ده‌سه‌ی ڕاۋەبەری كه‌ژه‌كەی، جە په‌یامێۋەنە ساڵیاڎو ئاخېزو ۋەرنیشتیش مبارەک کەرڎ و ئەرەیاۋناش، ئاخېزو ۋەرنیشتی جە سەڎەو ٢١ ینە، كه سیستمو سه‌رمایه‌داری حۊڵ مڎۊ هێواو گه‌لا دلېنەبەرۊ، بی به نامۍ گەشنایۊ هیوای و بنیاڎنیای ژیایۍ تازەی.
ده‌سه‌ی ڕاوەبەری كه‌ژه‌كه‌ی، جە په‌یامێۋەنە، ١١ه‌مین ساڵیاڎو ئاخېزو ۋەرنیشتیش مبارەک کەرڎ، كه چنەشەنە ئامان، جە جەهانېۋەنە کە ژەنی جە یانە و سنوورەکا دەوڵەتانە زینڎانی کریېنۍ، ژەنی کورڎی جە ۋەرنیشت جە دژوو داعشی و دماکۊتەیی ئاکەپە-مەهەپەی بە بۍ تەرس جەنگشا کەرڎ و ئەرەیاۋناش، "ئاخېزو ۋەرنیشتی جە سەڎەو ٢١ ینە، كه سیستمی سه‌رمایه‌داری حۊڵ مڎۊ هیواو گه‌لا ماڕۊ، بی بە نامۍ گەش بیەیۊ هیوای و بنیاڎنیاو ژیایۍ تازەی. ئاخېزو ژەنۍ جە ۋەرنیشت چېرو ڕۊشنایی پارادیمو دیموكراتیك، ئیكۆلۆژی و ڕزگاریوازی ژەنا كه جە لایه‌نو ڕابەر ئاپۆیۊ پێشكه‌شكریان ۋەڵېکۊتەن. ئی ئاخېزە جە ڕابه‌ر ئاپۆی و گرڎو ژەنا و گه‌لا مبارەک بۊ.
جە كه‌سایه‌تی شیلان كۆبانۍ، خه‌بات دێرك، باران كۆبانۍ، ئارین میركان، ئه‌ڤێستا خابور، ئایلان، پۆلاد، ئەڎا ئه‌قیده، ئه‌بو له‌یلا و یوسرا ده‌روێشۍ، یاڎو گرڎو گەشمەرڎا ئاخېزی به ڕێز و پنەزانایۊ کەرمېۋە. ئاخېزو ۋەرنیشتوو ١٩و ته‌مووزی چېرو ڕۊشنایی پارادایمو نه‌ته‌وه‌ی دیموكراتیكی ڕابەر ئاپۆینە، پلانەو زلهێزه هه‌ژموونوازه‌كا، كه گەرەکشانە جوگرافیاو ۋەرکەوتوو میامینی کەرانە قەبرسانو گه‌لا، ماڕا و پېۋەرە ژیای، كه جه‌وهه‌رو ئی خاکەینە، زینڎە کەرڎۊ. ئا ژەنۍ کە گېڵایشا شۊنەو ژیایۍ تازەیرە كه‌مش نه‌كەرڎەن، جە ٧ ساڵ حه‌تا ٧٠ ساڵ سەرمەشقیشا پۍ ئاخېزو ۋەرنیشتی کەرڎ، حه‌رچنڎە قوربانیېۋە فرەشا دا، به‌ڵام پېسە ئه‌وینداریشا پۍ ئازاڎیی، جە ئاخېزەنە هه‌نگامەشا پۍ دمای نەنیا و نەکیشیېۋە، به‌پێچه‌وانۊ بیۍ بە یۊ چا كه‌سا كه گرڎ وەختۍ ئاخېز گۊرەتەر کەرا.
ئاخېزو ۋەرنیشتی ئاخېزو ژەنان
جە جەهانېنە کە ژەنی دلۍ یانە و سنوورەکا دەوڵەتانا زینڎانی کریېنۍ، ژەنی کورڎی جە ۋەرنیشتەنە دژ بە داعشی و دماکەوتەیی ئاکەپە-مەهەپەی بە بۍ تەرسی جەنگشا کەرڎ و نوێنەرایەتی ژەنا ۋڵاڎپاڕێزیشا کەرڎ. حەرپۊکەی ئاخېزو ۋەرنیشتی ئاخېزو ژەنېن. نامۍ تۆڕێۋەنە سەرو بناغەو ژیای تازەی دیموکراتیکی ژەنۍ. ژەنی جە ڕاو ئاخېزو ۋەرنیشتیۊ یاۋۍ پا زاناییەی کە متاۋا چېش کەرا، بیۍ بە خۊتان ئا ئیراڎەیە کە ژیای ۋېشا بنیاڎ بنیا. ئا ژەنۍ جە یەپەژۊ تا پارېزنای جەوهەری، جە کۆنگرەو ستاریۊ تا ئەرەمەرزناو سیستمی کۆنفیدڕاڵی جە گرڎوو ئاستەکا ئاخېزینە بەشڎاریشا کەرڎ و سات بە ساتو ئاخېزیشا بە دەسو ۋېشا هۊناۋە، سەرو فەلسەفەو ڕابەر ئاپۆی ۋېشا ڕۊشن کەرڎۊ و بیۍ بە گەرەنتی و دەسەبەری ئاخېزی.
جە ڕاو سیستمو هامسەرۆکیۊ، نوێنەرایەتی ژەنۍ جە ڕاوەبەرڎەینە بەقوەت بیەن و جەوهەرو دیموکراتیکی و داڎپەروەرانەو ژەنۍ جە گرڎوو کایەکا ژیای کۆمەڵایتینە ۋەڵابیەنۊ. ئا مدرامانە بی بە یۊ جە مدرامانە بێهامتاکا کە سەڎەو ٢١یش کەرڎ بە سەڎەو ژەنا. دژ پا مدرامانەیە هجومەکۍ رژێمی فاشیستی ئاکەپە-مەهەپەی و هێزە هەژموونوازەکا جەهانی، جە ١١ەمین ساڵیاڎو ئاخېزینە بە وەحشیانەتەرین شێوە ۋەردەوامېنۍ و ژەنا کەرانە ئامانج. ئەگەر گەل خۊتانکەرڎەی جە ئاخېزەکا کەرۊ و سەرو بنەڕەتېۋە راسی مەرزنۊشەرە، ئا وەختە متاۋا ئاخېزی پارېزنا.
گەلۍ کورڎ، عەرەب، ئەرمەنی، سوریانی و جە حەر چوار لاو جەهانیۊ و جە دەیان نەتەۋۍ تەریۊ ژەنۍ سۆسیالیست ئینتەرناسیۆناڵیستی بە هەستی شۆڕشگێڵیۋە ڕۋەشا کەرڎە ئاخېزو ۋەرنیشتی و جە ۋەرنیشتەنە بیۍ بە پارېزنەرۍ بەها مرۆڤایەتیەکا. سەرو نامۍ بەها بێهامتاکا جەنگشا کەرڎ و گەشمەرڎۍ بیۍ. ئا ژەنە قارەمانۍ کە جە دژوو ئەقڵیەتی سەرمایەداری کە هەست و گەل و ژەنا پارچەپارچە کەرۊ، بیۍ بە بناغەو کۆنفیدڕالیزمی ژەنا جەهانی. پی بۆنۊ ئا هامڕا گەشمەرڎە ئینترناسیۆناڵیستاما بە رێزۊ یاڎ کەرمېۋە و پەیمان واوەی کەرمېۋە کە گوڕ بە ئاخېزی بڎەیمۍ و کۆنفیدڕالیزمو ژەنا جەهانی بارمېنە دی.
چی یاڎەنە داوا جە گرڎوو ژەنا شۆڕشگێڵی-سۆسیالیستی و گەلا کەرمۍ، کە جە ١١ەمین ساڵیاڎو ئاخېزینە بە رۆحو مدرامانو کۆبانۍ، دژ بە هجومە فاشیستیەکا خۊتانکەرڎەی جە ئاخېزو ۋەرنیشتی کەرا و پارېزناش، ساڵیاڎو ١١ەمینو ئی ئاخېزە بێهامتایە جە ڕابەر ئاپۆی، گەشمەرڎا، ئەڎایا، گرڎوو ژەنا و گەلا کە بەنرختەرین بیەو ۋېشا پێشکەش بە ئاخېزی کەرڎ و بەشێۋە جە گیانو ۋېشا بەخشان، مبارەک بایشا ۋنەکەرو".
هـ. ژ
