ئینسان بە زۋانیش گەشە مکەرۆ، درەختۍ بە ڕێخە و ڕیشەو ۋێش گەشە مکەرۆ. ئا زۋانەی کە کۆمکوش کریۍ، ئیساتۍ بە هەزاران زاوڵۍ و جیلی تازە پا زۋانەیە پەروەردە مکریا و هەزارەها چانیشا خەموەرۍ ئی زۋانەینۍ، خاوەنداری جە زۋانەکەیشا مکەرا.

بۆنەو ١٥و ئایاریوە، ڕۊو زۋانی کوردی، خۊنکارا ۋەننگەکا کانتۆنوو فوراتی پەی ئاژانسوو هەواڵوو فوراتی قسێشا کەردۍ. زاوڵەکۍ ئاماژەشا پانەی کەردەن، وەشحاڵێنۍ بە زۋانوو ۋێشا موواناوە و منویسا.

حەرپاسە ماچا فرە دڵوەشێنمۍ چونکی بە زۋانی ئەڎایی ۋێما مووانمۍ و مژیومۍ و ماچا حۊڵوو وەڵێوستەی ئاستوو زۋانەکەیما مڎەیمۍ  چونکی ژیۋای بە زۋانی کوردییوە زەریفا."

خۊنکارا پۆلوو ششەمی جە ۋەننگەو گەشمەرڎە ئازاڎیی، ڕۊو ١٥و ئایاری ڕۊو زۋانی کوردیش جە گرڎ کوردێوە  پیرۆز کەرد خۊنکارا ئاماژە پانەی مکەرا، "زوڵم و چەوەسنایۆ زۋانەکەیما بە ئاخێزوو ۋەرنیشتی دمایش ئاما، ئێمە جە ۋەننگەکەمانە بە زۋانوو ۋێما مووانمۍ. ئێمە ئی ڕووەیە جە گرڎوو کوردا مبارەک مکەرمۍ و حۊڵ مڎەیمۍ زۋانەکەما بیاوۆ بە ئاستوو زۋانەکا جەهانی"