کەجەدەکە-ئە سەبارەت بە هۊرکوای پۆلیسی پەی سەروو کەناڵەکا ستێرک تی ڤی و مەدیا خەبەر تی ڤی بانگەوازێوە دەموودەسیش ئەرەیاۋنا و جەختش کەردۆ: "گەلەکەما پەی خاوەنداری جە دەنگ و ئیرادەو ۋێشا مشۊم دەموودەس گنانۍ دلۍ جموجوڵی".
جە ئەرەیاۋناکەو (کەجەدەکە-ئە)ینە ئامان، " دژوو حۊڵەکا بێدەنگکەردەی ئەرەیاۋنای ئازاڎیی، ئێمە داواو خاوەنداری جە کەناڵەکاما مکەرمۍ.
ستێرک تی ڤی و مەدیا خەبەر تی ڤی دەنگ و چەمۍ گەلوو کوردینۍ. پۆلیسەکۍ نیمەو شەوێنە هۊرشا کوا سەروو ستۆدیۆکاو ستێرک تی ڤی و مەدیا خەبەر تی ڤی بەلجیکانە و تەوقەشا دۍ.
دەوڵەتوو بەلجیکای کە دلېڕاسەو ئەوروپاینە بانگەشەو دیموکراسی و مافەکا مرۆڤی مکەرۆ، هورشکوا سەروو کەناڵەکا ستێرک تی ڤی و مەدیا خەبەر تی ڤی کە دەنگوو گەلوو کوردینۍ. ئێمە ئېمە ئا هۊرکوای و تەوقدایە شەرمەزار مکەرمۍ.
داوا جە دەوڵەتوو بەلجیکای مکەرمۍ کە دەموودەس دەس چا هەڵوێسە نادیموکراتیەیشە هۊرگێرۆ، کە گەرەکشا ستێرک تی ڤی و مەدیا خەبەر تی ڤی تەرسنۊنە، کە جە تەرەفوو گەلوو کوردی و ملوێنان ئینساناوە تەماشە مکەریا.
داوا جە گەلەکەیما مکەرمۍ کە خاوەنداری جە دەنگ و ئیرادەو ۋێشا بکەرا، دەموودەس گنانۍ ۋێشا و پەی خاوەنداری جە کەناڵەکاشا گنانۍ ئاماڎەباشیۆ. ئێمە داوا جە گەلەکەیما جە ئەوروپانە مکەرمۍ کە پەی خاوەنداری جە ستێرک تی ڤی و مەدیا خەبەر تی ڤی دەمودەس گنانۍ جمای".
