جە ئەرەیاۋناکەیشەنە کەجەدەکە-ئە ماچۆ: "زۋان تایبەتمەندیێوە بنەڕەتی بیەی گەل و نەتەوێوەن. دلێنەبەردەو زۋانی کوردی بە ماناو دلێنەبەردەو کوردا مۍ."

جە ئەرەایۋناکەینە ئاماژە پانەی کریان؛ دووژمنی فاشیست و چەوەسنەر بەپاو ئا ئەرەبڕیەیە هەرمانە مکەرۆ پۊکەی گرڎ وەختۍ ئینا هجووم کەردەینە پەی سەروو چاندی و زۋانی کوردی، تاونایۆ زۋانی کوردی پېسە بەردەوامیدای بە دەسەڵاتداری ۋێش موینۆ. پۊکەی سەروو گردیوە دەوڵەتوو تورکی قڕکەری بە سیاسەتوو تاونایۆ و کۆمکوشی هجووموو بیەی، زۋان، چاندی و ئازاڎیی گەلوو کوردی مکەرۆ."

هەر جە ئەرەیاۋناکەو کەجەدەکە-ئەینە ئانەش دیاریکەردەن دژوو چەوەسنایۆ و پەی وەرگیریکەردەی جە بیەی، ئازاڎیی و ئشناسنامەو ۋێما پێویسا ئەرەکۊشای گەورەتەر بکەرمۍ. بە گرڎوو زاراوەکا زۋانی کوردی قسۍ بکەرمۍ، ۋیرکەردەیۆ بەربەری و قڕکەری دلێنەبەرمۍ، بە ستراتیجوو پارێزنای بیەیماوە نزیکوو زۋان و چاندوو ۋێما بیمێوە.

جە دمادمایی ئەرەیاۋناکەینە کەجەدەکە-ئە بانگەوازوو فراوانتەرکەردەی کۊشیایش جە دژوو دەوڵەتوو ئەرەگیری تورکی مکەرۆ و جەژنەو زۋانی کوردی پیرۆزە مکەرۆ و ماچۆ: "بەنامۍ کەجەدەکە-ئەی سەروو ئی بنەمایۍ جەژنەو زۋانی کوردی پیرۆزە مکەرمۍ و سڵام جە گرڎوو ئا کەسا مکەرمۍ پەی زۋان و پەرەوەردەی کوردی هەرمانە مکەرا، هیواو سەرکەوتەیشا پەی موازمۍ."