كه‌جه‌كه ئەرەیاۋناش، "ڕژێمو فاشیستی ئاكه‌په- مه‌هه‌پەی جەڕاو هامپەیمانە میان نه‌ته‌وه‌ییه چه‌په‌ڵه‌كاشۊ، لۆزانێۋە تازە سەرو كورڎیرە مسەپنۊ"، بانگه‌وازییچش کەرڎ، پەی دیموكراسی، ئازاڎیی و داڎپه‌روه‌ری پاڵپەشتی گه‌لوو كورڎی کریۊ.
جە ئەرەیاۋناکەو كۆمیته‌و په‌یوه‌ندییه‌كا جبەرو كه‌جه‌كه‌ینە ئامان، "گه‌لوو كورڎی گه‌لێۋە پا جۊرەنە، كه جە ئاکامو په‌یماننامه میان نه‌ته‌وه‌یه‌كاوە فرەو جاری کۊکوشکریان و جە چوارچێوه‌و قەواره‌ی كولۆنیالیستینە ئەسڕیەیۊ و دلېنەبەرڎەیش سەرەڕە سەپیان. سه‌ره‌ڕاو ئینیشایچ گرڎی ئەرەکۊشای و قوربانیېۋە گۊرەش دان، بی بە یۊ چا هێزه ئازاڎیی، ئاشتی و دیموكراسیه ئەساسیا سه‌رده‌می جە سه‌ڎەو ٢١ی نە، كه سەرو ئاستی میان نه‌ته‌وه‌یی ۋېش سەلەمنا. گه‌لوو كورڎی جە پارېزناو گه‌لا ۋەرکۊتوو میامینی، جە پارېزناو به‌ها ئەساسیەکا مرۆڤایه‌تیی، جە ئەرەکۊشای شكۆمه‌نڎانەیش دژ بە هجومەکا داعشی و قاعیدەی كه هه‌ڕه‌شۍ جە ئینسانیەتی کەرا، جە بەرەکا ۋەڵېۋە مدرامانی گۊرەش کەرڎ و دلۍ مرۆڤایه‌تینە بی بە مایۍ شانازی".
جە ئەرەیاۋناکەو كۆمیته‌و په‌یوه‌نڎییه‌كا كه‌جه‌كه‌ینە ئاماژه پی تایبه‌تمه‌نڎیا کریان:
"گه‌لۍ جەهانی و ئا ده‌وڵه‌تۍ پېسە قه‌ڵاو دیموكراسی كۆمه‌ڵایه‌تی سه‌رده‌می نامۍ بریا، گرنگی و به‌هاو کۊشیای گه‌لوو كورڎی و ڕۆڵه‌كاشا نیشانە دا. حەرپاسە جە فرەو مېڎانەکانە جە کۊشیای دژ بە داعشینە، فرېۋە جە ۋڵاتا ئه‌نڎامو ناتۆی هامکاری کورڎیشا کەرڎ. هەڵای ئی هامپەیمانیە پۍ کۊشیای هامبەشی جە فرەو یاگانە دژ بە ڕێكوزیاکا تیرۆریستی داعشی و قاعیده‌ی ۋه‌رده‌واما.
گلنای ناتۆی جە پلانەو کۊکوشکەرڎەی و دلېنەبەرڎەو كورڎینە
جە ١٠٠ه‌مین ساڵیاڎو په‌یماننامه‌و لۆزانینە، كه كورڎش سەرو چوار پارچارە بەشکەرد و ڕاش به جینۆسایدیشا دا، جە سه‌رده‌مێۋەنە كه گه‌لوو كورڎی بە کۊشیای ۋېش پەی دیموكراسی، ئاشتی و ئازاڎیی، یاگۍ ۋېش دلۍ ڕیزه‌كا گه‌لا جەهانینە کەرڎۊ، ڕژێمو فاشیستی ئاكه‌په- مه‌هه‌په‌ی جە ڕاو هامپەیمانیە میان نه‌ته‌وه‌ییه چه‌په‌ڵه‌كاشۊ، لۆزانێۋە تازە سەرو كورڎیرە مسەپنۊ. ۋەڵۍ دماین کۊبیەیۊ ناتۆی كه جە لیتوانیا لۋا ڕاۋە، به ساتوسه‌ودا و بازرگانی چه‌په‌ڵ سەرو جینۆسایدو گه‌لوو كورڎی، ڕاشا پنە مڎریۊ ده‌ستكۊتەکۍ گه‌لوو كورڎی، كه جە حەر چوار پارچه‌و كورڎسانی به قوربانیېۋە قورس و گۊرە بەدەس ئامېنۍ، به بەرنامېۋە تازە دلېنەبریا. ئا مامه‌ڵه و هه‌ڵۋێسه‌ی چا نیشانەدریا، جە سەرو په‌سه‌نڎكەردەو ئه‌نڎامیەتی سویدی جە ناتۆنە، ڕژیمو دیكتاتۆری و فاشیستی ئاكه‌په- مه‌هه‌په‌ی جە بنه‌ڕه‌تۊ سوید و جە كه‌سایه‌تی سویدینە، یۊبیەی ئه‌وروپای و تەمامو ناتۆی جە پلانه‌كا کۊکوشکەرڎەی كورڎینە به‌شداری پنەکەرۊ. ئانەی چا بازرگانییه‌نە گفتوگۆش جەبارۊ کریا، په‌سه‌نڎکەرڎەی و پاكتاوکەرڎەی و دلېنەبەرڎەو دەسکۊتەکا گه‌لوو كورڎین جە حه‌ر چوار پارچه‌و كوردستانینە، كه تائیسە بۍ ئه‌نجام مەنەنۊ. جە بنه‌ڕه‌تەنە ناتۆ چا بازرگانییه‌نە حیچ سازشێۋەش نەکەرڎەن. ئەنەیاۋاو بەینو ناتۆی و سویدی و ده‌وڵه‌تو توركی، كه حۊڵ مڎریۊ پېسە سه‌ركۊتەیۍ گۊرەی دیپلۆماسی نیشانەو ڕایگرڎی توركیای و جەهانی بڎریۊ، ڕا ۋەردەمو به تیرۆریس ئشناسا و قه‌ڎه‌غه‌كەرڎەی کۊشیای ئازاڎیی، ئاشتی و دیموكراسی گه‌لوو كورڎی جە حه‌رچوار پارچه‌و كورڎسانی، ئه‌وروپای و گرڎو قارەکا تەرینە کەرۊۋە. به‌ها مرۆڤایه‌تیەکۍ، دیموكراسی و مافو مرۆڤی، كه جە ۋەران ۋەرو ڕژێمێۋە دیكتاتۆر، فاشیست، دماکۊتە و لاوازینە به‌ده‌سئامۍ بېنۍ، نەتاۋاشا مرۆڤایه‌تی پارېزنا. هێزه میان نه‌ته‌وه‌یه‌كۍ جارێۋەتەر جە ۋەران ۋەر بە هجومە کۊکوشیەکا رژێمو توركی فاشیستی و جە ۋەران ۋەر بە كورڎی چەمېشا قوجنۍ و بېدەنگۍ بیۍ. حەر پۊکەی په‌یمانېۋە پا جۊریە پۍ ناتۆی، یۊبیەی ئه‌وروپای و به‌تایبه‌تی سویدی دۊڕیاین و زەرەرا، په‌یامێۋەن كه مشۊم شه‌رمش ۋنەکەرا.
ئا مامەڵەی، كه جە ۋەران ۋەرو دیكتاتۆری، فاشیستی-دماکۊتەینە، هه‌ڵۋېس نەگیریانە ۋەر و پاڵپەشتیچش ۋنەکریا، جە ۋەرکەوتو میامینی و به‌تایبه‌ت جە ئه‌وروپا ده‌ره‌نجامۍ نه‌رێنیش بۊ. كرده‌وه تیرۆریستییه‌كۍ ڕژیمو فاشیستی ئه‌ردۆغانی کە جە دژوو گرڎ كورڎېۋە ۋېڕاگری ڕاۋەبەرش کەرۊ، به ئیسفاڎە هۊرگېرتەی جە مەسڵەحەتەکا ناتۆی، یۊبیەی ئه‌وروپای و سویدی، عالتەر پڕناوە پۍ ئه‌وروپای. ئانەیچ قه‌یران و پشېۋی زیاتەرش ۋنە گنۊۋە، چېرو نامۍ "ۋه‌ره‌نگاربیەیۊ جە دژوو تیرۆر"ی، فکر، ڕێكوزیا‌یی و کۊشیای ڕه‌واو گه‌لاو، گلېرگەکا، ژەنا و گه‌نجا به تیرۆر بشناسیا و قه‌ڎه‌غه کریا.
گه‌لوو كورڎی موزیڕا سەرو ئانەی گوڕ به کۊشیای دیموكراسی و ئازاڎیی بڎۊ
جە ١٠٠ه‌مین ساڵڕۊو په‌یماننامه‌و لۆزانینە، پەنەوازەن گه‌لوو كورڎی زیاتەر جە گرڎ وەختۍ، بە ڕېکوستەی و ۋېڕاگرانە به ئیراڎۊ گوڕ به کۊشیای پەی ئازاڎیی، دیموكراسی و ئاشتی بڎۊ. پېسە چنی جە سەرەتاوە شان به شانو گرڎو گه‌لا دژ بە گرڎ جۆره هجومېۋە تیرۆریستی، جینۆساید، فاشیستی و كولۆنیالیستی کۊشیایش کەرڎەن، ئانەش پېسە كلتوورێۋە دیموكراسی و ئازاڎیی ۋەڵۍ وست، جە ئیسە بە دمایچۊ جە پەرەپنەداو بەقوەتو ئا كلتووره‌یە ۋه‌رده‌وام بۊ.
داوا جە ژەنا، هێزه دیموكراسییه‌كا، رۆشنۋیرا و ۋه‌رگریكارا مافو مرۆڤی ، به‌تایبه‌تی گه‌لا ئه‌وروپای کەرمۍ، كه جە ۋەران ۋەر پا مامەڵە و بازرگانییه چه‌په‌ڵه‌ی سەرو چاره‌نۋیسو گه‌لا کریۊ، هه‌ڵۋێسشا بۊ، چا یاگانە کەئینېش چنە، به‌هاكا دیموكراسی و مرۆڤایه‌تی پارېزنا و گه‌ششا کەرا. ۋەڵۍ گرڎ چېۋېنە، پۍ پارېزناو به‌هاكا ژیای و ئاینڎېۋە شكۆمه‌نڎانەی، کۊشیای دژ بە هامپه‌یمانییه قیزه‌ونه‌كا، ورەتەی چه‌كه‌كا، ئا هه‌ڵۋېسۍ کە پاڵپەشتی سیاسه‌تو کۊکوشکەرڎەی کەرا، ئه‌ركۍ مرۆڤایه‌تیین. سەرو ئی ئەساسیچە بانگه‌واز ئاراسەو گرڎ لایۍ کەرمۍ، پەی دیموكراسی، ئازادیی و دادپه‌روه‌ری پاڵپەشتی گه‌لوو كوردی کەرا.
هـ . ش
