خەڵکو کانتۆنو فوراتی دەگا بە دەگا و جاڏە و گەڕەک، گروپ بە گروپ بە بانگەوازو ئیدارەو وێڕاوەبەری دیموکراتیکی ئەرەپڕێ و ئاڎێچ سەفەربەرێ بیێ. ئارۆ جە بلکی کۆبانێنە، سەفەربەری ئەرەیاویا و گەلیچ بەشدارۍ سەفەربەری بیۍ.

بە دەیان دەگێ و گەڕەکێ سەرو بانگەوازو ئیدارەو وێڕاوەبەری سەفەربەرێبیێ.

بە نامێ خەڵکو دەگاو بلکی کۆبانێوە عەلی موراد ئەرەیاونێوەش واناوە و واتش: "پێسەو گەلو  دەگاو بلکی تا دما نەفەس ئینایمۍ چنی هەنگامەکا جەنگاوەراما، ئاڎیێ هیوا و سەرکەوتەیمانێ. چن دۆڵەتو تورکی هرووژم مکەرۆ، دیسان هەر هەنمێ، وێما سەلەمنان، ئیتر دۆڵەتو تورکی ئینا شکستەنە. دۆڵەتو تورکی بە گرڏ شێوێ گەرەکشا کوردی دلێنەبەرۆ، بەڵام ئیتر دمایین ئینا دەسو  ئێمەوە و سەرێ گنمێ".

عەلی موراد جە بەردەوامی قسەکاشەنە واتش: "ئەردۆگان واچی کۆبانێ کەوتەن، ئینا کەوتەینە، ئیساتێچ دیسان ماچۆ ئێمە کوردەکاو چەکەکاشا منیەیمێ چالی. چەکەکاما بنیەیمێرە، پێسە چنین جە بەنداو تشرینی و سردەو قەرەقۆزاقینە شکسشا ئارد، ئێمەنمێ خاوەنو ئی خاکەیە و چەک منیەیمێرە. ئیتر مشۆم هەر چوارپارچەو کوردەسانی ئەرەپڕا، ئارۆ ڕۆو ئێمەن، سەرکەوتەی نزیکا".