کەجەکە هجوومەکاو دەوڵەتوو تورکیش پەی سەروو پانیشتوو کوردسانی سەرمەزارێ کەردێ و ئەرەیاوناش" وەرپەرسی سەرەکیی ئەرەگیری و کۆکوشیی سەروو پانیشتوو کوردسانی ئینا گەردەنوو پەدەکەی و بارزانیینە."
هامسەرۆکایەتیی دەسەو ڕاوەبەریی کەجەکەی سەبارەت بە هجوومەکاو دەوڵەتی ئەرەگیروو تورکی،پەی سەروو پانیشتوو کوردسانی، کە ماوەکاو وەڵێنە زیادشا کەردەن، ئەرەیاوناێوەشا وەڵا کەردۆ:
ئەرەیاونایەکە ئینەنە:
"ئەنجاموو هجوومەکاو دەوڵەتی ئەرەگیروو تورکی کۆلۆنیالیستی قڕکەرینە پەی سەروو پانیشتوو کوردسانی، خەڵکی فرەی مەدەنی و خەڵکی وەڵاتپارێزنوو گەلەکەیما گەشمەردێ بیێ و فرێچ بریندارێ بیێ. ئێمە بەڕێزۆ یادوو ئا کەسا مکەرمێوە کە چا هجوومانە گەشمەردێ بیێ و هاموەخت هومێدوو خاسبییەیوە پەی بریندارەکا موازمێ، داوا وەنەو گەلەکەیما و ڕێکوزیا وەڵاتپرایزن و دیموکراتەکا مکەرمێ، کە خاوەنداری وەنەو گەشمەردا و بریندارا بکەرا و پەشتیوانێشا با. ئانە هەرمانێوە سەرەکییەی وەڵاتپاریزنییەنە، مسۆم ئا هەرمانێ بێ کەموکوڵی بیاویۆ یاگێ.
ئا هجوومە نامەردانەو دەوڵەتی ئەرەگیروو تورکی واوەی بەتندی شەرمەزار مکەرمێ. حکومەتوو عێراقیچ شەرمەزار مکەرمێ، کە بۆنەو پەیوەندی و ڕێککەوتەیەکاشۆ چنی دەوڵەتوو تورکی بناغە و زەمینە پەی کۆکوشییەکا وەش مکەرۆ. ئاشکران کە ئا هجوومێ کە زیادشا کەردەن، ونەکەوتەیوەی ڕێککەوتەیە چەپەڵەکا و پەیوەندییەکان چەنی دەوڵەتوو عێراقی. سەلەمیان کە ئانە بە ماناو ئەرەگیری و کۆکوشیین. مشۆم بزانیۆ کە هجوومەکاو ئیساتێ و چێولای سەروو پانیشتوو کوردسانی و عێراقی، جە ئەرەگیری و کۆکوشییەکانە پێسەو دەوڵەتوو تورکی حکومەتوو عێراقیچ وەرپەرسا. ئینجا ئا هێزێچە کە پەشتیوانێ عێراقینێ، مبانێ بە هامبەشوو ئا غەڵەتە تارێخییە، یا ئەگەر بەئاشکرا هەڵوێستشا نییەن، مبانە بە تاوانبارێ.
هۆشداریی مدەیمێ بە هێزە پەیوەندیدارەکا، بەتایبەتی حکومەتوو عێراقی کە چا پەیوەندییە خۆفناکا و غەڵەتا چنی دەوڵەتوو تورکی پاشگەزێ باوە، ئا پەیوەندیێ ئینێ خزمەتوو بەرژەوەندیی چەپەڵینە کە ئامانجەکەش ئەرەگیری و قڕکەردەین کوردسانەنە، حەرپاسە عێراقی موزۆ چێروو سەیەو دەوڵەتوو تورکیوە، ئایندەی ئازاد و دیموکراتیکوو گەلاو وەرکەوتوو دلێراسەی موزۆنە تەرسیوە.
ئامانجوو دەسەڵاتداریی ئاکەپە – مەهەپەی فاشیستی، نیۆعوسمانی و ئەرەگیر ئانەنە کە گەلا بکوشۆ، وەرشا بدۆنە یۆترینی و میساقی میللی ئەرەگیر بکەرۆ، وێش زاڵ بکەرۆ هەرێمەکەنە. ئا سیاسەتە وەڵێ گرد چێوێنە هەڕەشێنە پەی سەروو عێراقی و یەکپارچەیی عێراقی، پەوکای مشۆم زیاد جە گرد لاێوە عێراق ئا راسییە بزانۆ.
بۆنەو ئی پەیوەندییە غەڵەتاو حکومەتوو عێراقیوە، عێراق زوو بەرەو غەڵەتی لوان، ئا هێزێ کە ماچا دژوو ئی ڕاڕەوینێ، پەنەوازا هەڵوێستێوە قەوەتتەر نیشانە بدا، نەک بە ڕاستەوخۆیی بەڵکوم بەئاشکرا، پەنەوازییش بە هەڵوێسترێوە قەوەتی هەن، پەوکای هێزە وەڵاتپاریزن و دیموکراتەکاو عێراقی، کە لایەنگێرێ سەروەری و یەکپارچەیی عێراقینێ، ڕۆشنویراو عێراقی، مشۆم هەڵوێستی جیددی و قەوەت نیشانە بدا، تا حکومەتی چی هەڵوێست و ڕاڕەوی بگێڵناوە.
وەرپەرسی سەرەکیی کۆکوشی و ئەرەگیریی پانیشتوو کوردسانینە پەدەکە و بارزانینێ، پەدەکە و بارزانیی پەی بەرژەوەندیی وێشا بیێنێ بە هامبەشوو دلێنەبەردەی کوردی و پەی کوردسانی بیێنێ بە گەورەتەرین هەڕەشێ، بارزانی تا هەڵوێست و هامکاریی وێش و خیانەتیش بپۆژنۆرە ئینەیە ڕەوایەتیی پەنە بدۆ، دەوڵەتوو عێراقیش ناچار کەرد، کە پەیوەندیێوە چینە وەش بکەرۆ، وەڵێ گرد چێوێوەنە مشۆم ئی تەرسێ بوینیۆ، وەراوەروو ئی تەرسێوە هەڵوێستێوە قەوەت نیشانە بدریۆ، مشۆم سیاسەت و هێزە وەڵاتپارێزنەکێ و ڕۆشنویراو کوردی پی وەرپەرسیوە ورسونیشت بکەرا و سەرمەشقێ ئینەیە با، گەلەکەیچما وەراوەروو ئی هجووماوە بێدەنگ نەبۆ، دژوو کۆکوشی و خەتەو خیانەتوو هامکارا، هەڵوێستی قەوەت نیشانە بدۆ، زیاتەر خاوەنداریی وەنەو هەقیقەتوو گەشمەردا بکەرۆ و یەکڕیزیی وێش قەوەت بکەرۆ، خەباتوو ئازادیی وەرفراوان بکەرۆ.
