ئەنداموو کۊمیتەی ڕاوەبەریی پەکەکەی دوڕان کاڵکان واتش، کە تەیب ئەردۊغان هانیی حەماسیش دێنە هجووم کەرا سەروو ئیسرائیلی و واتش، "پیسە چەنی ١٥وو ئەیلوولوو ٢٠١٤ داعشش بەرەو کۊبانۍ ئاڕاستە کەردەبۍ، ئیجاریچە حەماسش بەرەو ئیسرائیلی ئاڕاستە کەردەن".
کاڵکان باسوو ئانەیش کەرد، کە کە ئا جەنگە دەسش پەنە کەردەن. پێوەسا بە پلانەو ڕا و هێزە هەژموونوازە میاننەتەوەییەکاوە پەی سەروستەی پلانەکۍ ئینۍ شۊنەو فرسەتێوە و واتش، "ئەگەر سەر گنۊ ڕا کریۊوە و وەربەس و لەمپەرەکاو وەردەمیش ماڵیا. ئەگەر پلانە و ڕا بە کۊشیای نەمردنیۊ، وەرگێری سەر نەرگێرۊ، ئاو وەختە پلانەو ڕۍ سەر گنۊ. ئیسرائیل، لوبنان، سوریا و عێراق بە پاو ئا پلانۍ دیزاینۍ کریاوە. ئاسایشوو ڕۍ دەسەبەر بۊ. چا چوارچوەنە یان جە یۊی بڕیا یا خزمەت پا ڕۍ کەرا. دماو ئانەیچە نۊرە میاوۊ قوبرس و تورکیایچ".
دوڕان کاڵکان واتیچش، کە جەنگوو غەززەی، بەشێوەن جە جەنگوو جیهانیی یەرەمی، کە زیاتەر جە ٣٠ ساڵان وەرکەوتوو دلێڕاسەینە بەردەواما و واتش، پڕۊژێوە کە کێشەو ئیسرائیل- فەلەستینی چارەسەر بکەرۊ سیستموو کۊنفیدڕاڵیزمی دیموکراتیکین.
ئەنداموو کۊمیتەو ڕاوەبەری ناوەندیی پەکەکەی دوڕان کاڵکان بەشدارییش بەرنامێوە تایبەتی کەناڵوو مەدیا خەبەرینە کەرد و پەرسە گەرمەکاو کورڎسان، تورکیای و وەرکەوتوو دلێڕاسەیش ورسەنگنۍ.
ورسەنگنایەکاو دوڕان کاڵکانی پێسنێنێ:
وەڵێنە پەوپەڕوو ڕێزیوە سڵام جە مدرامانی تارێخیی ئیمراڵی و ڕابەر ئاپۊی کەروو. ئێمە بەردەوام گفتوگۊ کەرمۍ بارەو گۊشەگیریوە ئیمراڵینە و مشۊم بەردەوام قسێش بارەوە کەرمۍ. ماچمۍ سزاو دیسپلینی؛ ئاشکران، کە چێوێوە چانە نییا و مەبۊ. گرد وەخت ئانەما ورسەنگناند. وەلۍ مشۊم گرد کەس بیاوۊنە.
سەروو ئا بنەمۍ دووۍ چێوۍ کەرا، یوەم؛ ڕاگێری جە دیداری کەرا، دیداروو بنەیانەی و پارێزنەرا. دووەم؛ ئیتر ساڵەو ٢٥ەمینە. یانۍ مشۊم ڕابەر ئاپۊ دادگایی کریۊوە، جە ڕووەو یاساییوە مشۊم بە جەستەیی ئازاد کریۊ. ئەگەر ئینسان هۊشیار بۊ، سزاو دیسپلینی تەنیا بە ڕابە ئاپۊی مەدریۊ، مدریۊ بە فرەو زیندانییا. چێوی گوڵانۍ کەرا بە بەهانۍ. مسەپناش و ٣٠ ساڵۍ مەنۊوە. ٣١-٢١ ساڵۍ بەردەواما. وەروو ئانەیە ماچا بەتاڵکەردەیوە و سۊچنای بەیاگەیاونای سزۍ، پێسە بەکار مارا. حیچ لایەنێوە یاسایی نییا. حیچ پەیوەندیێوەش بە ڕاسییوە نییا. لێوە تەرۊ ئینسان ئانەیە بەڕسمی مەشناسۊ، ئایا ئیمراڵیینە چە یاساێوە هەنە؟
ڕابەر ئاپۊ پێسە ئیرادەو کوردی، پێسە کوردی وەروو ئانەیە داکۊکی جە مافوو کوردی کەرۊ، ٢٥ ساڵێن ئیمراڵینە ئینا زینداننە. ئیساتۍ ئا یاسایۍ جە ڕاشاوە سزێکۍ بەرۍ کریا کامێنێ؟ دەستووری هەمیشەیی کودەتای سەروازی فاشیستیی ١٢و ئەیلوولوو ١٩٨٠ین. ئا یاسایێنۍ ددان بە کوردیرە مەنیا، ددان بە بییەی و شناسنامەو کوردارە مەنیا. مشۊم ڕای گردینیچ خاستەر چانەی بیاوۊنە. مۊم ئینسان چا چوارچوەنە خاستەر کۊشیای کاریگەرانە بەرۊ ڕاوە.
ئێمە متاومۍ بواچمۍ، کە جمیەرێوە دیموکراسیی گەردوونی دەسش پەنە کەردەن
بابەتێوە تەری گرنگ کەمپینوو 'ئازادی پەی ڕابەر ئاپۊی، چارەسەر پەی پەرسەو کورد'ین، کە جە ١٠و تشرینوو یوەمینە دەسش پەنە کەرد. یەک-دوۍ ڕوۍ تەر پا منیۊ حەفتەی یەرەمۊ، بەڕاسییچ سەروو بنەماو ئازادی جەستەیی ڕابەر ئاپۊی ئاستی گەردوونینە کەمپینێوە ئازادی کریۊ. بەڕێوەدەچێت. ئینە وێش پەی وێش گرنگ و مانادارا. دۊسێما دەسشا پانەیە کەرد. بەوەکرد. ژەنی و گەنجاو کوردی هاگاشا چەنەش بی. کەمپینێوە گەورە و دەوڵەمەند بۊ. چالاکییەکە بە کۊنفڕانسی ڕۊنامەوانی و بڕۍ ڕاپیمایۍ دەسش پەنە کەرد.ئیساتۍ چالاکیی خێما هەن، کۊبیەیوە هەن، کۊنفرانسە ڕۊنامەوانییەکۍ وەرفراوانتەرۍ با، بەشداربیۍ سەروو ئاستوو کەسیوە هەنۍ، ئەندێشەکانی ڕابەر ئاپۊی گفتوگۊشا بارەوە کریۊ.
ئەم کەمپینە چالاکییە ڕاسیینە کەمپینوو ئازادیین، کەمپینوو ئازادبییەین. پەی گرد کەسێوە کۊشیای ئازادیین. وەروو ئانەیە پارێزنای ڕابەر ئاپۊی، پێوەندییش بە گردیماوە هەن. چون گرد لێوە ئازادیی وێشاجە کۊشیاینە پەی ئازادیی جەستەیی ڕابەر ئاپۊی وینا. تەڤگەرێوە ئازادیی قووڵ، کۊشیایێوە ئازادیی قووڵ سەرەش وردا. متاومۍ بواچمۍ، کە تەڤگەرێوە قووڵی دیموکراسی دەسش پەنە کەردەن. ڕابەر ئاپۊ واتەبێش، کۊنفیدرالیزمی دیموکراتیکوو جیهانی، ئی جارە بناغەکەش منریۊرە. سەروو بنەماو سۊسیالیزمی دیموکراتیکی، ئازادی، ئیکۊلۊژی و ژەنۍ شۊڕشێوە جیهانی ڕووە مدۊ. یانۍ ئینسانەکۍ با بە ساعیبوو فکرێوە تازەی و تایبەتمەندیی تازەو ژیوای. ئینە گردوو دنیێنە وەڵا بۊوە، دلۍ گەردوو گلێرگەکانە. پێسە فاڕیاێوە ڕیشەیی ڕووە مدۊ. تەڤگەروو کۊشیای شۊڕشگێڵنی، تەڤگەروو کۊشیای ئازادی، تەڤگەروو ئازادی و دیموکراتیکی جە ئاستێوە قووڵنە گەشە کەرا و دەوروو ڕابەر ئاپۊینە وێشا وزا وەڵۍ. چی؟ وەروو ئانەیە ڕابەر ئاپۊ پارادایموو ئازادیی گلێرگەیش تازە کەردۊ و وستش وەڵۍ. کە ئی پارادایمە ڕاو ڕزگاری نیشانە مدۊ بە گردوو گەلە ستەموەنەکریایا.
ژەنۍ فرەتەر باروو کٶشیای ورگێرا
لاێوە سیستموو ئیمرالی هەن. سیستموو گۊشەگیری، ئەشکەنجە و کوشتەین، وەراوەرو ئینەینە ڕابەر ئاپۊ کۊشێاێوە تارێخی کەرۊ. کە کاریگەرییش سەروو گرد کەسێوە هەن. سیستموو ئیمرالی بە پیلانگێڵنیێوە میاننەتەوەیی سەرەش وردا. پیلانگێڵنیی میانەتەوەیی دمایین پلانەو ئەقلیەتی، سیاسەتوو کوشتەی کوردی و هجوومێوە ڕێکوستەیش بۍ. سیستموو مۊدێرنیتەی سەرمایەداری و سیستموو هەژموونی جیهانییچ، سەروو بنەماو کوشتەی کوردی و سیاسەتوو کوشتەی ئەرەمەرزیان. پەوکای ئیمرالی ناوەندوو کۊشیاین دژوو عەقڵیەتی و سیاسەتوو کوشتەی. ڕابەر ئاپۊ ڕابەروو کۊشیاێوە چینەینە.
لاێوە تەرۊ گلێرگەو کوردی سەرمەشقایەتیی ئی هەرمانۍ کەرۊ، ژەنی سەرمەشقایەتییش کەرا. ئینەیچە چێوێوە گرنگا. هەر وێشا ژەنی لاو عەقڵیەت و سیاسەتوو ئی سیستمەیوە دلێنە بریێنۍ. بارودۊخوو ژەنا و گەلوو کوردی چی بوارەنە یۊی مشۊ و پێسەن یۊی. وەروو ئانەیە باروو شۊرشی و کۊشیای ئینا سەروو شانەو گەلوو کوردی و ژناوە، پەوکای سیستم ستەمشا وەنە کەرۊ، کوشۊشا و هەوڵۍ دلێشانە بەرۊ. پەوکای زیاتەر جە گرد ڕەگەزۍ و نەتەوێوە گەلوو کوردی و ژەنی زەرەرمەندێنۍ چی سیستەمەیە. وەڵی گرد چێوێوەنە مشۊم جە سیاسەتوو ئی سیستەمەیە بیاودێنە، وێتا ڕێک وزدۍ و کۊشیاێۍ گەورە وزدۍ ڕا. باروو کۊشیای ورگێردۍ و سەرمەشقایەتیی کۊشیای کەردۍ. ئەگەر قورس و سەختیچ بۊ، بە مانا و کەرامەتدارا. مشۊم ئینسان وێش بە ساعیبوو ئینەیە بزانۊ.
مشۊم فرسەتەکۍ بەدروسی ورسەنگییا
پرۊسێوە ٢٠ ڕوەن، گرد ڕوێوە چالاکی هەن. سەرەتاێوە تازە بۍ. سەروو ئاستوو جیهانی کەمپینێوە چالاکی پێسنە درووس بی، ڕۊ بە ڕۊ زیاتەر وەڵا بۊوە. گەورە بۊ و ئەنجامش بۊ مشۊم ئینسان پێسە ورش سەنگنۊ و بوینۊش. مشۊم گرد کەسێوە چی هەرمانێنە هەست بە وەرپەرسیی کەرۊ، مشۊم فرسەتەکۍ بە دروسی ورسەنگیا، شیوازوو چالاکی وزیۊ وەڵۍ و گردوو ئینیشا درووسی با. حەر وێش گەلوو کوردی ژەنا و گەنجا و کوردیکد وێشا بە ساعیبوو ئی کەمپینۍ بزانا. کورڎاو چوارپارچەو کوردسانی و بەروو وەڵاتی ئینۍ دلۍ چالاکینە و ڕۊبەڕۊ گردوو دنیێرە فرە بۊ و وەڵا بۊوە.
ئێمە واچێنمێئازادی جەستەیی ڕابەر ئاپۊی چارەسەروو کێشەو کوردین ویاواین بە ژیواێوە ئازادی و دیموکراتیکی. ئیساتۍ ئی کەمپینە سەلەمنەروو قسەکێمانە. ئازادیی جەستەیی ڕابەر ئاپۊی، یانۍ ڕزگاریی گردوو ئینسانە چەوسیاوەکا، ڕاوەشکەرڎەی ڕزگاریی ژەنا، گەنجا، گەلە چەوسیاوا و کرێکاران. ئینەیچە بەگردین چا کەمپینەنە بەر کەوت، کە جە ١٠و تشرینوو یوەمینە دەسش پەنە کەرڎەن. هامڕێکێما سڵامشا پەی کیانایمۍ، منیچ بە نامۍ ڕاوەبەراو پارتەکەیماوە سڵام کیانوو پەی گردوو ئانیشا کە کەمپینەکەنە بەشدارۍ بێنی هومێدوو سەرکەوتەیشا پەی موازوو، باوڕم پاسنەنە کە سەرۍ گنا.
گرنگا وەرکەوتوو دلێڕسەیرە بەتایبەتی تورکیارە وەڵا بۊوە
ھەڵبەت فرە گرنگیتەرا، کە بە وەرکەوتوو دلێڕاسەیرە بەتایبەت تورکیارە وەڵا بۊوە، چی دمایوە ٧٨ ڕۊشنویرۍ ئەرەیاوناێوەشا وەڵا کەرڎۊ. ئێمە فرە گرنگ و مانادار وانمیشۊ، سڵام وەنەو ئا ڕۊشنویرا کەرمۍ کە بانگەوازوو ئاشتییشا ئەرەیاونا. بەڕێزۊ خێرامایش کەرمۍ و هەوڵەکاشا بەبایەخۊ موانمێوە. پیسە جمیەری و گەلیچ هیچ وەربەسیو ە لاو ئێمەوە. وەلی مشۊم ئا ئەندێشۍ بە گلێرگەو تورکیای، ژەنا، گەنجا، کرێکارا و ڕەنجدەرا بشناسیا. ئانەیچە پێویسییش بە هەوڵدایوە فرەی هەن. دۊخوو ڕابەر ئاپۊی پەیوەندییش بە کورڎاوە هەن، ھەرپاسە پەیوەندییش بە گردوو چەوسیاوەکاوە، ژەنا و ئینسانیەتیوە هەن. سیستموو گۊشەگیری و ئەشکەنجەو ئیمراڵی و هەم مدرامانوو ڕابەر ئاپۊی دژوو ئا سیستمەیە، ھەرپاسە ئازادیی جەستەیی ڕابەر ئاپۊی جە گرد لێوە زیاتەر پەیوەندییش بە گلێرگەو تورکیایۊ ھەن. دیموکراتیکبییەی تورکیای بەدڵنیاییەوە پێوەسا پۊشۊ. ڕۊشنویرەکۍ دەسوەڵێوستەێوەشا کەرد، کە گرنگ و ئازایانە بۍ، مشۊم بەرڎەوام بۊ و پەەش پەنە بدریۊ و ئانۍ کە ئینۍ دژوارتەرین دۊخەنە مشۊم زیاتەر ئانەیە کەرا.
مشۊم گەلوو فەلەستینی و یەھودییەکۍ لاو ڕابەر ئاپۊیۊ شۊنەو چارەسەریرە گێڵا
ئیساتێنە ئینۍ جەنگنە. غەززە بییەن بە گۊمەو ونۍ، جەنگ بەینوو ئیسرائیل-حەماسینە ئینا ئارانە. گەلوو فەلەستینی، یەھودییەکۍ چا جەنگەنە کوشیا، ئادێچۍ مشۊم هاگاشا جە ڕابەر ئاپۊی بۊ و بیاواشنە و لاشۊ شۊنەو چارەسەریرە گێڵا، چونکوم ڕابەر ئاپۊ ھۊشمەندی، سیاسەت و پڕۊژەو چارەسەرییش پەی ئا جەنگەیە وستەن ڕووە.
چارەسەروو مۊدێرنیتەی دیموکراتیکی گوزارشت چانەیە کەرۊ. نەتەوەی دیموکراتیک، کۊنفیدراڵیزمی دیموکراتیک گوزارشت چانەیە کەرۊ. پەوکای مشۊم بەینوو ئا جەنگەینە فرە زیاتەر هاگاشا چەنەش بۊ، ڕابەر ئاپۊ پەشتیوانیێوە گەورەش وەنەو گەلوو فەلەستینی کەرڎەن. گردوو سەرکرڎەکاو فەلەستینیش ئشناسۍ و چەمش پەنەشا کەوت کۊشیاینە هامبەششا بۍ، لێوە تەرۊ ڕابەر ئاپۊ ئا هەوڵە گرنگە دیموکراسی یەھودییەکانە هەن متاوۊ پەی دیموکراتیزەکەرڎەی وەرکەوتوو دلێڕاسەی گێڵنۊش بە خاستەرین نۊع وستش ڕووە. ئا دۊخە کارەساتبارە کە تارێخنە ئامان ملشارە، بە ڕاسی و درکپەنەکریایانە بەرش وست و ئشناساش. پارێزنامەکاسش کەرڎەن و فرەو ڕاسییەکاش ڕۊشنۍ کەرڎێنیێوە، یانۍ سۊسیالیست، دیموکرات و ڕەنجدەراو یەھودی و عیبری بەدڵنیاییوە متاوا ئیسفادەش چەنە کەرا. یەھودییەکێجە ڕووەو هزرییوە ئینۍ وەڵیوە، پەوکای ڕابەر ئاپۊ گرنگیش پەنە دینۍ یاونێنێش سەنتێزێوە تازە.
جارێوە تەر سڵام وەنەو گردوو ئانیشا کەروو، کە ئا کۊشیایە کەرا، هومێدم سەرکەوتەیشانە ، داواو وەنەو گردوو چەوسیاوەکا؛ بەتایبەتی ژەنا، کرێکارا، ڕەنجدەرا و گەنجاو گردوو گەلاو دنیۍ کەروو، کە بە کاریگەرتەر بەشداریی ئا هەڵمەتەو ئازادییە کەرا.
سەرمەشقایەتیی یەژاستاری بەروزوو بیرڎۊزوو گەریلایەتیین
دۊخوو ڕابەر ئاپۊ، چارەسەروو پەرسەو کوردی، گرد چێوۍ کوردی سەروو بنەماو جەنگی ملۊ ڕاوە، بارەو جەنگیوە زانیاری لاو قەرارگەی ناوەندییوە وەڵا کریۊوە. چا ڕووەوە هیچ زانیاریێوە جە ڕای گردینی نمەشاریۊوە، وەلۍ دەوڵەتوو تورکی چانەنە شارۊشەوە، ئیساتێنە جەنگ گردوو مەیدانەکانە بەرڎەواما.
مانگەو تشرینوو یوەمی پەیما مانگێوە گرنگەو مدرامانی و کۊشیای بۍ، گەرەکما ئانەیە بواچوو. بەڵۍ ویەرڎە، وەلۍ ٢٥وو تشرینوو یوەمی ٣١ەمین ساڵیادوو گەشمەرڎەبییەی هامڕا بێریتانۍ بۍ. بە ڕێز و پەنەزانایۊ یادش کەرووە و کەسایەتییشنە سەرجەموو گەشمەرڎاو تشرینوو یوەمی یاد کەرووە.
جەنگەکەما بە سەرمەشقایەتیی یەژاستاری بەرڎەواما. ئەگەر سەرنجە دەیدۍ یەژاستار گردوو ئامارەکانە جە چالاکییەکانە سەرمەشقا، پەوکای سڵام جە سەرجەموو فەرماندە و جەنگەواناو یەژاستاری کەروو و مەبارەکبایی سەرکەوتەیەکاشاو وەنە کەروو.
ئەوەڵوو مانگەو تشرینوو یوەمینە جووڵێوە تازە بۍ، مشۊم بواچمۍ. هامڕێما چالاکیی ئەنقەرەیشا پێسە خاڵەو ورچەرخنای ورسەنگنا. منیچ هامڕانا. بەتێروتەسەلی ورسەنگنییا. هەرپاسە هامڕێما ڕۊژهات و ئەرڎاڵ بە ڕێز و پەنەزانایۊ یاد کەرووە. بەڕاسییچ ڕۊح و خەتەو کۊشیای ئی سەرڎەمەیشا ئاشکرا کەرد. ئانەشا ئەرەیاونا، کە سەروو خەتەو زیلانێوە کۊشیایشا کەرڎەن و ئانەشا نیشانە دا؛ هیچ چالاکیێوە نییا، کە گەریلا نەتاوۊ کەرۊش و هیچ دوژمنێوەیچ نییا، کە گەریلا نەتاوۊ ماڕۊش. تا جە ڕووو مامەڵەی خولقنەرانەی، شێواز، ڕیتم و هامسەنگیوە بەدروسی ورسەنگنییۊ.
پەدەکە و دەوڵەتوو تورکی پێسە سوپێوەنێ، جە یەک فەرماندەیی یەککەسییوە ئەمرەشا پەی مێ
حەرپاسە جە یادکەرڎەیۊ ساڵڕۊو گەشمەرڎەبیەی هامڕا بێریتانێنە، جە چوارچوەو یادکەرڎەیوە هامڕا بێریتانێ و ئەرەمەرزنای یەژاستارینە هەڵمەتێوە کریا. وەروو ئانەی مانگەو تشرینوو یوەمینە بەراورڎ چەنی مانگەکاو وەڵێ چالاکییەکاو گەریلایچ زیاتەرێ بێنێ. ئانەیچ بە ئامار وزیان ڕووە، بەڕاسییچ گورزی گەورە جە ڕاڕەوی فاشیستیی ئاکەپە-مەهەپەی درای. وەروو ئانەیە سڵام جە مدرامانوو گەریلای کەروو مەبارەکباییشا وەنە کەروو، جە دەسکەوتە گەورەکاو هەپەگە و یەژاستاری. جە دما نموونەنە جە کەسایەتیی گەشمەرڎە زاپ هاوڕێ جودی چەکداری و گرڎوو گەشمەرڎا، سیاییوە یاد کەرووە، ئانێ کە ئینسانیەتشا خولقنا ئی گەشمەرڎێنێ..
ئینە ڕاسیێوە ئاشکران و منیچ ماچوو سوپاو تورکی پەشتەو پەدەکەیوە چەقێنە شارۊوە، ئینسان نمەتاوۊ خاس بیاوۊنە،ئایا پەدەکە پەشتەو سوپاو تورکیوە وێششارۊوە یان سوپاو تورکی پەشتەو پەدەکەیوە؟ ڕۊشن نیا. جە گەریلای تەرسا و پێویسشا بە یۊترینین و بیێنێوە یۊ و یەک ئەمر ورگێرا جە یەک کەسیو.
مدرامان ئینا لای سەریی قارەمانیەتیوە
دۊخوو هەرێمەکاو پارێزنای مێدیای پێسنە . ماوە وەڵینەکانە جە تەماموو مەنتێقەو زاپینە چالاکیێ کریێ، پەی نموونەی، هەرێموو گەشمەرڎە دەلیلوو وەرنیشتوو زاپینە و وەرکەوتوو زاپیچنە چالاکی کۊکەڕێ بێ؛ گورزێوە قورس وەنەو دوژمنی دریا، کەشوو جودی و تەماموو مەیدانوو مدرامانوو مەتینای بی بە مەیدانوو چالاکی، دوژمن گرڎ نۊعە هجوومێوە کەرۊ، بە فڕۊکە، تۊپ، تانک، چەکی کیمیاوی، بۊمبی ئەتۊمیی تاکتیکی. بە قسێوە تەرە مدرامان ئینا لای سوەریی قارەمانییەتیوە، چالاکی تا خواکورک وەڵا بییەنۊ، جە هەرێمەکاو پارێزنای مێدیاینە مدرامانێوە هەمەلایەنە هەن، هەفتانیننە چالاکی بێ، ئانەما دی.
نەک هەر مەیدانەکانە گەر تەماشەو هەرێمەکاو سەرنیشتی کەرڎێ هامنێوە ئینێ جەنگەنە چی دمایۊ، سەرحەدنە، ئامەد، لجێ و مێرڎیننە چالاکیێ کریێ. گەریلانە وەڵیکەوتەیێ خاس ئاما ئاراوە، بەرەو وێشنە هەڵمەتێ تازێ بەرۊ شرەکایچنە چالاکیی خاسشا هەن.
تا سیستموو پاکتاوی بەرڎەوام بۊ، مدرامانیچ بەرڎەوام بۊ
تا دەسەڵاتداریی ئاکەپە-مەهەپە بەرڎەوام بۊ، تا هجوومە فاشیستی، کۊلۊنیالیستی، قڕکەریەکێشا سەروو کورڎا، ئیمراڵی، ئەشکەنجە، گۊشەگیری و سیستمی جینۊسایدێ بەرڎەوامێ با، بێگومان مدرامان و ئی جەنگیچە بەرڎەوامێ با.
ڕۊشنیرێ بانگەوازێوەشا ئەرەیاونا، ٧٨ ڕۊشنویرێ. فرە گرنگ، مانادارا، ئێمە بە بایەخۊ وینمێش، وەلێ پی بۊنەوە، دەسما بە هجوومی و جەنگی نەکەرڎ، پێسە جەنی باسوو ساڵەکاو٢٠١٣-٢٠١٤ کەرا؛ نامێشا نیان قۊناغوو چارەسەری، ئێمە ئا قۊناغەما تێک نەدا. ڕابەر ئاپۊ بە ڕاسەوڕاس واتش، نمازا دیدار کریۊ چا وەختیوە ناستشا قسێ کەرۊ. لایەنی هجوومبەر دیارا دەوڵەتوو تورکین. ئاکەپە-مەهەپە ڕاوەبەرایەتی فاشیست، کۊلۊنیالیست و قڕکەرا. پەوکای مشۊم گرڎ کەس ئانەیە بزانۊ دژوو ئی گرڎ قڕکارییە ئەرەگیرییە کۊشیۊ، گەرڎ گرڎما بەرەو گەلینە بیمێ و کۊشیەیمێ، بەدڵنیاییوە فاشیزم وڕۊ، کە وێش ئینا قۊناغوو وڕاینە گرڎوو ئی هجوومایچە وەروو ئینەینێ.
تازە کریۆوە...
