ئەنڎامو کۆمیتەو ڕاۋەبەری پەکەکەی دوران کاڵکان کاریگەری تاریخی مدرامانی گۊرەو ڕۊچۍ مەرڎەی ١٤و تەمووزی و سەرو جمیەرو ئازاڎیی و میراسەکەیش قسېش پۍ ئاژانسی هەواڵی فورات (ANF)ی کەرڎ.

روانگەی فەلسەفی، بەهاکۍ ورە و ئایدۆلۆجی کادرەکا پەکەکەی کە بەشڎاریشا جە مدرامانو ڕۊچۍ مەرڎەی ١٤و تەمووزی کەرڎەن، کامۍ بېنۍ؟

ۋەڵۍ گرڎ چېۋېنە جە ساڵیاڎو ٤١ەمینینە سڵام جە مدرامانی گۊرەو ڕۊچۍ مەرڎەی ١٤و تەمووزی کەرو. ئەرەیاۋنوش کە حۊڵەکېما پۍ یاۋاینە چا قەرارە گۊرەیە ۋەردەوام ۋەڵۍ گنۊ. شۆڕشگێڵە گۊرەکۍ کە ئا مدرامانەشا یاۋنا بە سەرکۊتەی؛ هامڕا محەمەد خەیری دورموش، کەمال پیر، عاکیف یڵماز و عەلی چیچەک بە رێز و ۋەشەویسی و پنەزانایۊ یاڎ کەرۋە.

هامڕا مەزڵوم دۆغان و چوارەکۍ بە سەرمەشقی فەرهاد کورتای کە ڕاشا پۍ چالاکی ڕۊچۍ مەرڎەی ١٤و تەمووزی کەرڎۊ، کە یۊ جە مدرامانە ماناڎارەکا تاریخین، بە رێز و ئیحترامۊ سڵامشا ۋنە کەرو.

بێگومان مدرامانو گۊرەو زینڎانی جە ساڵەو ١٩٨٢ سەرەتېۋە تازە بۍ. جە ڕوو تاریخی پەکەکەیۊ، جە ڕوو تاریخو کورڎسانیوە پی جۊرەبۍ.

"ۋېڕاگرەکۍ خۊتان هۆشمەنڎیېۋە فرە قووڵی تاریخی بېنۍ"

ئانەی کە سەردەمێۋە یەکلاکەرەوەی پی جۆرەش خوڵقنا چېش بۍ؟ بێگومان عالتەرین جوابو ئینەی، هۆشمەنڎی قووڵی تاریخین. هامڕېکېما زینڎانەنە ۋېڕاگریشا کەرڎ، کادرەکۍ پەکەکەی، سەرمەشقەکۍ پەکەکەی خۊتان هۆشمەندیېۋە فرە قووڵی تاریخی بېنۍ. ڕابەر ئاپۆ سەرو ئا ئەساسیە پەروەرڎېش کەرڎېبېنۍ، ئاماڎېش کەردېبێنۍ. ۋەرو ئانەی تایبەتمەنڎی بنچینەیی ڕابەر ئاپۆی، پېسەو ئانەی عال زانیۊ، خۊتان ئەقڵیەتێۋە قووڵی تاریخین، تەماشەکەرڎەیۍ تازەی تاریخیش خوڵقنا. ئا قۆناغەی جە سەرەتاوە خوڵقیا، بە فاڕای پاڕادایمی فاڕیا پۍ خەتۍ، فەلسەفەی تاریخی تازەی.

بیەی بە خۊتان هۊشمەنڎیېۋە قووڵی تاریخی چ مانېۋە میاۋنۊ؟ بێگومان ۋەڵۍ گرڎ چېۋێنە ئەنەیاۋای جە سیاسەت و مەغزی قڕکەری، کۆلۆنیالیست، فاشیست، کاراکتەرو دەوڵەتو تورکیاین کە بە پەیماننامەو لۆزانی ۋەرجەستەبی. مەزڵوم دۆغان، خەیری دورموش، کەمال پیر هۆشمەنڎیېۋە پی جۆرەشا بۍ. ئانا ئێمە ئینایمۍ ١٠٠ ساڵەو پەیمانەو لۆزانینە. راسی تورکیای کە جە ڕاو ئی پەیماننامەیۊ خوڵقیا، درکشا پا ڕاسیە کەرڎەبۍ کە جەهان، ئا چارەنۋیسەشە سەرو کوردارە سەپنابۍ.

هۆشمەنڎی قووڵی تاریخی پاسەش کەرڎ کە ۋەرپرسیاری بەرز شۊنەو ۋېشەرە بارۊ

قۆناغو دماو ئانەی، کۊکوشی، قڕکەرڎەی، ئا چېۋۍ کە کورڎ پۍ ئازاڎی و بیەی ۋېش بۊنەشۊ ۋېڕاگری کەرۍ، ئەنجامدریۍ؛ ئانۍ کە جە ئامەڎ، چەولیگ، بەدلیس، خارپێت، دێرسیم، سەرحەد ڕۋەشا دابۍ عال پنەش زانېنۍ. زانابېشا کە چېش سەرو ۋېڕاگرا ۋەرکەوتوو کورڎسانی-رە ئامان. عال جە ئاژەو پانیشتی یاۋېبێنېنە. بەتایبەتی عال بە هەرەسەو ٧٥ یشا زانابۍ کە سەرو پەدەکەیرە ئاما، کورڎ و کورڎسان ۋەرەن ڕوو چېشی بیەنۊ. بە ۋەرپرسیاریېۋە گۊرۊ هەڵسوکۊتشا کەرڎ، بێگومان ئا هۆشمەنڎیە چنی ۋېش ۋەرپرسیاریېۋە گۊرەش خوڵقنا. ڕابەر ئاپۆ ۋاتش، "من ئی ئاژەو کورڎسانیم نەخوڵقنان. من پەرسو کورڎیم نەخوڵقنان. ئاشکران ئانەی خوڵقنابېش ۋەرچەما گرڎ کەسېۋە بۍ. ۋینیۍ، بەڵام گرڎ کەسۍ چەمېش ئاستشەنە وستېبېنێرە. نەتاۋېنا پېسە گرڎ کەسۍ مامەڵە کەر و بە نەبیەیش بنیەورە. نەتاۋېنا ناۋەرپەرسانە جموە. حەرپۊکەی من قۊرتەکېم دەستنیشان کەرڎە. شانەم دا ۋەرو بارێۋە قورسی".

جە ڕۋانگەو زانیاری سەرو ئاژەو گەلا جەهانیۊ خۊتان ئاستێوە باڵابۍ. جە مژارەکا کردەوەکا سیستمی مۆدێرنیتەی سەرمایەداری جەهانی دژ بە گەلا چەوەسیای، خۊتان زانیاری گرنگ بۍ. پەیوەس بە ئەزمونو ڤێتنامی و هجومەکا سەرو گەلوو ڤێتنامی، حەرپاسە مدرامانو گەلوو ڤێتنامی ئاگاداری و زانیاری گرنگشا بۍ. حەرپاسە جە بارەو راسی گەلا، جە ئەفریقا، ئەمریکای لاتین و ۋەرکەوتو میامینی زانیاریشا بۍ.

کۊشیای ئاڎیشا و چارەنۋیسو کورڎسانی ئامېتۍ یۊترینی بیۍ

مشۊم ئانە بزانیۊ؛ هۆشمەنڎی قووڵی تاریخی، هەستو بەرزی ۋەرپرسیاری، ئازایەتی و گیانبازی گۊرە پاسەش کەرڎ هامڕېکېما پۍ مدرامانۍ تاریخی پی جۆریە قەرار بڎا. پۊکاتی بە عالی جە رژێمی سەروازی فاشیستی ١٢و ئەیلولو ١٩٨٠ یاۋېنە و پێناسەشا کەرڎ. پۍ ئانەی سیستمی کۊکوشی کورڎا کە بە پەیماننامەو لۆزانی دەسنیشان کریابۍ بیاۋۊ بە سەرکۊتەی، هجومېۋە تازەو دەوڵەتو نەتەوەو تورکی بۍ. زانابېشا کە ئینە جە لایەنو ناتۆیۋە ڕېکوزیۊ و ڕاۋەبەر کریۊ.

بە کۊشیای ۋېشا، چارەنۋیسو ۋېسا جە زینڎانەکانە و چارەنۋیسو گەلوو کورڎی و کورڎسانیشا جە ئاستێۋە بەرزەنە یاۋنا بە یۊی و ئامېتەو یۊترینیشا کەرڎۍ. جە قۆناغێوە چی جۊرەنە ئشیۍ جوابشا پۍ پرسیارەو 'مشۊم چېش کەرمۍ؛ ئېستېۋە. بەمەڵامەتو هۆشمەنڎی قووڵی تاریخیشا سەرمەشقیشا پۍ ئا مدرامانەیە کەرڎ. فەرهاد کورتای و هامڕېکۍ تەرێش نوێنەرایەتی ۋڵاڎپارێزی کورڎیشا جە قووڵاییوە کەرڎ، جوابشا داوە. ڕاشا پۍ مدرامانی گۊرەو ڕۊچۍ مەرڎەی ١٤و تەمووزی کەرڎۊ، مدرامانەکە پی جۆرە کۊت ۋەرو باسی.

چارەنویسی سەپیا ملوو کورڎیرە جە ڕاو  مدرامانوو ١٩٨٢ شکسش پەنە ئاریا

ئایا ئانە تەنیا بە هەستوو وەرپەرسی و باڵایی و هۊشمەندی ئاما ئاراوە؟ نا، ئانە وەسۍ نەبۍ. مشۊم ئینسان بڕوا بە ئازادی و ڕزگاریچ پانەیە زیاد کەرا. بە بڕوائارڎەی بە سەرکەوتەی، سەرکەوتەی کۊشیای، ئازادیی گەلوو کورڎی، قەرارڎاریی گەورە پێسە خولقیا. ئا چارەنویسە کە ملوو کورڎیرە سەپیا، بی بە مدرامانی گەورەو زیندانوو ١٩٨٢ شکسش ئارڎ. تارێخێوە تازە وەش بی، جە راو مدرامانی گەورەی و بڕوێوە، ئیرادە و پاگێرتەیرێوە گەورەوە پەی سەرکەوتەی خولقیا، مدرامانیگەورە پێسە دەسش پەنە کەرڎ.   

مۊبۊ ئینسان مدرامانوو١٤ تەمووزی بەئاسایی ورسەنگنۊ. ئینسان متاوۊ  گرڎ چالاکیێوە کەرۊ. وەلۍ ئینسان مزانۊ ماناتادارتەرین چالاکی، دژوارتەرین  هەرمانە پەی ئینسانەکا بێگومان مانگێرتەین جە وارڎەی و ڕۊچۍ مەرڎەینە. مشۊم ئینە پێسە پێناسە کریۊ. چندین ڕوۍ، مانگۍ، گرڎ وەختۍ، گرڎ سەعاتۍ مەنەیۊ بەینوو مەرگی و ژیواینە تەنیا بە هۊشمەندیی بەرز، وەرپەرسبییەی و بڕوا بە سەرکەوتەی دەسەبەر بۊ. ئا هامڕێما ئینەشا یاونا سەرکەوتەی. شکۊو کورڎیشا سەرجەنۊ بەدەس ئارڎۊ، بەرڎشاوە و ڕاو بەدەسئارڎەی شکۊیشا نیشانە دا.

١٤ی تەمووز جەئەدابییەیوەن

پەیوەندی هەن بەینوو شکۊی و ئازادینە، بێگومان ئەگەر باسوو شکۊیۍ کریۊ، بکرێت، ئانە تەنیا بە ئیرادە، بە ژیوای ئازاد مسۊگەر بۊ. ئندا بۊ بە قسێوە هاڵییە و بێدلێنۍ. وەروو ئانەیە ئی مانۍ بە مدرامانی گەورەو ڕۊچۍ مەرڎەی ١٤ تەمووزی بەخشیا. ١٤ تەمووزی پێسە ڕۊو شکۊو نەتەوەیی منریۊرە. پیسە فاڕای راڕەووو نەتەوەی وینیا. جەئەدابییەییۊن. تاریخۍ سەییە بۍ، کە چێروو هجوومی پاکتاوکەر و فاشیستی و کۊلۊنیالیستینە بۍ. وەرانوەروو ئانەیچۊ تاریخیوە وێگێرتە هەن، ئازادی مسۊگەر کەرۊ و١٤ تەمووزی سەرەتێوە چینەی تاریخی، جەئەدابییەی  وزۊ ڕووە. نیشانۍ دلێنەشییەی گرڎوو نەرێییەکانە، سەروو بناغەو ئازادی ئینسانیەتی کورڎساننە تەوەلودی دووەبارەن.

پەوکای هەنگامێوەنە کە یاگۍ و وەختوو وێچشنە بۍ، دەسپەنەکەرڎێوە تاریخی. رابەر ئاپۊی وات، "خەتەو دلۍ پارتیما نوێنەرایەتی کەرۊ، چالاکیێوە پەڕ و پەنەوازا، پرڎێوە گەورێنە، ژیوای جە مەرڎەی، ئازادییش جە کۊیلایەتیینە خولقنان، پرڎێوە قەوەتەنە بەینوو ئانیشانە". بەتایبەتی ژەنی و گەنجۍ داواش جە گرڎ کرێکارا، ڕەنجدەرا، گەلوو کورڎی کەرڎە بە ئازایەتی، بۍ تەرس و سڵەمایۊ چا پرڎێوە پڕاوە بەرەو ئازادی. سەروو ئا بنەمێچە داواو کۊشیای ئازادییش کەرڎە. شۊنەو داوێکۍ رابەر ئاپۊیرە کاریگەری گەورەو مدرامانی بەرکەوت و یۊش گێرت ئا وەخت کۊشیای گەورەو ٤١ ساڵە و وەڵێوەلوای تاریخی خولقیا.

مشۊم ئینسان پیسە چەنەشا بیاوۊنە. وەروو ئانەی ١٤ تەمووزی دژوو قەراروو کۊکوشیی کورڎان کە لۊزانۊ دەسش پەنە کەرڎ، قەرارڎای سەروو ئازادی و بیەێوە کورڎانەی. پەی کورڎان وەڵێوینای تاریخی تازەین. جە چوارپارچەو کورڎستانینە، چوار لاو دنیێوە ٤١ ساڵێن بە نامۍ ئازادیی کورڎستانی، ئینسانیەت چە وەڵێکەوتەێش بۊ مۊرەو مدرامانی و قەراری گەورەیش ئینا پۊوە.  

پەکەکە پېسە ئەویشا تەری ۋېش نەچەمناوە

مدرامان بە شێۋېۋە گیانازانە دژ بە دڕنڎەیی و فاشیزمی ئەنجامدریا، چ ڕېۋە ئایدۆلۆجیکەش خوڵقنا؟

رووەو ئا قۆناغۍ، حەر ئا دەمەی پەکەکە ئەرەمەرزیۍ، رێباز و کاراکتەرۍ ئی کۊشیایە ۋەشکریېنۍ، بە دڵنیاییوە گفتگۆ سەرو ئازایەتی و گیانبازیی و کۊشیای کریۍ. ئینە هەم دلۍ پەکەکەی و هەمیچ دلۍ ڕېکوزیاکا تەرینە بۍ. وەختۍ ئینسان ساڵەکا ی١٩٧٠ ۋیر مارۊۋە، یاخوڎ گېڵۊۋە پۍ ئا سەردەمەیە و ۋنەکۊڵیای جە بەڵگەکا ئا سەردەمیە کەرۊ، بە ئاسانی پیۋیۊ کە کۊشیایۍ فرە گرنگ کریان. کەسایەتیۍ فرۍ بېنۍ کە بە ۋېشا ۋاچېنۍ ڕابەرېنۍ. فرەو رێکوزیا و جمیەری بېنۍ. بێگومان پۍ ئانەی پەشتیوانی گەلوو کورڎی بەدەسبارا، نیازشا بۍ بانۍ بە ڕابەرو گەلوو کورڎی، رێکوزیۍ کورڎی. ۋاچېنۍ با کورڎ ئازاڎ بۊ. بەڵام وەختۍ چنەشا پەرسېنۍ کە ئانە چنی دەسەبەربۊ، ئا وەختە جوابو ئاڎیشا، روانگە، مامەڵە و هەڵۋێسو ئاڎیسا جیاواز بۍ. بەڵۍ با کورڎسان رزگار کریۊ، کورد ئازاڎ بۊ، مەغز و سیاسەتو قڕکەری، فاشیست، کۆلنیالیستی دلېنە بشۊ، بەڵام ئانە چنی کریۊ؟ جوابەکۍ پۍ ئانەی جیاوازۍ بېنۍ.

فرەو کەسایەتی و جمیەرەکا جوابی جیاوازشا داوە. بڕۍ ۋاتشا ئەگەر پەنەواز کەرۊ کۊشیای چەکداریچ کریۊ، گیانبازیچ کریۊ بەڵام مشۊم ئینسان ئیسفاڎە جە دەرفەتە دیموکراتیکەکا هۊرگېرۊ و پی جۆرە ڕۋەشا کەرڎە ریفۆرموازی، هەلپەرستی. هەڵۋێسی کەسی، ژیای و بیەو ۋېشا وست ۋەڵۍ ژیای ئازاڎیی گەلوو کورڎی. پەکەکە ئا هەڵسوکۊتەشە رەڎکەرڎۊ. ڕابەر ئاپۆ ئانەش بە ۋەرفراوانی هۊرسەنگنا و کادرەکۍ پەکەکەیش سەرو ئا بەهایا پەروەردەکەرڎۍ. ئازاڎکەرڎەی کورڎسانی پا هەڵسوکۊتا ۋەران ۋەر بە هجومە فاشیستیە قڕکەرەکا بە مەنەیۊ سەرو ژیای ئەستەم بۍ. ۋەرو ئانەی نمونۍ فرە دیارۍ بېنۍ. جە پارچەکا کورڎسانینە گرڎشا ۋەڵتەر دژ بە قڕکەرڎەی مدرامانشا کەرڎەبۍ، بەڵام گرڎشا بە کۊکوشی سەرکوت کریۍ بېنۍ. سەرمەشقەکېشا، سەرکردەکېشا، بە شېۋېۋە دڕنڎانە دریۍ بېنۍ قەنارە. ڕاسیېۋە پی جۊرە بۍ. پۊکاتی ئاژېۋە فاڕیای ئارانە نەبې. ئەگەر بە کۊشیای ئا ئاژە نەفاڕیۊ، ئانەی مەغزو ئانیشانەبیۍ کە ۋاچېنۍ کۊشیەیمۍ، هەمان ئا چېۋەبۍ. پەکەکە چی ڕۋۊ بە دیاریکریای قسېش بېنۍ. ۋېش هۊرسەنگنا، ژیای کەسی ۋېش نەوست ۋەڵۍ بیەو  ئازاڎیی گەلی. بە پاو مەسڵەحەتە کەسییەکا نەجماۋە. جە ئەۋەڵۊ ئانەش وست ڕۋە کە ئازاڎیی و بیەی تەنیا بە مدرامان و بە گیانبازی و ئازایەتی گۊرە متاۋیۊ دەسەبەر کریۊ. کادرەکېش پی جۆرە پەروەرڎەکەرڎۍ. کادرەکېش پی جۆرە خوڵقنۍ.

پەی بەدەسئارڎەی ئازادی چێش پێویس بۊ مشۊم کریۊ

کادرو جەنگاوەرە سەرمەشقەکاو  پەکەکەی وەختۍ لوۍ زیندان پا هۊشیارییەیچۊ لوۍ. هەڵبەتە ئادۍ گرڎوو فرسەتەکاو دلۍ زیندانیچشا تاقیۍ کەرڎێبێنێوە. سەرنجە بدەیدۍ ڕاستەوخۊ نەکەوتۍ دلۍ جەنگێوە دژواریوە. وەروو ئانەیە کۊشیای بیەی و ئازادی بەکاریگەرنە کەرا، ویرێشا کەرڎێوە کە هەلومەرجۍ و فرسەتەکۍ کامێنۍ، دیۍ پەی ئانیشا و بە پاو ئانەیە دەسا کەرڎ بە کۊشیای. وەلی هجوومەکاو ڕژێمی سەروازیی فاشیستی دژوارۍ بێنۍ. هجووموو ددانیایپۊرە و ورگێرتەی، وێدایدەسۊ، ماڵیایرە جە ویری و بڕوۍ ملوو زیندانەکارە سەپیابۍ سەپێندرابوو، بە پلانپەی نریایرە و ڕێکوزیا بەزوویی کریۍ. ئینەیچ بی بایسوو ئانەیە، سەرجەنۊ دەس بە ورسەنگنایۊ کەرا. دیسان چا ورسەنگناینە ئاستوو ویری و بڕوۍ بەسروشتی ئەنجامی دروستشا دەس وست. چێش فێر کەرا؟ ئانە کە وچیا مشیۊم کریۊ، ئانۍ  وەڵی گرڎ کەسینە ماچا مشۊم وەڵی گرڎ کەسینە کەراش. پەی بەدەسئارڎەی ئازادی چێش پێویس بۊ مشۊم کریۊمشۊم شۊنەو وەختووو وێشنە بە یارای و گیانبازیی گەورەوە مشۊم کریۊ. ئا هۊشمەندییە کە بە مەزڵوم دۊغانیوە ئاما ئاراوە ئینە بۍ. بڕوامەندبییەی بە سەرکەوتەی، ئاهۊشمەندی و بڕوا قووڵۍ کە موینی ئەگەر کورڎ ویروو ئازادی بەدەس بارۊ، بە کۊشیای چ تاریخێوە گەورە خوڵقنۊ و بە ویر و باوەڕێوە گەورەوە بڕواش پانەیە ئارڎە، ئا یارای و گیانبازییە کە باسش کەرمۍ خولقناش. خەتەو گیانبازی پێسنۍ بۍ.

ئانەش نیشانە دا: وەراوەروو ئا ستەمەیۊ ملوو زیندانییارە سەپنیان ئەگەر بە گیانبازیوە مدرامان کریۊ، بییەی دەسەبەر بۊ. جگە ئانەیە هیچ مەجالێوە پەی ژیوای ئازادانەی و ئینسانانەی نییا. یان جە ڕووەی مرۊییوە ڕۊح و ویر دلێنە بریۊ، پا شکڵەی زیندە بۊ یان  ژیوای ماددی ویەرنیۊ، بەرەو ژیوای ڕۊحیی ئازادی کریۊوە. ڕاێوە تەرە نییەنە. وەروو ئانەیە کەمال پیر واتش، ' ئێمە تا ئاستوو مەرڎەی پەیش بمرین، ژیوایما وەش مسیۊ'. ئانە فرە گرنگ و مانادرا بۍ. وەختۍ ئینسان پەی ژیوای مرۊ، ئا وەختە ژیوای خولقیۊ و ئینسان متاوۊ مانادار و ئازاد بۊ. هەقیقەتوو ژیوای بنەڕەتنە چینەن. دیای و هۊشمەندی پیسە نیشانە دریا. ئا ویر و ئیرادە خەتێوە گیانبازانۍ چینێش وەشە کەرڎە خەتەو گیانبازی.  

گیانبازی ١٥و تەباخی چالاکیېۋە بە زانابیەین

مشۊم ئینە بەغەڵەت تەماشە نەکریۊ. هەڵبەتە هەڵۋێسېۋە ئایدۆلۆژیک و ڕا نیشاندەربۍ. پەنەوازەن ئا هەڵوێسە گیانبازییە، چالاکییە گیانبازییە و چالاکییە ۋۍ کوشتەیە بڕۍ رێکوزیۍ تێکەڵو یۊی نەکریا. فرەو ئانیشا بەزەڕ کریۊ، بە هۊرخەڵەتنای، بە دۆگمابیەی. بەڵام سەرنج بڎیمۍ جە مدرامانو گەورەو زینڎانی، جە گیانبازی چالاکی ١٤و تەمووزی چېۋۍ پی جۊرە بیەیش نییا. دوگمابیەی و چېۋی چا جۊرە بیەیش نییا. قوڵتەرین شێوازو قەناعەتی بۍ. زیاتەر جە گرڎیچ چالاکی ١٤و تەمووزی ئانەش نیشانە دا. رژێمو سەروازی فاشیستی ١٢و ئەیلولی سەرو بنەماو ناتۆی گرڎ ڕېۋەش تاقی کەرڎۊ. پۍ نمونەی هێزو ئاڎی بەش نەکەرۍ کە تاۋۊ چالاکا خەڵەتنۊ و ئاڎیشا جە مدرامانی دوور وزۊۋە. سەرۆکو رژێمو سەروازی کەنعان ئەڤرەن وەختۍ جە دەرییێ چیای قسېش کەرڎۍ، ئا زینڎانەی ڕۊچۍ مەرڎەی ١٤و تەمووزیش چنە ئەنجامدریابۍ نیشانەدابۍ و ۋاتەبېش: 'چاگە بڕۍ کەسېش چنەنۍ، سەرەیچشا جە لاشەیشا جیا کەریۊ دەس جە ۋیرو قەناعەتو ۋېشا هورمەگېرا. جە ۋەران ۋەرو پەکەکەی و مدرامانی گۊرەو ١٩٨٢، جە ۋەران ۋەرو مدرامانو ڕۊچۍ مەرڎەی ١٤و تەمووزی و ئا قەناعەتەی ئینەی ئارڎەن ئاراۋە، ناچار بۍ کە ۋېش شکسەکەیشا ئەرەیاۋنۊ. ئاژېۋە گرنگ بۍ، ئاژېۋە ماناڎاربۍ. نیشانەشدا کە مدرامان چنی سەرکۊتەی گۊرەو هۆشمەنڎی، ئیراڎە و قەناعەتش چنە گنۊۋە.

مدرامانو زینڎانی جە ساڵەو ١٩٨٢ سەرفرازیېۋە پا جۆرەشە ۋەشکەرڎ. خەتەو فیدابیەیش ئامېتەو سەرفرازی کەرڎ. چنی ۋیری و قەناعەتی ئامېتەو یۊترینیش کەرڎۍ. فیداکاری و ئازاڎیش، بە قەناعەت و سەرفرازی یۊگیرکەرڎ و بنیاڎش نیا. خەتەو گیانبازی پۍ پەکەکەی بیە بە خەتېۋە تازۍ ئایدۆلۆژیکی. ۋەڵۍ ئانەیچ گەرەکش بۍ کۊشیایۍ فرە گیانبازانە ڕاۋەبەر کەرۊ. جە زینڎانەکانە مدرامانی گۊرە کریۊ، ئینسان بۊ بە جەنگاوەری گەورە، بۊنەو ئانەیۊ ئینسان ژیای ۋېش بەخشۊ و گەشمەرڎە بۊ. ئینۍ گرڎ هۊرسەنگنای و ئاماڎەکاریشا پۍ کریابۍ.

تەرزەو سەرکۊتەی مدرامانیش خوڵقنا

ئینە چنی بە پراکتیک جا بەجۍ کریۊ، بی بە ڕۆژەڤ و جە مدارامانو زینڎانینە ۋېش بەروست، تەرزەو کۊشیای و مدرامانیش بەروست. ئا تەرزەو مدرامانیە کریۊ جە حەر ئاژېۋەنە سەرکۊتەی بەدەس بارۊ، جە حەر ژیۋگە و هەلومەرجێۋەنە بۊ. ئی وشیارییە، خوڵقناو ئی ئیراڎەینە، پېسە ۋۍ کوشی و چېۋی چانەی نەبۍ جە یاگەکا تەرینە. پا جۆرە نەبۍ، کەسۍ ئاراسەشا کەرۊ پۍ ئی هەرمانۍ، ناچارنەکریۍ بېنۍ پینەی، یان بڕۍ وەعدېشا پنە دریۍ با. بە تەماشەکەرڎەی و زانای و ئەنەیاۋای، نرخنای ئاژەی ۋەڵتەری و دماتەری، بە ۋینای سەرکۊتەی، مدرامانۍ چانە ئەنجامدریا. کەمال پیر جە هۆڵو داڎگاینە ۋاتش: "چی تەڤگەرەینە سەرکۊتەی ۋینو". پی قەناعەتۊ، ڕۋەشکەرڎە مدرامانو ڕۊچۍ ١٤ و تەمموزی، گرڎو شۆڕشگێڵا تەریچ پاسۍ بېنۍ، بەپاو ئی هەڵوێستەیە هەمیشە سەرکۊتەی ۋینۊ، ڕۆحو فیڎاکاریشا پاسە کەرڎ.  

مدرامانو ڕۊچەگېرتەی مەرڎەی ١٤ و تەمموزی یان مدرامانو زینڎانی گۊرەی ١٩٨٢، چېشش پېشکەش بە پەکەکەی کەرڎ؟

١- ئا قەرارەی، مشۊم دژو فاشیزمی و ئەرەگیری و قڕکەرڎەی مدرامان کریۊ.

٢- مشۊم ئی مدرامانە سەرو خەتەو فیداکاری بۊ و ئی خەتۍ نیشانە دریۊ.

٣- سەلەمناو ئانەی ئی چېۋە جە گرڎ ئاژېۋەنە مومکینا، پەنەوازەن تەرزێوە بۍ دی کە سەرکۊتەی خوڵقنۊ.

٤- گرڎو پەرەئەساکا دماتەری، کۊشیای کورڎسانەنە، گەریلا، گرڎ چېۋۍ، سەرو بناغەو ئی قەرارە گۊرەیە و جە ئەنجامو ئی دەسپنەکەرڎە گۊرەیە پێکئاما.

 

 ١٤ تەمووزی بناغەو گرڎوو چێوە ڕاسەکاو کورڎستانین ماوەو ٤١ ساڵی ویەرڎەینە

ئەنجامەکاو مدرامانوو  "ڕۊچەگێرتەی مەرڎەی" ١٤ تەمووزی گەورەی چەنینۍ بێنۍ، جە ڕووەو نرخەی ئایدۊلۊژیۍ و فەلسەفیۍ و ئەخلاقیوە، تا ئارۊ نەریتوو مدرامانی چەنی درێژەش کێشت؟ چەنی ئی میراتە تا ئارۊ پارێزیان؟

پڕۊسێوە تاریخیی ٤١ ساڵە هەن. هەر  وەختێوە ئی ٤١ ساڵەیە، پەڕا فیداکاری و کۊشیای و پەرەسانای گەورە، گەلوو کورڎی و ژەنی و ڕەنجدەرۍ، سەروو بناغەو قەراری و ڕێبازوو مەزڵومی و فەرهادی و مدرامانکەراو ١٤ تەمووزی زینداننە وێشا مەرزناراوە، دۊخەکە چینەن، مشۊم ئی ڕۍ بشناسمێوە.

مشۊم  لا وەنەو ئانەیە کەرووە، ماوەو ٤١ ساڵی ویەرڎەینە، کاریگەریی مدرامانی گەورەو زیندانەکا بەرڎەواما، مدرامانوو "ڕۊچۍ مەرڎەی" ١٤ تەمووزی گەورەی سەروو گرڎ کەلیمێوە کە بە نامۍ ئازادیی کورڎستانیوە بەروزیۊ، سەروو گرڎ هەرمانێوەڕاسێوە مۊرەو وێش دێنە وەنە.  وەڵیوەلوای هەن ڕۊح و قارەمانێتیێوە خولقیای هەن. گەنجۍ و ژەنی ڕووەشا کەرڎە کۊشیای، پەیوەندییشا کەرڎ بە پارتەکەیۊ، قارەمانیی گەریلایشا بەروست و بە کاریگەریی ئی مدرامانە گەورەیە ئامۍ کەشەکاو. چی بارەوە مانادارتەرین جواب پەی مدرامانوو "ڕۊچۍ مەرڎەی "ی ١٤ تەمووزی گەورەی ، چالاکیی گەریلای بۍ جە ١٥ ئابوو ١٩٨٤، ئی چالاکییە گەرەکش بۍ ڕێبازوو مدرامانوو ١٤ تەمووزی بیاونۊ بە کەشەکاو و گەریلای. ئینە گرنگ و پەڕمانا بۍ. جە ڕووەی تاریخیێچۊ، ئاشکران ئی  گەریلایەتییە چەنی وەش بی. چەنی وێش ئامادە کەرڎ، چەنی ئی هەنگامێشە نیا. هاویشت. هەرپاسە هەنگام بە هەنگام، دەوروو ڕابەر ئاپۊی دیارا پێسە هێزی یەکلاکەرەوە و سەرمەشقی و مامۊستا و ڕابەری چی چالاکییانە و فاڕایش پەی مدرامانێوە گەورەی. مشۊم ئینە بزانیۊ و بیاومێشنە. هەر چی ڕووەوە، فیداکاریی ١٤ تەمووزی و گەریلایەتیی ١٥ ئابی، یاوا کەش و یاوا گرڎوو و شارەکا. پەنەوازا کۊشەرۍ ئا ئامرازا وێزاوە، کە بە فراوانتەر جڤاکی کێشۊ و بەرەو کۊشیای، پەی خولقنای مدرامانیوە سەرمەشقی و هێزوو گەریلای. فیداکاریی گەریلای بی مایۍ سەرەورڎای نەوەدەکان، ڕاوەشکەر بۍ پەی پەرەسانای نەتەوەی دیموکراتیکی، شۊڕشوو ئازادیی ژەنان دەسش پەنە کەرڎ و کارەوانوو نەتەوەی دیموکراتیکی پەرەش سانا. گەلوو کورڎی بۊنەو کۊڵۊنیاڵیزمی و قڕکەرڎەی و فشاری و سەرکوتیوە بەش کریابۍ. جێبێنۍ و گژیێنۍ بێمانایانە. چیوە کەسۍ بەرکەوت کە هەوڵۍ بدۊ پەی یۊبییەی پەی ژیواێوە ئازادی و یەکسانی و دادپەروەری و برایەتی و دیموکراسی، تا گرڎ هێز و پەشتیوانیێوە فەراهەم کەرۊ، تا جڤاکبییەی تاریخیی گەلوو کورڎی سەروو بناغەو ئازادی و دیموکراسی ژووژنۊوە، پینەیچ نەتەوەی دیموکراتیک پەی کورڎەکا بەر کەوت، چێوە، چاند و ئیرادە و پیمەر و بییەی فیداکاری و ژیوای وێش سەروو ئی بناغەیۊ متەرە، ئینە فرە گرنگا.

لە نەوەدەکاندا، ئی کۊشیایە جە چوارچوەو سەرەورڎای کورڎەکانە وەش بی. تاومۍ واچمۍ، گرڎوو دەگا و شارۊچکاو کورڎسانی، نوسێبین تا جزیر، تا لجۍ، چالاکیی چانەشا کەرڎ و نۊعۍ ڕێکوستەی وەش بی، چێشەنە؟ یانی گلێرگەی کورڎی بڕیارە جە سیستمی وسەرکوتی و و کۊڵۊنیاڵیزمی، جە سیستەموو قڕکەرڎەی چاندی، بی بە جڤاکێوە دیموکراتیک دژوو ئینیشا، وەک جڤاکێوە وێش پارێزنا، لوا دلۍ پڕۊسەو نەتەوەی دیموکراتیکیوە، ئی پڕۊسە گرنگە چەنی گەریلای و سەرەورڎای وەڵۍ کەوت.     

ئی ڕەوشە جە ٢٥ ساڵی ویەرڎەنە دەوروو مدرامانوو ئیمراڵینە  پێک ئاما و پەرەش سانا

ئی ڕەوشە جە دەوروو مدرامانوو ئیمراڵینە پێک ئاما و پەرەش سانا، کە گەورەتەرین و گرنگتەرین هەڵوێست و مدرامانی مرۊیی وتارێخین، ماوەو ٢٥ ساڵی ویەرڎەینی. حەفتاکانەو ڕابەر ئاپۊ هەرڎەم دەسش وەڵۍ وستەن، پەی خولقنای هۊشیاری و ڕۊح و باوڕ و قارەمانێتی و فیداکاریی ئی کاروانەیە، بی بە خولقنەروو گرڎچێوۍ. جە ٢٥ ساڵی ویەرڎەنە، سەرمەشقایەتیی وێش دژوو سیستموو ئەشکەنجەی و قڕکەرڎەی ئیمراڵییش، یاونا بەرزترین ئاست تاریخنە، ئانەیچە جە ڕاو مدرامانێوە گەورەی و پەڕمانایۊ. ئی فیداکارییە، بی بە چالاکیی ١٥ ئابوو ١٩٨٤ گەریلای، هەرپاسە بۊنەو مدرامانوو گەریلایۊ سەرمەشقایەتیێوە تازەو پارتەکەی بەەرکەوت. فیداکاریی پەکەکەی سەروو ئی بناغەیە بەرکەوت. یانۍ بە پارادایمی دیموکراتیک و ئیکۊلۊژیک و ئازادیی ژەنۍ، پڕۊسێوە تازەو کۊشیایش خولقنا، کە کریۊ بۊ بە چارەسەروو پەرسەو کورڎی و ژەنۍ و ڕەنجدەر او جڤاکیچ، بۊ بایسووو دیموکراتیزەکەرڎەی تورکیای وەرکەوتوو دلێڕاسەی، ئینسانیەتی ڕزگار کەرۊ جە فاشیزموو دەوڵەت_نەتەوەی.

بێگومان ئینە گرڎ بە قووڵبیەیۊ فیداکارینە وەش بی، فیداکاریی زیلانۍ و سەرەورڎای، جە فیداکاریی ڤیدات ئایدنی تا دەیان و سەدان فیداکارۍ تەرۍ ٢٥ ساڵی ویەرڎە، بنەڕەتنە نوێنەرایەتیی مدرامانوو ئیمراڵی کەرۍ. بێگومان ئی مدرامان و فیداکارییە دلۍ پارتەکەینە قەتیس نەبییەن، بەڵکوم دلۍ گەریلای و ژەنۍ و گەنجی و جڤاکی کورڎینە چوار پارچەو کورڎسانی و جبەریچۊ تەشەنەش کەرڎ. بە کاریگەریی کۊشیای ئازادیی کورڎی، یاوا گرڎ یاگۍ. چێوە، شۊڕشوو ئازادی دەسش پەنە کەرڎ، شۊڕشوو ١٩تەمووزوو وەرنیشتی چانەیە گرنگتەر ئانەن، دژوو هێزێوە فاشیستیپێسە داعشی مرڎاوە، وەختێوە دوژمن هجوومش کەرڎ و فشاری تندش کەرڎ سەرشا، گەرەکش بۍ ملکەچشا کەرۊ و باوڕ  جەدەس بدا، مۊڕاڵشا ماڕۊ و دلێنە بەرۊشا. مدرامانوو ئازادیی گەلوو کورڎی ڕاش کەرڎۊ کرڎەوە وەرڎەموو خولقنای تاریخێوە تازەینە، ئینە گرنگا،مشۊم بیاومێشنە.

ڕابەر ئاپۊ واتش: "ئەگەر  هجوومۍ و فشار  و سەرکوت نەکوشوم، ئینە بۊ بە بناغەو  پەرەساناێوە گەورەی، بۊ بە بناغەو سەرکەوتەی". با سەرنجە بدەیمۍ، ڕژێمی فاشیستوو ١٢ ئەیلوولی زینداننە وەش بی، دماتەر نەوەدەکانە، ڕژێمی فاشیست هجوومێوە سەراپاگیرش کەرڎ سەروو خەڵکی. ئانە  ٢٥ ساڵێن، هجوومێوە هەن پەی دلێنەبەرڎەی و قڕکەرڎەی و تەسفیەکەرڎەی وەراوەروو ڕابەر ئاپۊیۊ ئیمراڵینە. وەراوەرنە، وێستەیۊ ڕۍ و ئامرازوو مدرامانی و قارەمانی و فیداکاری و هەڵوێسی ڕاسی،  ئی هجوومێشا ماڕۍ. پێچەوانەو ئانەیە، ئازادی و دیموکراسی و ژیوای برایەتی پیسە ئەڵتەرناتیڤی پەرەش سانا، ئینە بۊ مایۍ ئی پەرەسانایە تاریخییە.  پی کۊشیایە گەورەیە، ڕێبازوو فیداکاری ئاما دلۍ جڤاکوو کورڎسانیوە. چەنی ئانەیچ، گورزی گەورەش شانا جە زیهنیەت و سیاسەتی فاشیستی و ستەمکاری و کۊڵۊنیاڵیستەکا و ورش شانێوە. ڕابەر ئاپۊ واتش: "شمە بێهودە هجوومۍ کەرڎۍ، ئیتر ئەنجامش مەبۊ، زەرەر بە هجوومکەرا میاونۊ ". چەنی ئانەیچە، گەرەکشا نەبۍ چینەیە بیاوانە، یان نەژنیشا، یان بە پاو بەرژەوەندیی تایبەتی مامەڵەشا چەنی ئی کەلیما کەرڎ. هەرکەس پاسە کەرۊ دۊخەکەش قەیراناویتەر بۊ، دمادماییەکاو وێش منویسۊوە، تورکیای بەرەو کارەسات بەرۊ.  پێسە چەتەکاو نەوەدەکا و جەندرمە و دژەتیرۊر؛ چەتە فاشیستەکاو  ئاکەپەی و مەهەپەیچ، پێسە هجوومەکاو داعشی، تورکیای بەرەو کارەسات بەرا.

مشۊم خاس چی میراتەیە  بیاومێنە و تێبگەین و بیاونمێش سەرکەوتەی

پیمەرۍ و وەرپەرسبییەیەکۍ پەی پارێزنای ئی میراتوو مدرامانوو ڕۊچۍ مەرڎەی گەورەو ١٤ تەمووزی چێشێنێ؟

متاومۍ بە ڕستێوە گوزارشش وەنە کەرمۍ، تەنیا بانگەشەو ئی مدرامانی هەن. مشۊم ئینسان خاس بیاوۊشنە و بەسەرکەوتەی بەدییش بارۊ. مشۊم چۍ خەتەو مدرامانینە، کۊشیای و ژیوای سەروو خەتەو مدرامانی و فیداکاریوە کریۊ... ڕاێی تەرە نییەنە. تاکە چێو ئانەنە پەی هاگەداریی چی مدرامانەیە. تاکە ڕا پەی بەرڎەیڕاوەیش. پێچەوانەو ئینەیە، بەرشییەیین چی ڕۍ. ئی خەباتە مەزنە پەی هۊشیاری و ئیرادە و باوڕ، یانۍ وێپەروەرڎەکەرڎەی و وێخولقنای. ڕابەر ئاپۊ جە بەرگرینامەکەشنە واتش، پەی دلێنەبەرڎەی گرڎوو سیفەتەکاو دەسەڵاتی و سیستموو دەوڵەت_نەتەوە و زیهنیەت و سیاسەتوو پیاسالاری و ستەمکاری و فاشیستی و قڕکەری و هجوومی کۊیلایەتی دلۍ کەسێتی و بونیادوو جڤاکینە، مشۊم مدرامانێوە نەپڕچیا کریۊ. ئینجا پەی وینای ڕاسیی، مشۊم سەروو ئی بناغەیۊ کۊشیای کریۊ تا سەرکەوتەی یەکلاکەرەوە. بێگومان پێسنەنە. ئی مدرامانە پەی خولقنای ژیوای هەرزان نییا، ئینە ئارڎەینەی چند کەسێوە نییا، پەی بەقووەتکەرڎەی ژیواێوە ماددیی سادەی. سەرەڕاو ئانەیچ دۊخوو گەلوو کورڎی و ژەنی و ئینسانیەت ڕۊشنۍ و وەرەچەمێنۍ. کارەساتی گەورۍ ڕووە مدا. ئی مدرامانە ڕاوەشکەر بۍ پەی کۊشیای پەی دلینەبەرڎەی گرڎوو ئی چێوا، خەتەو وێش ئارڎەنە. ئینە چێوۍ سادە و ڕوانەیی و قەتیسکریا نییا تەنیا چا قۊناغەنە، بەڵکوم ڕۊشنکەرەوەو دماڕۊین، بەرش وست ڕای ڕاسە بەرەو کۊشیای و سەرکەوتەی چەنینەنە دژوو گرڎوو ڕەهەندە نەرێنییەکا و هجوومەکا و قۊرتەکا.

ئی مدرامانە گەرڎوونین، فەلسەفە و خەتە ئایدۊلۊژییەکێچش پێسە وێش

بەکوڵی، مەبۊ غەڵەت کەرمۍ، مەبۊ کەس نزیکایەتی پاسە هەرزان کەرۊ، مەبۊ تەسک و سادە ڕەفتار کەرمۍ، ویری تایبەت بە وێما خولقنمۍ و وێما خەڵەتنمۍ. مەبۊ واچمۍ ئا قۊناغە پاسنە بییەن  و ئیسە چانە نییا. زینداننە چانەب بییەن و جبەرۊ چانە نییا. ئینە گرڎ دروێنۍ. ئی مدرامانە گەرڎوونیین، فەلسەفین و پەی گرڎ کەس و شۊنیوە بۊ.  کۊشەراو پارتەکەی تاوا پاسە کەرا، گەریلا، وەڵاتپارێزنۍ، ژەنی، گەنجۍ متاوا. خەتەو فیداکاریی ڕۊچۍ مەرڎەی گەورەو ١٤ تەمووزی، پەی کۊشەراو پارتەکەی، پەی جەنگوو گەریلاین، پەی گەلە جەنگکەرەکان، پەی گرڎ ئازادیوازێوەن. ئینە ڕاو بەدیئارڎەی بییەی ئازادی و ژیوای ئازادی و یەکسانی و دیموکراسی و پارێزنای ئی ژیواینە. ڕای تەرە نییەنە. ڕۍ تەرۍ بوەو فێڵا و ساختەکارییا و بەرژەوەندییا و ماددەیش چۊوە مۍ. مشۊم دوورۍ گنمێوە چەنەشا. ڕۊحوو فیداکاریی ١٤ تەمووزی پەی گرڎلاێوەن، پارتەکە فیداکارا، گەریلا فیداکارا، ژنی و گەنجۍ فیداکارێنۍ، گرڎوو ڕۊڵەکاو گەلی فیداکارێنۍ. هەرپاسە خەتەو ١٤تەمووزی، خەتەو فیداکاریینە کە گرڎیما گێرۊ وۍ، مشۊم پێسە بیاومێشنە. ئی فەلسەفە، فەلسەفێوە سرووشتین و یاواینە و زیهنیەت و دیارگە و ڕاسیین. هەرپاسە خەتەو ئازادی و یەکسانی سەروو بناغەو جیاوازییەکا و دیموکراسی و پەروەرڎەکەرڎەیۊ سەروو بناغەی هاموبەشی، بونیادنیای و خولقنای بەندا سەروو ئینسانی و خولقنایۊ گلێرگەی و پێکئامای بییەی وێش.

١٤ تەمووزی میراتێوە گەورەش جیا ئاست

ئینە میراتێوە گەورەن، کەس وەرگەش مەگێرۊ. تەنانەت ئەرڎۊگان لوا وەرڎەموو بەرەو زیندانوو مدرامانەکەی وەختوو لاوازبییەیشنە و گەرەکش بۍ قوەش چەنە ورگێرۊ. ئیسە سەرکوتکەرتەر بییەن، بییەن ستەمکارێوە تەنانەت ستەمکارا پێسە کەنعان ئەڤرەنی مەیاواش پەنە، ئینە پەرسێوە جیاوازەنە، بەڵام پەی ورگێرتەی قوەی، ناچار پەناش بەرڎە ئێگەی، ئەمە دۊخێوە کاریگەرا، کاریگەرییش سەروو گرڎلایوە بییەن، چی چوارچوەنە، میراتێوە گەورەش جیا ئاستەن..

ئانە ٤١ ساڵێن سەرمەشقوو جڤاکی کورڎین و ژەنا و گەنجاو کورڎین، سەرمەشقایەتیی پارتەکەیما و گەریلای کەرۊ، چیروو سەێشنە، پارتەکەما و جەنگەوانۍ و ڕۊڵەکاو گەلەکەیما، ماوەو ٤١ ساڵان زیاتر جە ٤١ هەزار گەشمەرڎێش بەخشێنۍ، بەرزتەرین قارەمانێتییش تاریخەنە کەرڎەن، قارەمانانەترین کاروانوو ئازادییش بەروستەن. جە ڕاو ڕۊحوو ڕەفاقەتوو ژەنۍ و پیایۊ، بناغەو خەتەو فیداکارییش نیارە دانا، ئینە گرنگتەرین پەرەسانایا، خاسترین میراتوو تاریخین..

ئەگەر بەورڎی بدیەیمۍ، ئیسەیچ کەس مەتاوۊ باس جە مدرامانوو ١٤ ی تەمووزی کەرۊ، ئی چالاکییە کاریگەرییش کەرڎ سەروو نەیارەکا، هەر ئەوەڵۊ کەنعان ئەڤرەن کەوت چێروو کاریگەریوە کە گەورەتەرین دوژمنش بۍ. ئیسەیچ کاریگەرییش سەروو ئەرڎۊگانیوە نیارە، کە سەروو راو ئادیوە ملۊ. چالاکییە گەورەکاو تاریخی چینێنۍ. مامۊسێکۍ پاسە ماچا. بە مانێوە تەرە، ئەگەر ڕاس بۊ واچمۍ، پیمەروو هەرچالاکیێوە کاریگەرییش هەن سەروو نەیارەکاوە، چێگەنە مدرامانوو ١٤ تەمووزی، نەوەک هەر کاریگەرییش کەرڎەن سەروو دوژمنی، بەڵکوم پاسەش کەرڎەن وەرڎەموو قاچەکاشنە چۊکۍ بدۊرە، ئینە قەبارەو چالاکییەکەین، ئینە هێزوو کاریگەریین.

بێگومان ئینە میراتێوە گەورەن، کەس مەتاوۊ سڕۊشۊ، دەرڎەو گرڎ لێوە وەرۊ، ئەی تەرسەکۍ چێشەنە؟ شێونای ڕاسی، تێکدای ئی خەتۍ، شێونای هۊشیاریی ئازادیوازی و خەتەو فیداکارین، فیداکارییەکاو خەتەو ڕۊحوو فیداکاریی ئی زیهنیەتەیشا بەر وست پەی بۊ نیشانەدای ڕاو غەڵەتی جە ڕوانگەو فەلسەفەی و هەڵوێستوو ئایدۊلۊژی و ڕێکوستەی و چالاکی. بە ڕواڵەت هاگاشا چەنەشا، وەلۍ بە پراکتیک شێونای هەن، ئەم کەسێتیۍ تەرسئاوەرێنۍ، بە هەر ڕەنگ و نامۍ هەڵوێستێوە بۊ، پەنەوازا دژوو ئی بانگەشە ساختا مرڎمێوە. ئینجا ١٤ تەمووزی ڕا مەدۊ پینەیە. هۊشیاریی تایبەت، خەتەی تایبەتە، تەرزەی تایبەتەو وێش خولقنا و سەرکەوت. شێونای ئی خەتۍ ئاسان نییا، مەبۊ ڕا پینەیە دریۊ. ئەگەر ئینە ڕووە بدۊوە، تەرسەکۍ گەورۍ بۊ، مشۊم چینەیە دوورۍ گنمێوە.

من پاسە ماچوو، تا خاستەر هاگاما چەنەش بۊ مشۊم خاستەر یاومێشنە و سەرکەوتانەتەر پراکتیزەش کەرمۍ. ژیوای و بەرڎەیوەرۊش پێویس و ناچاریین، بێگومان سەرکەوتەی مارۊ. ٤١ ساڵێن چینەن جە ساڵەو ٤٢مینیچۊ پێسنەنە. هەرگیز کاریگەریی ئی چالاکی و مدرامانەیە تاریخمانە کەم مەکەرۊ. دایمە تازەبییەیۊ و زیندەییش پارێزنمۍ و گرڎوەخت و یادێوەنە کەرمێش. کە سەرمەشقایەتی ئینسانی کەرۊ پەی ئازادی. سەروو ئی بناغەیۊ، دووەبارە  بە ڕێز و سوپاس و شکۊوە یادوو گەشمەرڎە قارەمانا و گەورا و پەیوەڵیبەراو ئی مدرامانی کەرمێوە. جە ٤٢مین ساڵیادوو ئی مدرامانینە، خاستەر جە خەتەو مدرامانوو ١٤ تەمووزی یاومێنە و و سەرکەوتانەتەر کەرمێش.

هـ . ش / س . ز