ماۋێوی فرەن، شارەکڷەو ”بانەوڕێ”ی سەر بە شارستان پاوە-و هەورامانی، بێئاوەن و سەرەڕاو هەوڵێ و تەقەلایێ فرێ جەلاو ئەرەنیشتەکانشەوە، بەڵام تا ئیسە کاربەدەستێ دەوڵەتی جە ناوچەکەنە هەنگامەشان پەی چارەسەری ئاۋەو واردەیۆ هاموڵاتیان نەنیێنە.
پەوکەی پەی چارەسەری گرفتەکەی، بانەوڕێیەکێ هۆرئێستێن بە ڕێکوستەی کەمپەینی و جە ڕاشەوە وازیارێنێ دەوڵەت بەئاگابێوە و بێئاۋیەکە چارەسەر بکرۆنە..
 
شارەکڷەو ”بانەوڕێ”ی سەر بە شارستان پاوە-و (هەورامان)یەن و نزیکە بە ٤ هەزارێ ئەرەنیشتێش هەنێ کە بە جافی (سۆرانی) قسێ مەکەرانێ. بانەوڕێیەکێ چەنڎین ساڵێن گرفتارێ کەمئاۋیەنێ و دەوڵەتیچ کەمتەرخەمانە ژڵێویانەوە و هیچ هەوڵێش پەی چارەسەی کەمئاۋیەکەی نییەن و ئانەیچە خەڵکەکەش نیگەران کەردەن.