جمیەروو شۆڕشی یۆگێرتەو ژەنێ (کەبەدەهە) ئەرەیاونایوەش وەڵا کەردۆ و واتش:" جە ئەوەڵۆ تورکیانە و سەرنیشتوو کوردستانینە، تەماموو جیهانینە کە ژەنی بە هجوومی  سەختوو سەرمایەداری پیاسالاری سەروو شناسنامەو زایەندوو چێردەسی و ژەناو خێرامای  ٨وو  ئازاری کەرا."

ئەرەیاونایەکەینە ئامان: "دەوڵەتی تورکی فاشیست بە سەروەریی پیای ئەمرەو 'ئەوەڵوو دایوەنە وەنەو ژەنا' گرد وەختێوە ژیواینە کەرۆ، ئی فەرمانێ لاو دەوڵەتە ئەورووپایی ئیمپرالیستییاوە بە نامێ 'کۆشیای دژوو تیرۆر'یوە کریۆ بە یەکینەکاو وێش.  

بە تایبەت  سەرنیشت ، پانیشت و وەرنیشتوو کوردستانینە، بە هجوومکەردەی سەروو ژەنە سەرمەشقاو جمیەروو ژەناو کوردی، شۆڕشگێڵنێ ژنەنی گیریا و کوشیا.

هجووم  سەروو شۆڕشوو ژەنێ ڕۆ بەڕۆ زیاتەر بۆ. چی هجومانە بەسەختی سەرمەشقەکاو ژەنا بە ئامانج گیریا."

لە درێژەو ئەرەیاونایەکەینە ئامان؛ تورکیانە و سەرنیشتوو کوردستانینە، خەباتوو ژەنێ پەی ٨وو ئازاری و ورچنیەیەکا بەردەواما و واتشا: "هەمان وەختنە هجووموو دوژمناو ژەنێ ئاکەپە-مەهەپەی فاشیست وەراوەروو سیاسەتمەدارا و ژەنە شۆڕشگێڵنا، بە چەمداریکەردەی، زیندانیکەردەی ودەستدرێژی و ئەشکەنجەی زیاتەرێ با. داواشانە ڕاگێری وەنەو خەباتوو ژەنا کەرا. ئا ئەنجامێ کە چی هجووماوە دەسما وستێنێ، ئانەما نیشانە مدۆ، کە ئینایمێ سەروو ڕای ڕاسێوە، لاێوە تەرۆ مشۆم خەباتما پەی دلێنەبەردەی ئی هجووما زیاتەر کەرمێ. هومێد و چەمەڕوانیی ژەنە خەباتکەرا، کە گرد ڕوێ تندوتیژی، دەستدرێژییش وەراوەر کریۆ، زیادکەردەی ئی خەباتەینە. کە ئیساتێ یەک ڕۆنە ٨ ژەنێ کوشیا.  

هامپەیمانیی ئاکەپە-مەهەپەی فاشیستی هەوڵێ مدۆ جە ڕاو دەوەڵەتیوە ژەنی کوشۆ، ئینەیچ بە دەسوو پییایا نزیک جە وێشۆ کەرۆ. تندوتیژی، دەستدرێژی و هجووم دژوو ژەنانە دادگاو دەوڵەتوو پیاینە و بە یاسا پارێزگارییشا وەنە کریۆ. ئا ژەنێ وەرگێریی جە وێشا کەرا بە سزای قورسە سزا میاوا. بە سیاسەتوو 'بنەیانەی مەبارەک'یوە هەوڵێ مدا ژەنی و ڕەگەزوو چەوسیایۆ دلێ بنەیانەینە بازاوە.

'دوژمنێ هامبەشینێ، مشۆم کۆشیایما هامبەش بۆ'

کۆشیای یۆگێرتەو ژەنا بە یۆوستەی خەباتی پەی ئا ژەنا، کە بە دەسوو 'پیایا نزیک جە دەسەڵات'یوە کوشیاو خەبات دژوو هجوومەکاو دەوڵەتوو پیای کەش، زینداننە و گردوو مەیانەکانە کەرا. دوژمنما هامبەشا، پێویسا خەباتما هامبەش بۆ.

جارێوە تەر هامرا ژەنە کوشیایەکاما یادێ کەرمێوە و ماچمێ: "با ٨وو ئازاری بکەرمێ بە پلێوە قەوەتە پەی بەرزکەردەیۆ کۆشیای یۆگێرتەو ژەنا، کەرمێش بە هەڵوێستوو وەنەپەرسایۆ وەراوەروو دەوڵەتوو پیای، کە ژیوای ئێمەش وێران کەردەن ".