کەجەدەکە – ئە جە ئەرەیاۋنېۋەنە باسش چانەی کەرڎەن، ئاڎۍ سەرو بنەماو "رابەرایەتی ئازاڎیی، کورڎسانۍ ئازاڎی و مدرامانی" پیرۊزبایی جە ٤و نیسانی ڕۊو جە ئەڎابیەو ڕابەروو گەلوو کورڎی "عەبدوڵا ئۊجالان"ی پیرۊز مکەرمۍ.

جە ئەرەیاۋناکەنە ئامان:" ڕۊو جە ئەڎابیەو رابەر ئاپۊی بە ماناو ڕۊو رزگاری گەلوو کورڎی جە جینۊسایدی و دیلی و ڕۆو  جەمبیەی و راسی و داڎپەروەرییا. پی بۊنۆ ئێمە ٤و نیسانی جە گرڎو مرۊڤایەتی و گەلەکەیما پیرۊز مکەرمۍ.

رابەر ئاپۊ جە ٧٤ەمین ساڵۋەگەڕو جە ئەڎابیەیشەنە ئینا چېرو گۊشەگیریۍ دژوارو هێزە میان نەتەوەییەکا و رژێمی فاشیستی ئاکەپە-مەهەپەینە، بەدڵنیاییۋە ئازاڎ بۊنە و دەورو تاریخی ۋێش پەی گەلوو کورڎی و مرۊڤایەتی گێڵنۊنە.

جۊش و خرۊش و نەورۊزو ٢٠٢٣ ۍ خۊتانکەرڎەی ملۋێنان مرۆڤا سەلەمناش کە رابەر ئاپۊ خۊتان مانا و ۋەرپەرسیارێتیێۋی تاریخین. ۋەرو ئانەی ساڵەو ٢٠٢٣ جە ئیسۊ بیێنە بە ساڵێۋە کە ۋنەما دیارا کە ئێمە رابەرایەتی ئازاڎ سەرۊک ئاپۊی دیڎار مکەرمۍ.

پېسە کەجەدەکە- ئە، ئێمە داوا جە گرڎ کەسۍ و تایبەتتەر گەلوو کورڎسانی مکەرمۍ کە ٤و نیسانی بە دروشمەو " ئازاڎیی پۍ رابەر ئاپۊ"ی پیرۊز کەرڎۍ و ئەرەکۊشای ئازاڎی و دیموکراسی بەرز کەرڎێۋە.

بۊنەو ئینەیۊ ئێمە پەی ئازاڎیی گرڎو زینڎانیا سیاسی و بەتایبەتی رابەر ئاپۊی گنمېنە ئاماڎەبیەیۊ".

هـ . ش