ڕابەروو گەلوو کوردی عەبدوڵا ئۆجالان ئینا چێروو گۆشەگیری سەختوو ئیمراڵینە، بە گرڎ جۊرۍ بە بەهانۍ دیسپلینی ڕاگیری مکریۆ جە چەمپنەکۊتەی. پەی ماوەو ٣٨ مانگان بە هیچ نەوعۍ زانیاری بە دەس نامان. پەرەلەمانتارەو ئامەڎوو دەم پارتی خالیدە تورکئۆغلوە باسش جە گۆشەگیری سەروو ڕابەروو گەلوو کوردی کەرد و هۊرسەنگنایش پەی سیاسەتوو ڕژێموو ئاکەپە-مەهەپەی کەرد.

خالیدە جە سەرەتانە باسش چانەی کەرد گۆشەگیریی جە گرڎ پنتەکا ژیۋاینە وەڵابیەنۆ و واتش: "دەسەڵاتداری ئاکەپە-مەهەپەی نیشانۍ ئی سیستەمەینۍ چی وڵاتەنە، سیاسەتی پیسشا کە بە ئاماژەکاو نەتەوە-دەوڵەتی بەراڕاوە، بە گۆشەگیری ڕەهاو ئیمراڵی گێرتەخانەو ئیمراڵیش ڕۊشنتەر کەردەنۆ. ئی ڕژێمە فاشیستە بەپاو سیاسەتەکا نەژاڎپەرسی و نەتەوەپەرسی ساڵانێوەن کۊشیای ئازاڎیی گەلوو کوردی تاوانبار مکەرا و حۊڵ مڎا ڕەوایەتی بڎا بە هجوومەکاشا. چا ڕووانگۆ قڕکەردەی ئشناسنامە، چاند و زۋان و گەلوو کوردییشا کەردەن بە بنەماو سیاسەتوو ۋێشا. ئی سیاسەتە ئیمپریالییە کە ماوەو ٢٢ ساڵان ملۊڕاوە وڵاتش وستەن دلۍ شەپۆلەکاو قەیرانیوە و ڕۆ دماو ڕۆی دەسەڵاتداری بەرەو لاوازبیەی بەرۆ. ئینەیچ پاسشە بە ڕژێموو دەسەڵاتداری کەردەن جارێوەتەر گەلوو کوردی، ژەنی، گەنج، کرێکارۍ و گەلا چێردەسەی بکەرۊنە بە ئامانج. گۆشەگیری سەختوو دوورگەو ئیمراڵی سەر بەڕیز ئۆجلانیش مەتاویۆ چی ئامانجەو دەسەڵاتداری جیابکریۆوە."

ئایدیاکۍ عەبدوڵا ئۆجالانی جە تەرەفوو گرڎ بەشێوە گلېرگەیۆ پەسەنڎۍکریێنۍ

خالیدە تورکئۆغلوە ئاماژەش پانەی دا ئەقڵیەتوو دەوڵەتوو تورکی گەرەکشا ۋەربەس پەی وەڵابیەیۆ ڕوانگەکاو ڕابەروو گەلوو کوردی عەبدوڵا ئۆجالانی جە جەهانەنە بکەرۆ، پەی ئینەیچ گۆشەگیریش قوڵتەر کەردەنۆ و واتش: "ۋەروو ئانەی فکروو ژیۋای ئازاڎی و یەکسانی گەلا جە دەوروو پارادایمی ئازاڎیوازی ژەنۍ، دیموکراتیکی و ئیکۆلۆژی بەڕێز ئۆجالانی چی خاکەنە جابەجێ بۆ، گۆشەگیریشا سەختتەر کەردەن. چارەسەری دژوو ئا هێزا پەی پرسەکاو کوردی، ناچارەسەری مسەپنا، خوڵقنای ڕاو یەرەمێن و ئی فکرەیچە دلۍ گەلینە قبووڵکریان. وەڵا بیەیۆ ئی فکرەیە بە مەعناو هۊرشێونایۆ سیاسەتی نەژاڎپەرسی، نەتەوەپەرسی، نەژاڎپەرسییەکا دەساڵاتداری فاشیستی مۍ. پێویسا فرە بە ڕۊشنی بووچیۆ ئا چێوەی گەرەکشانە جە ئیمراڵینە گۆشەگیر بکریۆ چێشا."

ئەقڵیەتوو دەوڵەتی دلێنە مشۆ

خالیدە تورکئۆغلوە ئاماژەش پانەی دا گۆشەگیری سەروو گەلوو کوردی ڕۆ بە ڕۆ قورستەر مکریۆ و واتش: "پەی ڕەوایەتیدای بە سیاسەتوو ۋێشا، ناچارەسەری پرسوو کوردی مسەپنا، گۆشەگیری قورستەر مکەرا. چونکی لابەردەی گۆشەگیری بەماناو ئانەی مۍ فکری دیموکراسی، یاسایی، یەکسانی و ئازاڎیی بەشێوێوە عالتەر بیاوۆ بە گەلا. بەماناو دژ مردای تاوانێن دژوو مرۆڤایەتی، ئاشکرابیەی ڕاسیەکان سەروو ئی خاکیۆ. ئەقڵیەتوو دەوڵەتی کە بە ڕای نایاسایێوە درێژە بە ۋێش مڎۆ. بە جەختکەردەیۆ جە گۆشەگیری مەحکوموو شییەینەی مۍ. پېسە دیما جە هۊرچنیەکا ٣١و ئادارینە چنی تێکشی."

سیاسەتوو ڕاو یەرەمی

خالیدە تورکئۆغلوە ئاماژەش کەرد بە مدرامانوو زینڎانیا سیاسی جە زینڎانەکانە کە ماوێوە فرەن بەردەواما و واتش: "چی چوارچێوەنە تاکو داخوازییەکۍ زینڎانیا گلێرگەیۍ نەباوە، فشارێوە گلېرگەیی نەکریۆ، ئینسان مەتاوۆ هیواو ئانەیش بۆ ڕژێموو فاشیستی هەنگامېوە بەرەو دما بنیۆ. موینمۍ ڕژێم جیای جابەجێکەردەی داخوازی زینڎانیا، بە پێچەوانۆ گۆشەگیری سەختتەر مکەرۆ. پەی تەعویزکەردەیۆ شکسەکاش جە هۊرچنیەینە کۆنسێپتی تازەو جەنگیش کەردەن بە میراتی. ئۆپراسیۆنی سەروازی سەروو ۋەرنیشتی و پانیشتی مکەرۆ، بێگومان مەبۆ ئینە بە جیاواز بوینریۆ. پۊکاتی پێویسا دژوو ئی نایاساییا ڕۆشنۋیرا، نویسەرا، ئەکادیمی، ژەنا، گەنج، کرێکارۍ و گرڎوو چێر دەسا دژوو گۆشەگیری تۆڕێوە بە قووەتەو کۊشیای بنیاڎ بنیا. بە گلېرۆبیەیشا جە سیاسەتوو ڕاو یەرەمېنە، بە ئەرەمەرزنای یۆبیەیۍ بەقوەتی دژ بە جەنگی، متاویۆ گۆشەگیری مەڕیۆنە."