کەمال کڵېچدار ئۊغلو سەرداو ھەدەپەی کەرۊو چنی ھامسەرۊکا کۊبۊۋە
مېدیاکۍ ترکېەی ۋەڵاشا کەرڎۊ، کە ئارۊ سەعاڎ ١٢ و نېمەڕۊی، کەمال کڵېچدار ئۊغلۊ سەرۊکو جەھەپەی جە ئەنقەرە سەرداو بارەگاو ئەنجومەنو گرڎی ھەدەپەی کەرۊ.
دماو دما وستەو گلێرۊبیەی سەرۊکو جەھەپەی و ھەدەپەی، قەرارا ئارۊ ئا کۊبیەیۊ جە ئەنقەرە بلۊڕاۋە و جەبارەو ورچنېاکا تورکېای مەرجو داواکاری ھەردوۋە لای گفتوگۊش سەر کریۊ، چەمەڕا کریۊ سەرۊکو جەھەپەی چا سەردایشەنە بە ڕەسمی داواو پەشتېۋانی جە ھەدەپەی کەرۊ.
مېدیاکۍ ترکېەی ۋەڵاشا کەرڎۊ، کە ئارۊ سەعاڎ ١٢ و نېمەڕۊی، کەمال کڵېچدار ئۊغلۊ سەرۊکو جەھەپەی کاندید پۍ سەرۊک کۊماری جە ئەنقەرە سەرداو بارەگاو ئەنجومەنو گرڎی ھەدەپەی کەرۊ.
قەرارا سەرۊکو جەھەپەی چنی ھامسەرۊکا ھەدەپەی کۊبۊوە و جەبارەو پەرسو ھورچنېاکاو مانگەو ئایاری گفتوگۊ کەرانۍ، پۍ ئا مەبەسەیچە سەرۊکو جەھەپەی گەرەکشا بەرنامەو سېاسەتو ھەدەپەی بزانۊ پۍ ئی ورچنېایە و بە ڕەسمی داواو پەشتېوانی کەرۊنە، جە ۋەران ۋەریچنە ھەدەپە داواکاریەکاو ۋێش وزۊنە ڕوۋە.
ئی سەرداو کەمال کڵېجدار ئۊغلۊی پۍ لاو ھەدەپەی ھامۋەختا چنی زەماۋنەو نەورۊزی جە شارو ئامەڎی کە قەرارا سەوای بلۊ ڕاۋە، چەمەڕاو ئانەی کریۊ ھەدەپەو ھامپەیمانی ڕەنجی چا مەراسېمنە ھەڵۋێسو ۋێش سەرو ورچنیاکا ئەرەیاۋنۊ. بەڵام تا ئېسە ئانە ڕۊشن نېا جە مەراسېمو نەورۊزینە ھەدەپە تەمامو بەرنامەو ھەڵۋێسو ۋێش ئاشکرا کەرۊ یان تەنېا چن ۋەرچەم ڕۊشنیۍ مڎۊ.
سەرۊکو جەھەپەی جە سەرداکەو ئارۊیشەنە ئامانجش ئانەن ۋەڵۍ مەراسېمو نەورۊزو سەواینە ھەڵۋێسو ھەدەپەی بزانۊ و گفتوگۊ سەرو ورچنیاکا بکەرا.
قەراربۍ حەفتەی ۋەڵېن کەمال کڵېجدار ئۊغلۊ سەرداو ھەدەپەی کەرۊ، بەڵام سەرو داواو ھەدەپەی گلێرۊبیەکە دما وزیا و ئارۊیچ ئا کۊبیەیۊ ملۊڕاۋە.
کەمال کڵېجدار ئۊغلو سەرۊکو جەھەپەی و کاندیدو شش لایەنەکەو ئۊپۊزسېۊنی پۍ پۊستو سەرۊک کۊمارو ترکېەی، پۍ ئانەیچ چەمشا جە دەنگو پەشتېوانی ھەدەپەین، بەڵام ھەدەپە مەرجو ۋێش ھەن پۍ پەشتېوانی کەرڎەی جە کلېجدار ئۊغلوی.
ھ.ش
