کۆنسەی گردینو جمیەرو شۆڕشی یۆگێرتەو ژەنا (کەبەدەهە) بە بۆنەو ١و ئایاری ڕۆو جیهانیی کرێکارا و زەحمەتکێشاو جیهانیوە ئەرەیاوناێوەش وەڵا کەردۆ و گەشمەرداو ١و ئایاریش بەڕێزەوە یادێ کەردیوە و وەعدش دا بە درێژەدای بە کۆشیای ئازادیی ژەنێ پەی  بەرزئرمانای یادیشا.

کەبەدەهە مواچۆ قەیرانەکاو سەرمایەداریی پیاسالاری، ڕەنجوەریی گەلی و ژەناش قووڵتەرێ کەردێنێوە، وەراوەرنە تووڕەیی گەلی خەریکە پێسەو گڕکانی متەقۆوە و تا مێ داواو جیهانێوی تازەی قەوەتتەر مبۆنێ، مواچۆ: "ئارۆیچ پێسەو هەمیشەی، کۆشیایما دژو سەرمایەی و پیاسالاری بەردەواما، دژو سیاسەتو هجوومی سیستەماتیکیی دەسەڵاتی فاشیستی و دوژمنو ژەنێ و زەحمەتکێشا، سەرەوردای مکەرمێ".

کەبەدەهە مواچۆ ١و ئایارینە مشۆم گردو مەیدانەکا بەتایبەت تەقسیم بفاڕیا پەی سەنگەرو مدرامانی، دژو زەوتکەردەی ڕەنج و جەسە و کوشتەی ژەنا و جیاکاریی ڕەگەزی و هەژاری و جەنگی ئیمپریالیستی و داگیرکاری، کۆشیایفرەتەر مەزنتر بکریۆ. 

کەبەدەهە گردو گەشمەرداو ١و ئایاری بەتایبەت جەنگەوانێ ژەنێ کۆشەرێش یادێ کەردێوە و ماچۆ: "وەعدما ئەوەخوای مکەرمێوە،پەی  بەرزئرمانای یادو ئایشا درێژە بە جەنگو ئازادیی ژەنا مدەیمێ".