کەجەدەکە-ئۆروپا ئەرەیاۋناش: "گەلی فیداکارما، ژەنا و جوانا سەرمەشقی ڕاپیمای ئازادی مکەرا و جە ساڵیاڎو پیلانگێڵنی تاریکی ١٥و شوباتینە ئەوەکۊشایشا پەی ڕابەرایەتیێوە ئازادی مېیاونا بە قولەپۊپە. گرڎو ئا هېزا کە١٠٠ساڵێن سیاسەتو نکۆڵی، دلېنەبەردەی و قڕکەردەی پەیڕەو مکەرا، شکسشا ئاورد."

جە بەیاننامەکەنە ئامان: "هرووژمە وەحشیانەکۍ و قڕکەردەی کە ماوەو ١٠٠ ساڵان بە پاڵپەشتی هێزە جەهانییەکا بەردەوامێنۍ، بە مڎرامانێوە گۊرە جە دژو سیستەمو گۆشەگیری ئیمرالی بە ڕابەرایەتی ڕابەر ئاپۊی پووچ کریاوە. دۊڵەتو تورکی کە ئابوری و هێزە سەروازییەکێش پەی بە ئەنجام یاونای قڕکەردەی کوردی کۆکەردۆ، جە ئاکامەنە تووشو شکسی بیۆ."

جە درێژەو بەیاننامەکەینە ئامان "دروشمو 'شمە مەتاودێ ڕۆما تاریک بکەردێ'، کە جە دژو تاریکی ١٥و شوباتی دەسش پنەکەرد، سەرکۆتەن، سیستەمو ئەشکەنجەو ئیمرالی بێکاریگەرا و شکستش ئاردەن. ئەوەکۆشای قارەمانانەو گەلوو وڵاتپارێزیما بە ڕابەرایەتی ڕابەر ئاپوی سەرکۆتەیش بەدەسئاردەن. جە ٢٦ـەمین ساڵڕۆو ئی سەرکۆتەینە، ڕابەر ئاپۆ هەنگامێوە تاریخییەش نیێنە و یاونانش قۆناغێوە وەڵکەوتە. جە سایەو ئی هەنگامە تاریخیێنێ، قۆناغێوە تاریخییە ڕەخسیێنە کە دلێشەنە ئازادیی جە دژو جینۆساید و ئاشتی جە دژو جەنگی خێراتەر و بە هێزتەر بۆنە".

گرڏو ئا هێزا کە پلانگێڵی مییاننەتەوەیشا متەرە و ئەنجامشادا، ویناشا کە ڕابەر ئاپۆ ئیرادەو ملیۆنان کەسین، ڕابەرو جمیەرەو ئازادیی جەهانین. پۆکەی ئانێ جە زینانو ئیمرالیی گۆشەگیریشا کەردەن و گەرەکشا بێ پی جۆرە دلێشنە بەرا، ویناشا سەرەڕاو ئانەی گۆشەگیر کریا، سەرمەشقی ئەوەکۆشایێ جەهانی مکەرۆ.

ڕابەر ئاپۆ کە ٢٠ساڵێ چێوەڵتەر مرۆڤایەتی جە هەڕەشەکا جەنگو جەهانی یەرەمی هۆشیار کەردۆ، ڕاو ئاشتی و ئازادی جە وەرکەوتوو دلێڕاسەی و جەهانی جە دژو جەنگی پێشنیار و نیشانەشدا.

"ڕابەر ئاپۆ جە ٢٦ـەمین ساڵوەگەڕو پیلانگێڵی مییاننەتەوینە، ئەوەکۆشای مرۆڤایەتیش یاونان ئاستێوە جەهانی و پێشنیارو چارەسەری مکەرۆ".

جە دماینو بەیاننامەکەینە ئامان، "ڕابەر ئاپۆ، جە ٢٦ ـەمین ساڵەو پیلانگێڵینە، پەی پێچەوانەکەردەیۆ هەمیشەیی پیلانگێڵنییەکەی مژدەو هەنگامێوە تازەی پەخشۆنە، گرڏما بە تامەزرۆییۆ چەمەڕاو ئی هەنگامە تاریخییە مکەرمێ بۆنە بە هیوایێ گۆرە پەی کوردەسانی و تورکیا و گەلا جەهانی."

هەرپاسە پەی ڕاپیمای ١٥و شوباتی ڕۆو شەممەی جە ستراسبۆرگ و ئا چالاکییێ جە فرە جە وڵاتا ئەوروپای لوا ڕاوە، داوا جە گرڏ لێوە مکەرمێ، گەلوو کوردی و دۆساش، جە ١٥و شوباتی بە دروشموو 'شمە مەتاودێ ڕۆما تاریک بکەردێ' مچیا سەرو جادەکا و پیلانگێڵی مییانەتەوەیی ئیدانە بکەرا."