بەسەدان کەسێ جە ئەرەنیشتا کانتۆنو فوراتی بە مەراسیمێوە شکۆدار تەرمو گەشمەرڏە ڕێباز ئاشمە (محەمەد حەمۆ) جەنگاوەر و هێزەکا کۆماندۆی کە جە ٩و حوزەیرانو ٢٠٢٥ جە کۆبانێنە گەشمەرڏە بی و ئەبو جاسم ئەل ڕەقاوی (عبدولقادر شێخ عوسمان) جەنگاوەر و هێزەکا قەسەدەی کە جە ١٠و حوزەیرانو ٢٠٢٥ جە شارو ڕەقەینە گەشمەرڏە بی، ئەسپەردە و خاکی کریا.

مەراسیمەکە بە دەقێوە بێدەنگی پەی یاڏ و گەشمەرڏا دەسش پنەکەرد، بەدیا محۆ ئەندامە و ئەنجومەنو ژەنا پارتو یۆبییە و دیموکراتیکی (پەیەدە)، سەرە وەشی وێش ئاراسە و بنەیانە و هەر دووی گەشمەرڏا کەرد و قەولشا دا رێبازو گەشمەرڏا درێژە پنە مرانە و واتش: "گەشمەرڏێ رێباز و ئەبو جاسم ئەلڕەقاوی بەبێ دوودڵی بەردەوام پەی پارێزنا و خاکی و گەلەکەیشا جە وەراوەرو  دوژمنینە جەنگشا کەرد و گەشمەرڏێ بیێ، مشۆم خاوەنداری جە میراتو گەشمەرڏاما بکەرمێ و شۆن کەوتە و ئاڏشا بیمێ."

هەرپاسە ئەندامو ئەنجوومەنو سەربازیی کۆبانێ، مەحمود مەحمود ئەرەیاوناش قەولمرەیمێ هەمیشە شۆنە  و ئامانجو گەشمەرڏا گنمێنە و درێژە بە ڕێبازشا دەیمێ و واتش: "گەشمەرڏێ ڕێباز و ئەبو قاسم ئەلڕەقاوی پەی پارێزنا و گەل و خاکەکەیشا بەردەوام ئەوەکۆشایشا کەرد. گەشمەرڏێما خاوەن دڵێوە پاک و هەمیشە پەی ئازادی گەلەکەیشا بەبێ دوودڵی ئەوەکۆشایشا کەردەن. ئێمەچ پێسەو ئەنجومەنو سەروازی قەولمرەیمێ شۆننلەوتێ گەشمەرڏاما بیمێ و هەتا سەرکەوتەی درێژە بە ئامانجشا دەیمێ."

دما و قسەکا، ناسنامەو هەر دووی گەشمەرڏەکا ونریاوە و ڕادەسو بنەیانەکاشا کریا. جە دماینە بە دروشموو "گەشمەردێ مەمرانە" تەرمو هەر دووی گەشمەرڏا ئەسپەردە و خاکی کریا.