو تۆمەتەکاش داوە و واتش: " ئی تۆمەتێ قێزەونێ پەی دماوستەی ورچنیەی پەرلەمانوو کوردستانینێ، چونکوم  پارتى جە هورچنیەی متەرسۆ".

لاو وێشۆ کادێری وەڵیکەوتەو یەنەکەی، بورهان عەبدولڕەحمان قسێش پەی (کۆباس)ی کەردێ و واتش کە  پەدەکە ڕەوشش خراپا و جە ورچنیەی متەرسۆ و پەنا پەی گرد چێوێ مبەرۆ، ئەرەیاوناش: "پارتیی سوور مزانۆ ئایرەکاو هەولێری دەسوو تورکیایشا ئینا پەشتیوە و ئینەیچ پەی مەنەیۆ و گرنگیدان بە بەرهەمە تورکییەکا بازاڕەکانە و زیاتەربییەی مامەڵەی بازرگانی، بەڵام پارتی ئینەیە مشارۆوە و چەنی میتی تورکی سیناریۆ وەش مکەرا".

کادرەکەو یەنەکە ئاماژە بە کۆبییەیوەکاو تورکیا و عێراق و سوریای مکەرۆ دژوو پەکەکەی، ئەوەخوایش مکەرۆوە، پەدەکە پی سیناریۆوا گەرەکشەن لەشکرکێشیی پەدەکەی پەی سەروو خاکوو هەرێمی هۆشوو خەڵکی بەرۆوە.