کەجەدەکە_ئە دەربارەو هرووژمەکا سەرو گەریلای، ئەرەیاۋنێوە نویسیاش وەڵاکەرڎۆ و ماچۆ: "سەرەڕاو پرۆسەو ئایێربەسی کە ١ و ئاداری ئەرەیاۋېیا، هرووژمەکۍ سەرو هەرێمەکاو گەریلای جە زاپ و مەتینانە بە سەختی بەردەوامێنۍ. حەرچڼە گەریلاکاو ئازادیی ئاېێربەس جابەجێ مکەرا، سەنگەرەکۍ گەمارۆ مڎریا و بە ئامانجو دلېنەبەردەی هرووژم مکریۆ".

هەرپاسە ماچۆ: "ئی هرووژمۍ بە سەختی قارەمانا دلۍ مەڕەکا مکەرا ئامانج، جە ڕوانی ۋېیەردەیچەنە هرووژمەکۍ یاوێنۍ بە قولەپۊپە.  مەرامشا ئانەن، بە تەقەمەنی کاولکەر و گازی کیمیاویی و درۆنی پەڕ جە تەقەمەنی، مەڕەکا وڕنا و دلېشانە بەرا.

پی هرووژما ئا ئاشتییەی کە ڕابەر ئاپۆ هەوڵش پەی مڎۆ و قەرارەکۍ کۆنگرەو ١٢هەمینو پەکەکەی مکریا ئامانج، هەوڵو شکس پنەئاردەیشا مڎریۆ. ئا زیهنیەتەی پەرە بە جەنگی و کۆمکوژی مڎۆ، حیچ پیمەرێوە ئەخلاقی نمەشناسۆ. ئامانجشا شېونای پرۆسەو ئاشتییا.

پی بۆنۆ، بانگەواز جە گرڎو لایەنگرا ئاشتی و چارەسەری مکەرمۍ، هەڵوێس برمانا و دڕندەیی سوپاو تورکی مردنا کە گەرەکشا گرڎ جۆرە چەکێوە بەکاربارۆ. هەرپاسە بانگەواز جە گرڎو ڕێکوزیاکاما و لایەنە ئاشتیوازە دیموکراتیکەکا مکەرمۍ، دژو دۊڵەتو تورکی کە بە چەکی قەڎەغەکریا و بەشێوێوە نامرۆڤانە هرووژم مکەرۆ سەرو مەتینای و ۋەرنیشتوو زاپی، چالاکی ئەنجام بڎا".