کۊمېتەو گەلی و باوەڕیەکا کەجەکەی بەبۊنەو ئاماو مانگەو ڕەمەزانېۊ پەیامێۋەش ۋەڵاو کەرڎۊو چنەشەنە ئامان، جەھانو ئېسلامی ملۊنە دلۍ مانگەو ڕەمەزانی و ھومێڎەوارێنمۍ دوعاو نەزرەو پەرسش و ئی مانگۍ ڕا پۍ یەکسانی، ئازاڎیی، برایەتی ۋەش کەرۊ.
کۊمېتەو گەلی و باوەڕیەکا کەجەکەی بەبۊنەو ئاماو مانگەو ڕەمەزانېۊ پەیامێۋەش ۋەڵاو کەرڎۊو چنەشەنە ئامان، جەھانو ئېسلامی ملۊنە دلۍ مانگەو ڕەمەزانی و ھومێڎەوارێنمۍ دوعاو نەزرەو پەرسش و ئی مانگۍ ڕا پۍ یەکسانی، ئازاڎیی، برایەتی ۋەش کەرۊ، ماچۊ؛ داواکەرمۍ موسڵمانا گرنگی بە خانەۋاڎەو کەسوکارو گەشمەرڎا و زینڎانېا بڎاو پەشتېۋانېۍ گۊرەشا ۋنە کەرا.
کۊمېتەو گەلی و باوەڕیەکا کۊما جڤاکێن کورڎسان (کەجەکە)ی بەبۊنەو ئاماو مانگەو ڕەمەزانېۊ پەیامێۋەش ۋەڵا کەرڎۊ.
جە ئەرەیاۋناکەنە ئامان؛ گەلو کورڎی ئێساڵ جە گرڎ ۋەختۍ زیاتەر بە وشیاری و زانایۊ ملۊنە دلۍ مانگەو ڕۊچەگێرتەی و خەڵکو کورڎسانی مزانا، کە دماو جەژنەو ڕەمەزانی و نەورۊزېۊ ڕوۋەداو گەلۍ تازۍ و گۊرۍ و تاریخیۍ چەمەڕاشا کەرا.
کەجەکە ئەرەیاۋناش:" قەناعەتما چانەن کە بە دڵنېایۋە گەلەکەما دوعاو پەرستش و پېرۊزو ۋێشا جە ۋەربانگۍ تاریخېنە پێسە دەرفەتێۋە پۍ گۊرەکەرڎەو دەسکۊتە دیموکراتیەکاو ۋێشا ئەنجام مڎا.
ئانەیچ وزیان ڕوۋە سیاسەتو ترکی –ئېسلامی ئاکەپە و مەھەپەی جە کارەساتەکانە بۊ بەمەڵامەتو زیاڎ بیەو ئێشو ئازارەکا، حەرپاسە دۊڵەتو ترکی بومەلەرزەکەش کەرڎ بە مەڵامەتو فاڕاو دیمۊگرافیاو مەنتېقە کارەساڎ بارەکا''.
کەجەکە ئەرەیەۋناش:"داوا جە کورڎسانیاو گرڎو باوەڕیەکاما کەرمۍ کە بەتنی ۋەران ۋەرو
ئا ھجوماو دۊڵەتو ئەرەگېرو ترکېنە ۋەرگېری جە خاکو ۋێشا کەرانۍ، بە بەقوەت کەرڎەو باوەڕی و، ئەشناسنامەو کولتوری ۋێشا جوابشا بڎاوە".
کەجەکە ۋاتش:"داوا جە گەلەکەیما مکەرمۍ، ۋەڵۍ گرڎ چێۋێنە گرنگی بە خانەواڎەو گەشمەرڎاو کەسوکاریشا و زینڎانېا بڎاو پەشتېوانېۍ گۊرەشا ۋنە بکەرا. ئێساڵېچ سەرفېترەو زەکاتو ۋێشا بڎا بە دەزگا خێرۊ مەنڎو ۋڵاڎپارێزێزو نېشتېمان پەروەرەکا''.
جە دما دمایی ئەرەیاۋناکەینە ئامان، بە پەیلواو ئێمە گەلو کورڎی چی ڕەمەزانەنە براو کەسوکارەکاو ۋێشا کە جە بومەلەرزەو لافاۋەکەو ئێساڵېەنە زەرەرشا ۋنە کۊت جە ۋیر مەکەراو ئانەی سەرو سفرەکاشاۋە بۊ بە ڕۊحی ۋڵاڎ پارێزی و نېشتېمان پەروەریۊ چنېشا بەشش کەرا.
ھ.ش
