وێنیشاندایەکە وەرڎەموو مزگیی گەورەیۊ دەسش پەنە کەرد بەرەو چوارڕاو گەشمەرڎە جودی، ڕسموو ڕابەروو گەلوو کوردی عەبدوڵا ئۊجالانی و لافیتەکێشا بەرزۍ کریێوە و کریۍ بە درووشموو "بۍ سەرۊکی ژیوای مەبۊ" و "ئازادی ڕابەری زامنوو دیموکراسی و سەقامگیریی هەرێمەکەین"، چەنی واتەیۊ درووشمەکاو "وڕیۊ ئەرڎۊگان، بژیوۊ ڕابەر ئۊجالان" و "بۍ سەرۊکی ژیوای مەبۊ" و "وڕیۊ فاشیزم"ی.

دماو یاوایشا بە چوارڕاکەی، ئەنداماو پەیەدەی جە کانتۊنوو گرێ‌سپینە، قەیس زیابی، واتش: "درێژەکێشای گۊشەگیری سەروو ڕابەر عەبدوڵا ئۊجالانی شەرمەزاریین پەی هێزە میاندەوڵەتییەکا، کە بانگەشەو دادپەروەری کەرا، دووەڕووییشا دووەبارە کەراوە، جە بەیاگەیاونای پرەنسیپەکاو دادپەروەری و سەرخوستەی ستەمچەنەکریایانە".

ئاماژەیچش پانەیە کەرد، "سیاسەتوو دەوڵەتوو ئەرەگیروو تورکی گەلە ئازادەکا کەرۊ ئامانج، پەی ماڕای ئیرادەو گەلە مدرامانکەرەکا چونکوم ڕێبازوو ڕابەر عەبدوڵا ئۊجالانی پەیڕەو کەرا، کە بییەن ڕەمزوو ژیوای هامبەشی و برایەتیی گەلا، کە داواو گەلاو هەرێمەکەین پەی بەدیئارڎەی ئاشتی وحەلوو مشکیلەکا ".

ئاخروو قسەکاشنە، جەختش چانەیە کەرڎۊ، تندکەرڎەیۊ کۊشیای و مدرامانی تا بەدیئارڎەی ئازادیی جەسەیی ڕابەروو گەلوو کوردی عەبدوڵا ئۊجالانی.

وێنیشاندایەکە بە درووشموو "بژیوۊ سەرۊک ئاپۊ" و "بژیوۊ مدرامانوو زیندانی" دماییش ئاما.

س.ز